محتاجة الحل ياجماعة الخير(عناد_ضرب_أذية.........والكل يكرهها ويشتكي منها)

السلام عليكم
ياليت يكون عندنا زي المربيات اللي يجو البيت اجيبها لاطفالي عجزت عن تربيتهم واستسلمت ورفعت الراية راية سوداء من الاحباط اللي جابولي هو
..........................................
كل يوم وكم مرة في اليوم ال2الكبار يتعاندوا ويتلاسنوا ويشتكوا على بعض عندي طبعا كرهتهم رغم اني ادعيلهم او بالاحرى كرهتهم لتصرفاتهم وشكاهم ومشاكلهم اللي ماتخلص نفسي يكونو هادئين امامي في المنزل امام الناس ادب واخلاق ومافي احسن منهم وفي البيت اكرههم لدرجة اني انومهم ونطلع انا وابوهم بس عشان اغير جو من كآبتهم لي اخد الصغيرة ونلف بالسيارة كرهت البيت والعيشة معاهم نفسي ارتاح منهم لمدة اسبوع او شهر بس قلبي مايعطيني حلفت اليوم الصبح اني اخد الصغيرة بعد الاختبارات وانزل جدة عند اهلي اتمشى واتركهم يتعاقبوا مع ابوهم يومين بس لكن ياليت قلبي يعطيني أو أبوهم يرضى لكن أبوهم ماعنده مانع
.........................................
كل وحدة تدخل تعطيني الحل ادعيلها الله يبلغها كل خير في نفسها
.................................................. ...........
جيت للمهم بنتي الكبيرة الله يصلحها ويهديها تسوي في اخواتها حال مو طيب مع كثر غيرتها منهم مانفع معاها لا الكلام بهدوء ولا العقاب والحرمان من الطلوع لجدتها ولا الضرب وهو آخر وسيلة
تضرب اخواتها وتغاااااااااااااااااااااااااااااااااااااااااا اار من اختها الوسطانية لانها ودودة وحبوبة وتحضني انا وابوها وتبتسم وتسمع الكلام اكثر منها والكل يحبها حتى في المدرسة المعلمات يحبو الوسطانية اكثر اما الكبيرة لهدوئها يتركوها في حالها وهي متعقدة من آثار وحمة كانت في وجهها عملنالها عملية ازالة للوحمة وترك الطبيب الاثر ل17 سنة وهيا الان بدأت ب10 سنوات ومتعقدة منها وغلطة اخطها الوسطى انها تستهزيء بشعر اختها الكبيرة واثر الوحمة (الخط اللي في وجه الكبيرة)وهذه اهم نقطة

أختي لم استطع فهم المشكلة تماما لأن الصفحة لا تظهر لي كاملة

هل هذه المشكلة عندي أنا فقط؟؟ لأن بقية الموضوعات تفتح الصفحات بشكل جيد وكاملة

اله يعينك بيا اختى ويهدياك اولادك

غريبة انه ماظهرت الصفحة
................................
يحي2007 كيف تدخل منتدى نسائي باسم رجالي وبانك انثى؟؟؟؟؟؟؟؟؟؟؟؟؟
على العموم آآآآآآآآآآمين

بسيطة روينة هدي من حالك
واحكيلنا عمر اولادك كلهم

روينة عندنا يا هلا .. الله يسعد اليي جابوك لنا

شوفي ياعمري شكلك مرة معصبة وجيتي كتبتي اليي في بالك ..

طبعاً مانعرف نحكم الا بالأعمار .. والظاهر انهم في المدارس وكبار نوعاً ما ..

شوفي يا قمر .. عندي معاذ كمل 10 سنين وربي حاسة انه رح يطلع لي نخلة في راسي ..لكن حرمته من الكمبيوتر شهر ومن التلفزيون اسبوع ..

والأخ مو نافع فيه يغلط غلط فوق غلط .. سواء تدخل في اخوانه والا مد يد والا صراخ .. ودحين بعد شهرين عرف ان الله حق . وخف الحمد لله ..

لكن تجيه فترة وفترة الا يتلقف والا يصرخ ..

بس بشكل عام الصراحة انا اعامله غير عنهم .. عشان لايقول انه احمله أخطائهم والا شي زي كدا ..

يعني ما اقوله يتعلموا منك ابداً .. خلاص كل واحد يتحمل خطأه .. ولو واحد غلط والتاني عاد نفس الغلط يتعاقب التاني اشد .. لأنه شاف الأول المفروض يتعظ .

مافي عندي تريقة على بعض .. اليي يتريق يتعاقب عقاب شنيع .. بالنسبة لهم الحرمان من التلفزيون والا الخروج يعني نهاية العالم .

بس الله يصلحهم لاااااااااااااااااااازم من البياخة ..

دايماً أنزلهم اناشيد انجليزية ينبسطوا عليها مرة .. وجمون الله يسعدها متوصية بي كل فترة ترسل لي روابط ..

اسوي لهم سيديات مرة يفرحوا .. جبت لكل واحد جهاز سي دي .. جبت لهم ساعات غريبة مرة .. من فترة لفترة اخيط لهم شنط وحركات حلوة .

