ولدي له 4 شهور ماتحسن !!! بالله عليكم وش أسوي ؟؟؟

السلام عليكم ورحمة الله وبركاته

انا ولدي حبيبي عنده ربوه من يوم عمره 3 شهور .. ولازال فيه حتى الان وهو عمره الحين سنتين و7 شهور

العوامل الي تثير صدره .. الغبار الصوف البخور .. بس اكثر شي ..

تغير الجو !!!

بس يوم احنا بالسعوديه .. تغير الجو ماكان مستمر يعني يتغير الجو كل كم شهر ..

اما هنا بكندا كملت 4 شهور وهو من وصلنا البلد وحتى الان وهو تعبااان !!!!!!!

يعني اذا ارتاح اسبوع بالكثير .. ويرجع صدره مره ثانيه يتعب !


لان الدنيا هنا بررررررد مررررره وجفااااف ..

وصدر ولدي محتاج لرطوبه .. جبنا جهاز يرطب البيت مافيه فايده

اتخيلي برا الدنيا جمييييييييييده والبيت دفاياات .. وتغير الجو بذي الطريقه يتعبه مره ..

هو مره تعبان ..

وانا محتاااره وقلقانه وخايفه عليه مره ..

مرات احسه مو قادر يتنسم زين .. يعني كنه مكتوب .. واحيانا من كثر الكحه تلتهب اذنه ..

واعطيه مضااد .. بس وعلى هالحال !

امتلا صدره من الفانتولين الا من جينا هنا 4 شهور وانا اعطيه منه !!!!

وش الحل ؟؟

معقوله بستمر دايم كذا ..... !!!

الي تعرف الحل تدلني الله يسعدكم

بسم الله الرحمن الرحيم )وعليكم السلام حبيبتي اسال الله العضيم ان يشفي ولدك ويساعدك علا رعايته اختي انا اعاني نفس معاناتك الله يشفيهم اختي استعملي الهاز حق الفنتولين وانصحك اذا الولد تعبان مر مره ميتحسن كثير انصحك في بخاخ يحتوي علا الكرتيزون بس لازم يكون تحت اشراف طبي قبل الاستعمال استشيري دكتور هل يصلح لولدك ام لا انا ولدي معه اربو من تقريبا ثلاث سنوات من كان عمره سنه والحين عمره الربع سنوات واربع شهور بس كل ماكبر احسن شوي ان شاالله ولدك اذا كبر شوي تقوا مناعته ويتحسن بس استعملي الجهازالي يستعمل فيه الفنتولين كل ست ساعات حتى بعد مايطيب بيومين هي ترجع له كل شهر تقريبا بس انتبهي اثنا البخار لازم تعطينه ماء بكثره لانه يسبب له جفاف في الحلق استشيري دكتور عن طريقت الاستعمال (الله يشفيه)

fa3725 مشكوره حبيبتي .. يعطيك العافيه

انا استعمل لولدي جهاز البخار .. دايم .. اقولك مافي شي ماستعملته له .. وزيت سمسم وكل شي

ولا زال تعبان ..


الله يشفيه ويشفي ولد يارب

الله يشفيه ويعافيه عزيزتي، والله ما عندي فكرة لكن وجدت هذا الموضوع... هل قرأته من قبل؟
للقضاء على الربو ....طييييييييييلة العمر "طريقة مضمونه ان شاء الله "

انا ولدي عمره اربع سنوات وما زال عنده الربو
وكل مانزلت زيارة للأهل تنتكس حالته
اول شي انتي لازم تعرظينه على اخصائي صدرية
ولدي اعطوه حبوب يا كلها قبل النوم طعمها الحمد لله مقبول
وبخاخ كرتزون على حد قول الاطباء ان البخاخ مايأثر على نمو الطفل مثل الشراب
هذا الشيء يستمر عليه مدى الحياة او الى ان يشاء الله ويشفيه
وانصحك نصييييحة
اعطيه حلبه
يارب لك الحمد ولدي تحسن عليها بشكل لاتتخيلينه
اغسلها واحط عليها ماء مغلي وشوية نعناع وكم حبة سوداء لمدة ساعتين او اكثر اذا الجو بارد
بعدين اشخلها واحطها بالثلاجة واعطيها اياه كل يوم كوب محلى بالعسل
الله يعينك على الريحة
بس معليش تحملي الى ان يشفيه الله

وينك يااختي من دعاء الله لولدك بالشفاء دعاء الوالد لولده مستجاب

ومواطن استجابة الدعاء كثيره

منها في السجود وبين الاذان والاقامه والثلث الاخير من الليل

لا تستهين يااختي في الدعاء

واقراي عليه سورة الفاتحه سبع مرات

سورة الفاتحه شفاء من كل شي الا السام .............

السلام عليكم ورحمة الله وبركاته

ألف سلامه لأبنك وان شاء الله ربنا يشافيه

بس بدى أسالك ما جربتى شيىء من الأعشاب مثل البابونج أو الزهورات وأيضا الزعتر الأخضر اليابس ممتاز لألتهابات الصدر طبعا بكميات قليله لانه لسه صغير

والله يحميه ويخليلك اياه

مشكورين اخواتي يعطيكم الف عافيه

صادقه اختي قيثارة يعطيك العافيه

هيالاري .. (( صح اسمك كذا ؟ )) ههههههههه

لا والله ماجربت الاعشاب .. زين قلتيلي بجربها انشالله

والف شكر لكم