السلام عليكم ورحمة الله وبركاته
..
صباح /مساء الخير لاحلى أمهات


الفطام اول حرمان يواجه الطفل في حياته
..
من فترة قصيرة فطمت بنتي ديانا .. والحمد لله كنت برضعها طبيعي
..
بسمع قصص كتيرة عن الفطام والأم كيف بتتعذب والطفل شو بساوي بحاله
..
متل بنت رفيقتي كانت تصحى بالليل تضرب راسها بالحيط هههه
..
أخواتي .. اهم شغلة بالفطام ما يكون بفترة التسنين , بهالفترة الطفل ونيسه الوحيد صدر أمه او الرضاعة .. صعب تفطميه عنها .. وحتى ما تسوء حالته زيادة
..
بنتي كانت ما تتركني لا ليل ولا نهار

فقلت رح افطمها تدريجيا .. ما قدرت .. لا تاكل منيح وكل اعتمادها على صدري
فقررت افطمها نهائيا ..

استغلت فرصة بيت اهل زوجي عندي مشان تلتهي عني شوي

..
صحيت الصبح كالعادة بدها تفطر ..
فكنت حاطة شوية بن قهوة يعني ^_^ على حلمة الصدر مشان تقرف منه
لما تشوفه قلها

ييييييي شفتي الدودو .. هدا مو حلو ههههه

فهي تقرف وتقلي دودووو هههه
طعميها بيض او جبنة .. اي شي بس يكون خفيف عليها ..
وصارت تشرب حليب الحمد الله

اخواتي .. حابة نبهكم على شغلة .. لا تفطمي طفلك من صدرك وتعطيه الرضاعة او الببرونة ..
هدا فطام تاني
حتى لو تعزبتي .. بتخلصي من رضاعة الصدر و بعدين بيجي فطام الببرونة ..؟؟
___________________________________

المهم .. قضينا النهار كلو على هدا كخ وفيه دو دو و من هالحكي ..
وكل مرة تحاول تقعد بحضني قوم وقف فيها ومشيها ولعبها لا تخليها تهدى بصدرك

..
وتلعب مع ستها وجدها .. واذا مافي عندي حليب شربها زهورات او عصير المهم خليها مشغولة بشي ..

..
صار وقت الليل .. وهون المشكلة متعودة تنام على صدري ..
حاولت بقدر الامكان ما خليها تنام بالنهار الا ساعة او ساعة ونص الظهر
يجي وقت النوم تبكي شوي وتنئ شوي وبعدين تغفل لحالها
..
وهلأ الفيقة بنص الليل ,, شو ساوي فيها .. الله بعين

كاسة المي والحليب قريبة مني دائما
كل مرة تفيق تبكي وتبكي الحمد الله مو لفترة طويلة وتضربني وتعضني بعدين تشرب مي او حليب وتناااااام
يا قلبي عليها .. تقرب على صدري ..قلها في دودوو هههه تدفشني وتبكي

..
ليلتين .. والتالتة كانت مفطومة
الحمد لله ..

..ملاحظة..
لا تعطي طفلك السكاكر والحلو .. صراحة هي غلطتي مع بنتي .. كل يوم بتاكل سكاكر وحلو كل يووووووم
عم تخف شهيتها عن الاكل .

..
بهالفترة هي ,, صدر الأم بيقسى وبحجر ..
عليكي بغسلة بالمي الفاترة
اسبوع 10 ايام بالكتير بروح الوجع
وطفلك بيتعود عالاكل .. وبنام بالليل واذا صحي ,, بتعطيه مي او حليب بكاسة الطفل او بالكاسة العادية مو بالببرونة
..

أختي .. الفطام موبس صعب عالطفل صعب عالام كمان
وقت تبكي بالليل ابكي معها .. تزكرت حالي اول مرة رضعتها وابكي من وجع صدري وقول ما بدي رضعها وهلأ بكيت لانو رح تتركني
ولهلا بحن اني رضعها وضمها على صدري

وكنت خايفة تبعد عني .. بالعكس قربت مني زيادة .. بتنام على صدري ونسيت انو كان فيه رضاعة هههه
..
الله يحمي جميع ولاد المسلمين
ويجعلن من الصالحين
يبعتلن ايام حلوة

..

يعطيكي العافية ياسمين
شكرا على النصائح الحلوة
الله يحمي دندونة يارب وتشوفيها عروس
ان شالله رح آخد بنصائحك وقت افطم يوسف

اهلا ياسمين
ماشاء الله تجربتك حلوة جدا ومفيدة
انا كمان فطمت اولادي بالتدريج
لمدة شهر كامل كل اسبوع اشيل رضعة واحط مكانها وجبة
لحد اخر رضعة كانت اول ما يصحى من النوم
ولما لغيتها استبدلتها بكوب لبن وماشاء الله اصلا مش بيعرفوا اني فطمتهم
لانهم بينسوا الحمد لله
معاك حق جدا في موضوع البيبرونة
الموضوع رااااااااائع

