بنتي سخنه بقالها 5 ايام ؟

**maiuoya** · 23-02-2009, 07:22 PM

السلام عليكم
كيفكم جميعا
بنتي سخنه من يوم الخميس حرارتها مش بتنزل بسهوله عندها التهاب في حلقها وفي اذنها مش عارفه انزل الحراره ازاي انا بديها خافض بس حرارتها بعد مابتاخده بتكون 38 او 38 ونص لكن من غيره بتكون 39 ونص مش عارفه انزلها ازاي بعملها كامادات مفيش فايده بديها مضاد بس الالتهاب تقريبا جامد والمضاد بيعالج براحته مش عارفه كدا صح ولا اديها مضاد اقوي انا سألت الصيدلي والطبيبه قالو دا احسن علاج انا بديها كلاسيد مضاد ومخفض للحراره اسمه ادفيل حد يفيدني بنتي عمرها سنتين و10 شهور

**QuEeN** · 23-02-2009, 08:18 PM

حبيبتي احسن شي تستشيري الطبيب...ويكتبلها الدواء المناسب.

في تحاميل للحرارة قوية شوي بتنعطى للطفل بعد السنة ....اسألي الطبيب عنها .

حاولي تعمليلها كمادات مية ، بس ما تكون المية باردة كتير ....وممكن تحطي معاها شوية كحول ....او سبيرتو ...

والله يشفيها و يعافيها حبيبتي .....بس اهم شيء لا تهملي في الحرارة .

**yomizo** · 23-02-2009, 09:22 PM

حبيبتى اديها لبوس دولفين ال 25 جرام
كل 8 ساعات حتى ان وقفت الحراره
واذا سخنت في منتصف ال 8 ساعات عليكي وعلى الكمداات
واحسن حاجه بجد وقوي قلبكواعمليها انك تحميها كلها بمايه فاتره نوعا ما
يعنى مش سخنه
ولو عملتى كمادات تعمليها بمايه من الحنفيه مزوده عليها شويه خل عشان الخل بيمتص الحراره
ومايه من الحنفيه من غير تلج
لان المايه لما تكون متلجه بيتبرد او بتخفض الحراره سطحيا فقط من الجسم لكن الجسم داخلى بيظل سخن

وفي كمان عندك لبوس اسمه سيتيال ده برده خافض حراره كويس
ممكن تديها الاتنين بالتناوب يعنى مثلا لو هاتديها اللبوس الساعه 2 و 10 و 6
يبقى مره دولفين ومره سيتيال
ولازم تروحى لدكتور تانى لان السخونيه الكتير دى غلط عليها لاقدر الله ممكن تعمل حاجات تانيه اوحش ولازم تاخد مضاد حيوي كويس اوى حتى لو كان قوي وعلى هيئه حقن اسرع
وربنا يطمنك عليها

**مروة ابراهيم** · 23-02-2009, 09:33 PM

فعلا اللبوس للحراره احسن و اقوى ممكن الدوا ده يكون ضعيف بس الاحسن تروحى لدكتور لان الحراره لمده طويله مش صح و ربنا يشفيهالك

**ام ملك وادهم** · 23-02-2009, 09:58 PM

انتي مستنيه ايه علشان تودي بنتك للدكتور
وديها لدكتور واتنين وتلاته
السخونه اخطر شئ على الطفل
من فضلك انزلي بيها للدكتور فورا

**enno** · 23-02-2009, 11:31 PM

حبيبتى الدكتور كان قايلى على كمادات بتتباع فى الصيدليه كمادات جل دى لصقات بتتحط على الراس عند اورتها تفضل الواحده لمدة 8 ساعات دى ممنااااااازه ماشاء الله لان فيها اعشاب طبيعيه وكمان بدل بهدلة الميه والاطفال مش بيدو فرصه ولا بيستحملو الكمادات
هى فى منها للرضع والاطفال والكبار هاتى بتاعة الاطفال وخليها على طول فى البيييت بس اهم حاجه بتعرف سبب السخونيه وطالما الاتهاب قوى اوى كده والحراره مبتنزلش بالخافض بسرعه يبقى محتاجه حقن مضاد حيوى تكون اسرع واحسن ان شاء الله ربنا يشفيها ويعافيها طمنينا عليها على طول

**مريم1234** · 23-02-2009, 11:44 PM

الف سلامه

حطي كمادات من الحنفيه+ المخفض الحرارة كل 8ساعات

واستشيري الطبيب يمكن المضاد جرعته صغيره على سن ابنك ممكن يزيد الجرعه

**( الانصارية )** · 23-02-2009, 11:51 PM

ربنا يعافيها يا رب ويطمن قلبك عليها
اسأل الله العظيم رب العرش الكريم ان يشفيها
اسأل الله العظيم رب العرش الكريم ان يشفيها
اسأل الله العظيم رب العرش الكريم ان يشفيها
اسأل الله العظيم رب العرش الكريم ان يشفيها
اسأل الله العظيم رب العرش الكريم ان يشفيها
اسأل الله العظيم رب العرش الكريم ان يشفيها
اسأل الله العظيم رب العرش الكريم ان يشفيها

**كرز وتوت** · 23-02-2009, 11:52 PM

الف لاباس عليها
وديها للطبيب

**zineb gharbia** · 23-02-2009, 11:58 PM

خذي ابنتك إلى الطبيب لان استمرار ارتفاع الحرارة
لمدة خمسة أيام له خطورته
خاصة إن كان مصاحبا بالتهابات الأذن والحلق

لأنه يجب معالجة الأسباب _الألتهابات _
وإلا استمرت الحرارة في الارتفاع
كما أن أخذ الأدوية يجب أن يكون بناء على وصفة طبية
تفاديا لمضاعفات أخذ دواء غير مناسب _حساسية مثلا_.