10 شهور وضااااااااااع بس .........

**أم راكان** · 21-09-2003, 02:39 PM

اهليــــــــــــــــــــــــن

انا ولدي سوى فيني شئ ما انسااااااااااااااااااااااااااااااااااااااااااااااه ابدا

لا يفوتكم قبل كل شئ ترى عمره 10 شهور بس وشوفو ايش سوى اما يكبر ايش راح يسوي؟؟؟

انا كنت في الشغل وطبعا ولدي عند الشغاله وابدا الشغاله ما تقوم ولا مكان ولا تسوي شئ طول ما هو عندها

المهم قامت بس تبلل الفوطه علشان تمسح وجه يعني ثواني رجعت ما لقت الولد

راحت تسأل الشغالات الثانيات وكانو تحت المهم ما حد اخذه وداره على الغرف اللي فوق كلها قالت يمكن حد ما اخذه من عماته بس ابدا ما حد كان اجازه والكل ناااااااااااااااايم

خلاص الشغاله (اختبصت) يعني ارتبكت وصارت تبكي بكاء مهو بصاحي وكل الشغالات صارو يدورون في البيت اللي يدور فوق واللي تحت

اخت زوجي كانت تحت توها جالسه من النوم شافت الشغالات مش طبيعين وتسالهم ايش فيكم قالول لها الولد ما ندري وينه

واللي خوفهم زياده انه البيت من ناحيه السلامه فااااااااااااااااااشل جدا كله كل البيت خطر في خطر

والبيت كبيييييييييير يعني اخذ وقت وهم يدورونه

في هاذا الوقت انا كلمت من الشغل اسأل عن الولد طبعا بعد الموت ردو علي....

الشغاله تصيح ........ اسمع ربكه بجنبها غير العاده

اسالها ايش صاير الا تقول الولد ما ندري وينه

انا شبيت فيها اشلون وينه بعده ماشه اصلا .... انا بصراحه خفت قلت اكيد طاح من الشباك وتعلق بالشجره اللي عند غرفته لانها كبيره متشابكه...

على طول سكرت في وجها وعلى البيت الا الولد قدامي طبعا فرحه ما توصف انه بخير ما فيه شئ....

وقالوا لي الحدث الكبييييييييييييير اللي صار

هم يدورون الولد وينادوه (وعمك اصمخ))) ما فيه ولا اثر ولا شئ

اشوي هم ينادونه الا طلع لهم

طلع متخبي وراء الستاره جالس يستنى حد يطل عليه يلعب معاه

ما بين لان الستاره طويله وثقيله وهو اسم الله عليه نتفه صغير حيييييل

هو متعود يلعب مع بنت عمته عمرها سنتين هاذي اللعبه واحد منهم يتخبى والثاني يطل عليه هو شاف السالفه مطوله قام طلع لحاله لا بعد طلع لهم وهو يرقص ويتضحك

طبعا ماله داعي اشرح شعوري يوم شفته بس ما اقول الا الحمد لله ووالله

**الطيورالمهاجره** · 21-09-2003, 03:30 PM

شكله خفيف دم الله يحفظه.

**أم غانم** · 21-09-2003, 03:39 PM

ذكرتينى ببنت اختى هذة حركتها المفضلة وبسببها امها ماتخذها معاها اى مكان لانها تتخبي ولا تنطق ابدا لو نادوها لساعات...

**دانةالدنيا** · 21-09-2003, 08:38 PM

الله يحفض لكي ولدك
ههههههههههههههههههههههيييي
والله موقف مخيف ومضحك
وهذي حركات الاطفال مخيفة مضحكة ( المال والبنون زينة الحياة الدنيا)
وهذا الموقف ذكرني بموقف بنتي عمرها سنة
هيه تنام مع أخوانها في الغرفة والصراحة إني اخليهاتنام على الارض لانهاتتحرك كثيروقت نومها ولم احطهافي سريرها على طول تقوم وتضل تبكي
المهم في يوم ظليت إلى الساعة ثلاثة بليل ماجاني النوم فقلت يالله يابنت قومي صلي ركعتين لله
والله صليت وخلاصت وقلت بأطل على الآولاد ولبنتي ماشوفها مكانها
فقمت أدور في الغرفة والبنت مالها حسى والله حتى تحت السرير وخزانة الملابس فتحتها
وضليت انادي عليها في الغرفة ولى حسى ولاخبر ورحت الصالة والمطبخ حتى اكرمكم الله دورت المياة وكان اخر امل لى انها تكون عند الخدامة ولكن مالقيتها عندها
والله كنت بأنجن قلت وين راحت ومن اخذها
ورحت اجري عند زوجي ابغ اخبره يشوف لنا حل
ولم دخلت غرفتي لقيت الهانم نايمة في مكاني وجنب ابوها
اسرين لم دخلت دورة المياة بكت وقام ابوها من النوم واخذها عنده وأن طبعاً مانتبهت