السلام عليكم ورحمة الله
كيفكم يامهات اخباركم وكيف عيالكم
اليوم بكتب مشكلتي مع ولدي وطبعا ماكتبتها الى بيأس
ولدي عمره 3سنه و6 اشهر ومشكلته مايعرف يتكلم ابد ابد
بس يقول ماما بابا امه (يعني عمه) (عن يعني سياره) (اووح يعني اروح)
(ودييس يعني وصخ ) لاتسالوني من وين جاب الكلمه؟؟؟
تقريبا هذي ويمكن زياده كم كلمه وطبعا اقاربي يقولو وديه المستشفى
يمكن فيه مشكله في السمع وا شئ ثاني
بس سمعه مظبوط ويفهم اسمالله عليه نتكلم معاه يفهم كلامنا بس مايعرف
يقول اللي بخاطره وانا الحين احاول اعلمه النطق يأست بصراحه ماينطق زين
كل مااقوله كلمه او حرف يقولي (_دي) كل كلامه فيه (دي)
اقول لابوه نوديه مستشفى او نشوف له حل يقولي باقي بدري بيتكلم طبعا من يوم كان عمره سنه وانا استناه يتكلم زي الاطفال بس ابد مافي تطور
على العلم ان كل اللي في عمره واصغر منه يتكلمون الى هو يحزني انه مايعرف يتواصل معاهم هم الاطفال مايفهون ايش يبغى او ايش يقول
وهو ماشاءالله عليه ذكي في كل شئ ويحب يتعلم بنفسه ويجرب اشياء جديده بس لو يتكلم بالله عليكم ساعدوني كيف اقدر اخليه يتكلم
او ينطق صح وهو طفلي الوحيد وقتي كله له خبرتكم ياامهات
الروابط المفضلة