بارك الله فيك

مرحبا اخواتي
حبيت اشارك معاكم

بالنسبة لي انا ابتدي افطم اولادي من عملر 4 شهور ........شلون؟

اقوم ابتدي اعطيهم الوجبات الجامدة المهروسة واعطيهم ماي
شوي شوي يتعودون وكل شهرين اقلل من رضعة الى 2 الى ان اوصل الى السنة اقوم ارضعهم بس بالليل واحاول اعشيهم متاخر عشان مايرضعون
وشوي شوي هم بروحهم يتركون الرضعه الليلية

موضوعك رائع ونصائح مفيده جدا
انا ناوي افطم ابنى بعد العيد ان شاء الله بس كان نفسى افطمه بالتدريج يعنى الاول يبطل رضاعه بالليل وبعدين نقلل بالنهار
بس مشكلتى انه مش بياخد رضعه كاملة هو بياكل الحمد لله بس موضوع الرضاعه دى لااازم طول الليل والنهار ، مش جوع بس لعب وخلاص
لما بشيله منه علشان يبطل لعب يقعد يعيط كتييييير لغايه ما اطلعه له تانى دى حتى من رخامته لازم وهو بيرضع يكون فى ايده لعبه يتسلى بيها ، كل اللى شافوه قالوا لى انى مدلعاه اوى بس والله بيصعب على لما بيعيط
ياريت تفيدونى اكتر يا امهات هل فعلا ممكن ابدا من دلوقتى افطمه بالليل الاول ولا الاحسن افطمه مره واحده وخلاص؟؟

كتبت بواسطة جوري الشام

يعطيكي العافية ياسمين
شكرا على النصائح الحلوة
الله يحمي دندونة يارب وتشوفيها عروس
ان شالله رح آخد بنصائحك وقت افطم يوسف

الله يعافيكي جوري الشام

الله يخليلك يوسف ياارب

كتبت بواسطة ام سيف2007

اهلا ياسمين
ماشاء الله تجربتك حلوة جدا ومفيدة
انا كمان فطمت اولادي بالتدريج
لمدة شهر كامل كل اسبوع اشيل رضعة واحط مكانها وجبة
لحد اخر رضعة كانت اول ما يصحى من النوم
ولما لغيتها استبدلتها بكوب لبن وماشاء الله اصلا مش بيعرفوا اني فطمتهم
لانهم بينسوا الحمد لله
معاك حق جدا في موضوع البيبرونة
الموضوع رااااااااائع

بارك الله فيك

اهلين بالغالية ام يوسف
طريقة فطامك حلوة ما شاء الله
انا ما قدرت افطمها بالتدريح لاني ما كنت احسب لها عدد الرضعات ايمتى ما بدها ترضع ^_^
فقلت افطمها نهائي والحمد الله ما عزبتني
تجربتك حلوة ام يوسف
شكراا لردك

كتبت بواسطة الدنيا 2005

مرحبا اخواتي
حبيت اشارك معاكم

بالنسبة لي انا ابتدي افطم اولادي من عملر 4 شهور ........شلون؟

اقوم ابتدي اعطيهم الوجبات الجامدة المهروسة واعطيهم ماي
شوي شوي يتعودون وكل شهرين اقلل من رضعة الى 2 الى ان اوصل الى السنة اقوم ارضعهم بس بالليل واحاول اعشيهم متاخر عشان مايرضعون
وشوي شوي هم بروحهم يتركون الرضعه الليلية

اهلين حبيبتي الدنيا .. نورتينا
عمر 4 شهور مو بكير عالطفل ؟؟

عانيت كتير من الرضاعة بالليل ..
ما شاء الله عليكي قدرتي تخليهم ينسوها ^_^

نورتيني يا غالية .. مشكورة لكتابتك تجربتك

[QUOTE=WaFa2;10625409]موضوعك رائع ونصائح مفيده جدا

انا ناوي افطم ابنى بعد العيد ان شاء الله بس كان نفسى افطمه بالتدريج يعنى الاول يبطل رضاعه بالليل وبعدين نقلل بالنهار
بس مشكلتى انه مش بياخد رضعه كاملة هو بياكل الحمد لله بس موضوع الرضاعه دى لااازم طول الليل والنهار ، مش جوع بس لعب وخلاص
لما بشيله منه علشان يبطل لعب يقعد يعيط كتييييير لغايه ما اطلعه له تانى دى حتى من رخامته لازم وهو بيرضع يكون فى ايده لعبه يتسلى بيها ، كل اللى شافوه قالوا لى انى مدلعاه اوى بس والله بيصعب على لما بيعيط
ياريت تفيدونى اكتر يا امهات هل فعلا ممكن ابدا من دلوقتى افطمه بالليل الاول ولا الاحسن افطمه مره واحده وخلاص؟؟[/QUOTE]

اهلين فيكي حبيبتي وفاء
.. كم عمر طفلك ؟؟
بما انو بيعتمد عالاكل أكتر من الرضاعة
برأي يا اختي افطميه نهائي ..

رح يعيط يومين تلاتة بعدها بينسى ^_^
..
الله يحميه .. وان شاء الله ما بعزبك كتير بفطامه

ابنى حاليا سنه و8 شهور وناويه افطمه كمان شهر ان شاء الله
ربنا يهديه لى يارب وتبق فطمته سهله

ما شاء الله سنة و 8 شهور .. شب ^_^
.. افطميه نهائي .. وحاولي تستعملي البن متل ما عملت هههه

موفقة حبيبتي