اسوي لهم مسابقات وجوائز .. ما أفوت أي فرصة تجي لهم سواء رحلة والا مخيم _ الأولاد بس _ والا حصص أشغال والا كرنفال .

أحاول بكل طاقاتي أني أشعرهم بحبي لهم بأي طريقة ..

الصغار .. اقل من 6 سنين يموتوا في القراءة .. يعني جيبي كتاب واقري لهم هو .. بس اشرطي عليهم مافي اسئلة قبل مانخلص .

مرات اخليهم يكووا ملابسهم طبعاً لازم من الطبيخ .. كتييييييييييييير نخترع ونخبص سواء تجارب والا اشغال والا رسومات ونعلقها .

نسوي مشاريع على الكمبيوتر ..

نلعب ألعاب على الكمبيوتر وتحديات وحركات تحف .

لكن ارجع اقول لازم من القرف الله يصلحهم .. اليوم فاتهم الباص وقمت خرجت في الشارع صرررررررررررررخت لهم عشان ماكان فيه احد .

وقعدت في الشارع لوحدي شوية ابكي من القرف .. الله يصلحهم ويهديهم ويسخرهم لخدمة دينه وطاعته .

بس انا كتير اطننننننننننش لأني لو دققت رح انجن .. وربي جات علي فترات من جد رح انخبل منهم خاصة الكبير .

بنتك الكبيرة قولي لها انها مميزة مهي زي باقي البشر وكل واحد ربنا اعطاه فرصة يتعلم منها وحكيها قصص الناس المميزين وكيف انه بعضهم عندهم امراض وراثية وصعوبات تعلم وهي بس عندها وحمة .

انا لما كنت صغيرة سويت عملية تجميل وتركت اثر في وجهي تعقدت منه مدة مهي قصيرة .فعارفة كيف بنتك حاسة .. وكان لما أحد يسألني عنه احس أني اقبح بنت في الدنيا ..

فتخيلي كيف لما اخد يتريق عليها ..

لازم تمنعي اختها وتعاقبيها بشدة .. احرميها من المصروف لو يأثر فيها .. من التلفزيون والا الكمبيوتر .. وأقولك اقوى عقاب اسويه .

اخرجهم مع ابوهم واخلي المعاقب معايا وانشغل عنه وكل بعد شوية اقوله تلاقيهم مبسوطين ويسووا ويعملوا .

لا ماني مصدقة روينة هنا

فينك ياحرمة من زمان عنك .

لا تشكي لي ابكي لك .

كلنا في الهوا سوا

ابني يده طويلة لا ويضرب برجله ابوه يخاصمه كثير .

عملت مثل وجنات

بالنسبة لهم الحرمان من التلفزيون والا الخروج يعني نهاية العالم .

تعرفي صار عادي مرة انه نخرج وهم يجلسوا في البيت لانهم يعملوا اللي بدهم اياه

حرمت من مصروف مانفع .

وبعدين لا تتوحمي ياحرمة امزح معاك انا سهيل عنده وحمة عند كتفه اخته تتريق عليه تقول

قرف لون دم .

المفروض بنياتك يعرفوا انه لا فرق بين المسلمين اتعاملي معاهم باسلوب القصص

يعني قصص الصحابة مثل قصة الصحابي اللي طلع فوق الشجرة والصحابة لما شافوا رجله نحيلة ضحكو

وكيف الرسول رد عليهم .

اعملي نظام القصص امكن ينفع لكن تكون قصص معبرة وتشدهم
روحي مكتبة جرير واشتري الين تطفشي فيها قصص تجنن .


اعملي مسابقة في البيت اللي تسمع الكلام لها جائزة كبيرة شوفي وقتها ايش مشتهين يشتروه واشتريه لهم بالدس

وفاجيئهم به .

وربنا يهديهم.

أم سهيل الصحابي كان عبد الله بن مسعود ..

حمرة الورد انا جداوية ولادة ونشأة جدةبس الوالد والوالدة من مكة واتزوجت وطلعت مكة ولله الحمد
ايضا ام سهيل
ماشاء الله لاقوة الا بالله
يابختكم على طولة البال
انا فكرت انه في واحد صاحب ابوها طبيب نفسي قلتله كلمه يزورنا البيت على انه صاحبك وتقابله ويفهمها اكثر ويعطينا الحل!!!!!!!!!مارأيكم
لاني والله مرة جلست ابكي منهم خلقي ضااااااااااااااااااق وبالذات انه ماعندي شغالة مستمرة جننوني
تجيني باليوم تسوي اللي ابغاه وتروح الله معاها

راح اجرب قبل فترة سويتلهم جدول طبعته وانه كل وحدة تنفذ الاشياء الاساية منها يوميا احطلها صح واخر الاسبوع تتكافأ بالذات اللي تكون طيبة وتسمع الكلام ومو شرط هدية لا ممكن حضن مني ممكن بوسة ممكن مكافأة بأنها تخرج مثلا معايا فألقاهم يتسابقوا على انه كل وحدة تكون احسن من التانية
.............................
بس كارهة عمري وكل شي حواليا كرهت الدنيا وكل شي الا ماما وبابا والصغيرة المريضة بس
صرت اكبر مكتئبة في مكة
.....................................
حكوني حكاية الصحابي هذا ما اعرفها للاسف الشديد