كتبت بواسطة
ام مريم العراق
جزاك الله خيرا حبيبتي
المحاضرة رااااااااااااااااااائعة
استفدت منها كثير
والحمد لله انه اكثر الاشياء اعملها مع بنتي
يعني تعودت لما اغير الحفاظ اضعها في كيس
وهي بتاخذه على الزبالة وهي فرحانة (حرص ونظافة ومساعدة)رائعة
بتحب كثير تمسك باي كتاب او مجلة او اي شي فيه الوان
ودائما تحب مني ان اقوم بتقليب الكتاب او الكتيبات ولما تشوف الاطفال بتنادي دادا
ولما تشوف الحيوانات بتقول دودو
وبتحب تمسك القلم وبتشخبط
حتى انا اشتريتلها دفتر رسم وقلم وماشاء الله باسبوع الفتر اتملى شخابيط من مريوم
لما بعد من الواحد لل5 بحسها بترددهم بس بطريقتها
ولما احكي معاها بتركز كثير على مخارج الحروف من فمي وبتحاول طبق معاي بس بالشفايف من غير كلام
وصارت كل يوم الصبح لما تصحى تقول كا كير يعني صباح الخير ههههههه
وصارت يومية لما تنام وتصحى بتقولها
بس انا مرات بعصب عليها لما اديها قلم اجي الاقيها مشخبطة في اديها ورجلها
واقول لها ليش
بتقولي ياااا عبو يعني العفو وبتبوس اديها وبتضحك
وكمان علمتها بتقولي اقبك يعني احبك
بصراحة مبسوطة منها
بس مرات بتضوجني من كثرة ماتحب انه دائما تمسكالورقة والقلم
ولازم انا اللي اكتب معاها وارسم لها
يعني ممكن مرتين باليوم
بس هي عاوزة طول اليوم انا ارسم لها
لما اخذ الورقة منها بتصير تبكي بصوت عالي وبتصير عصبية لدرجة انها تعض ايدها
وانا خايفة من هذه الحالة
لانها دائما تعض ايدها لما اخذ منها اي شي
اسفة لاني طولت معاك بس وجدت المنفذ اللي اعبر فيه عني وعن بنتي
فجزاك الله خيرا
علاجها يا حبي
تتركيها ..قولي لها ليش بتعضي إيدك أنا زعلانه منك
وقومي أو ديري وجهك وتجاهليها وخليها تعض لما تشبع
أوعي تقولي لها لا لا خلاص خذي اللي بدك إياه
راح تتعود اصبري شوي وراح تلاقي نتيجة رائعة
وكمان مش في هذا السلوك فقط
في كثير من السلوكيات الأخرى
وربنا يحميكِ يا حبي
كتبت بواسطة
ام مريم العراق
صحيح عندها العاب بتشتغل على الحجر (الباتري)
طبعا تجيب اللعبة ومعاها الباتري وبتقولي يلا يعني بتنتظر ادخلهم في اللعبة لحتى تلعب معاها
وعندها لعبة بتتحرك وبتتكلم فقط اذا اصدر احد صوتا
يعني لما بصفق بايدي بتصير بتتكلم
ومريوم بتضل تصفق لحتى تتكلم ومرات بتحكي بصوت عالي لحتى اللعبة تتكلم
انا بشتغل بالكروشيه كمان تحب تمسك الخيط والسنارة وتحب تقلدي
ولما انظف البيت
بتحب تمسك المكنسة وبتكنس بس كل الوسخ بتضعه تحت الثلاجة هههههههه
كمان لو تشوفني مسحت الارض لانها وقعت العصير
بتروح للمطبخ وتجيب الممسحة وتجي تمسح نفس المكان اللي مسحته
ممتاز جدا
راااااااااااائع وهذا هو الممتاز
دمج الأولاد والبنات بدري مع الأم
إنتي بتتسلي بالشغل
وكمان هي بتساعدك وبتتعود إنه هذا لعب وشيء جميل
مش تفرضيها عليه فرض لما تكبر
وربنا يقويكِ يارب
الروابط المفضلة