بليز الحقوني ابني حرارته 39.8

**نونةالمجنونة** · 18-06-2008, 03:40 AM

اذا في حد موجود أنقذوني
قولولي طرق انزل فيها الحراره الشديده غير المغطس والكمادات
سلطان زي النار حرارته 39.8 ووجهه كأنه متشمس من كتر الاحمرار وجفونه منفخة ومو قادر يفتح عينه من كتر ماهو ذبلان ولاهو قادر ينام انا عارفه انه سبب السخونة هو التسنين وبزيادة عنده احتقان في الحلق ومزودله الحراره
بس المهم تنزل حرارته والله تعبت صارلي من الأحد على هالحال وحرارته مابتنزل الا بتحاميل فولتارين والمشكله انه صار ياخدها ويتحسن ساعتين ثلاثه ويرجع يسخن والدكتور قايل لازم استنى 8ساعات بين كل وحدة
وكتب لي بين الفولتارين تحاميل تايلانول بتخفض الحراره برضو بس كمان مابتقعد بس ساعة أو ساعتين اذا كثرت ولازم بين كل وحدة 4ساعات منيمام

دحين أخد الكل ومو عارفة ايش اسوي
والولد دحين بيحزن والله وبيقطع القلب

**احبك ياتبوك** · 18-06-2008, 04:12 AM

ياحبيبي مايشوف شر حمميه واعطيه ادول ولو مانزلت وديه المستشفي الله يعيننا ع التسنين حياتي طمنينا عليه

**كوثر احمد** · 18-06-2008, 05:06 AM

الله يشفيهم يانونة بس انتبيهي من الحرارة هي خطرة

بعد ماتعطيهم التحاميل بساعة عيهم ادول وعلى الكمادات ما تتركهيم لحتى تنزلالحرارة ل 37 وعطيهم عصير برتقال مخفف

او عصير منجا وتمر منقوع ... وان شاء الله ما يشوفو شر وبالليل قبل ما ينامو ادهني جسمهم كله بالنييفيا عشان تمتص الحرارة

**نونةالمجنونة** · 18-06-2008, 09:55 AM

جزاكم ربي كل خير يارب ياكوثر أحمد وأحبك ياتبوك
ربي يسلمكم يارب

**lovely_maro** · 18-06-2008, 10:23 AM

أسأل الله العظيم رب العرش العظيم أن يشفيه
شوفي يا نونة الدكتور قاللي لما ابني كان في نفس الوضع ان التسنين بيرفع الحرارة لحد 38 و نص لكن أكثر من كدة ياخد حقن مضاد حيوي و لازم معاها دوا للحرارة و بصراحة اكتر حاجة جابت نتيجة بعد ربنا انك تحمميه بماء فاتر
و ربنا يشفيه و يعافيه

**meme meme** · 18-06-2008, 10:31 AM

نونه حبيبتي اعمليله كمادات مويه وليمون
وبالليمونه افركي جبينه وباقي جسمه عشان تمتص الحراره وانشالله ينفع معاكي
لا حول ولا قوة الا بالله
الله يعيننا على تربيتهم والله مساكين...

**حب الروح** · 18-06-2008, 11:38 AM

الله يشفية يا رب وما تشوفوا شر

**حروف بلا نقاط** · 18-06-2008, 01:52 PM

نووووووووووووونة كيفه الحين حبيبي سلطان ان شاء الله احسن طمنينا؟؟

**نونةالمجنونة** · 18-06-2008, 03:13 PM

كتبت بواسطة lovely_maro

أسأل الله العظيم رب العرش العظيم أن يشفيه
شوفي يا نونة الدكتور قاللي لما ابني كان في نفس الوضع ان التسنين بيرفع الحرارة لحد 38 و نص لكن أكثر من كدة ياخد حقن مضاد حيوي و لازم معاها دوا للحرارة و بصراحة اكتر حاجة جابت نتيجة بعد ربنا انك تحمميه بماء فاتر
و ربنا يشفيه و يعافيه

ايوا انا كمان الدكتور قللي نفس الشي وطلب ينومه بالمستشفى بس زوجي رفض
وهو بياخد دحين مضاد حيوي عشان حلقه ممكن يوصل لالتهاب مع قوة الاحتقان
وصدقييني ماكتبت الموضوع الا بعد ماحممته بماء فاترة ومجرد اني طلعت كلها دقيقتين والولد شعره نشف وولا كانه كان في الحمام من قوة السخونة ورجعت زي ماكانت السخونة

ماتتخيلي كيف صرت بهاليومين اللي هو فيها كدا

كتبت بواسطة meme meme

نونه حبيبتي اعمليله كمادات مويه وليمون
وبالليمونه افركي جبينه وباقي جسمه عشان تمتص الحراره وانشالله ينفع معاكي
لا حول ولا قوة الا بالله
الله يعيننا على تربيتهم والله مساكين...

حجرب له هي ...........تسلمي حبيبتي مع انه بيبكي لما بيشوفني جايبة المنشفة احطها على جبينه واخاف يصحي اخوه من صوته لانه بيصحي البيت كله والكل بيقوم مفجوع عليه وبيفكروه لوحده وانا ماني معاه
الله يعينني ويلهمني الصبر لانه قلبي بينفطر عليه

كتبت بواسطة حب الروح

الله يشفية يا رب وما تشوفوا شر

الله يجزيكي كل خير يارب حبيبتي

كتبت بواسطة ام فصوولي2007

نووووووووووووونة كيفه الحين حبيبي سلطان ان شاء الله احسن طمنينا؟؟

الحمدلله هو بس ياخد تحميلة الفولتارين بيقعدله ساعتين او ثلاثة كويس وبعدها بيسخن بقوم بعطيه ادول او تايلانول بيتحسن ساعتين وبيرجع بيتعب
والمشكلة الدكتور قللي بين كل تحميلة فولتارين 8ساعات وبين كل خافض حرارة تاني زي الادول والتايلانول 4ساعات وهنا المشكلة
انه الحرارة بترتفع قبل الموعد اللي اقدر اعطيه فيه اي دوا
يعني مااقدر اتصرف بشي الا بالطرق العادية مو بالأدوية

وانا لما كتبت الموضوع كان هادا قصدي بس الظاهر انه مع ربشتي ماعرفت اوضح الصورة مزبوط