ابنى يوسف عندة 10 شهور ولسة مزحفش ولا سنن........اعملة اية ؟؟؟؟

ابنى يوسف عندة 10 شهور ولسة مزحفش ولا سنن........اعملة اية ؟؟؟؟
وديتة للدكتور قالى سبية براحتة وكتبلة على كالسيوم
اعملة اية كل الاطفال اللي شفتهم فى سنة عندهم على الاقل سنتين تحت وبيزحفوا -----------

بعد التحية ..غاليتى برقية حب
الأطفال ليسوا كلهم مثل بعضهم
أبنى ليس مثل ابنك
ولكنى أستطيع الحكم عليه من خلال نسبة الكالسيوم التى يحتويها جسمه
فعلى حسب هذه النسبة تتم مرحلة النمو البدنى والجسمانى
لذلك ممكن أن تجدى طفلا عنده أربع شهور وتجديه قد بدأ التسنين
وأبتداءا من سن السنة ..بعدها يجب القلق على الطفل
لماذا لم يبدأ التسنين بعد؟
وغير ذلك ..الأولاد أغلبهم يتأخرون فى التسنين والمشى
عن البنات ...وقد تجدينه لم يزحف ولكنه يمشى على طول
ويبدا أيضا فى التسنين
وطالما الولد نموه بخير ..فلا تشغلى بالك بالتسنين
وأن شاء الله خير
وأعتقد بأن البنات سوف يفيدونك أكثر منى
وربنا يخليهولك وتشوفيه بيجرى موش بيمشى وبس

الاخت برقية حب
نسبة الكالسيوم بتاثر كتير على المشى و التسنين و فى حاجة مهمة هى تعريض الطفل للشمس
مهم شديد فى فترة الصباح و قبل الغروب
عموما فى اطفال يسننوا حتى يمشوا و فى واحدين بيمشوا اول حتى يسننوا
بس سيبى طفلك على الارض لفترات طويلة لانها بتقوية
و ما تقلقى ان شاء اللة بتشوفية يجرى و ينطط

يا حبيبتى ما تقلقى خالص ده طبيعى جدا

اضرب لك مثل ابن اختى سنن على سن 6 شهور اخته لم تسنن الا على 10 شهور

ابنتى سننت على 10 شهور وزجفت بردوا على 10 شهور وعلى 11 شهر كانت ماشيه

واحده صحبتى ابنتها لم تزحف ولم تسنن الى سن سنه وشهر يعنى 13 شهر وكل ده طبيعى الا السنه وشهر ده ضعف كالسيوم

اختى الكريمة ولا تخافي ولا تنزعجي انت بس عشان دا اول بيبي لك خايفة شوية
لكن انا عندى بنتي مقعدتش حتى لغاية تسع شهور
ومسحفتش الا متاخر ومشت متاخر كمان
وابني مسحفش اوى ومشى على طول
لان مرحلة السحف دى مش اساسية
وابني الصغير اللى بباكتبلك وانا شيلاه عنده 11 شهر ولسة باديء يسحف ومسننش ولسة مش مشى
دا عادي
وابني اللى قبله سنن بعد سنة

يا أختى أنا بنتى عندها دلوقتى سنة وشهرين ولسة مزحفتش ولا مشيت بس بدأت تسنن بدرى من وهى عندها 5 شهور بس نفسى أشوفها بتمشى بس بيقولولى إن التسنين هو إللى مأخرها .. فى واحدة صاحبتى بنتها برده مزحفتش ولا سننت زى ابنك كدة ومشيت على طول على سن سنة
فى أطفال كتير مش بيمروا بمرحلة الحبو وأنا قرأت إن مرحلة الحبو دى مش مرحلة أساسية وكمان يستحسن إن الأم منتظرهاش ومتخافيش إن شاء الله هيمشى مرة واحدة وبدل إنه لسة مسننش يبقى هيمشى على طول ويسنن فى نفس الوقت وكدة أحسن أنا بنتى تقريبا من يوم متولدت وهى مقضياها تسنين بس محدش بيسألنى على التسنين الكل بيسأل هى مش بتحبى ؟! وهى مش بتمشى ؟! وبصراحة إكتأبت من كتر أسئلة الناس وكأن بنتى عيانة مع إنى عارفة إنها الحمد لله كويسة وطبيعية بس مفيش فى إيدى غير الصبر

لا تخافي حبيبتي أنا بنتي سننت على 10شهور و زحفت على السنه تقريبا و ما مشت الا على السنه و 3اشهر وكان الكلس عندها طبيعي بس الوراثه تلعب دور في كل شي يمكن انتي او زوجك تأخرتو في التسنين و المشي....

كلامهم كلللللللللله تمام بارك الله فيهم وفيكى وان شاء الله خير

تسلموا يارب

حبيبتي اظن كلام الاخوات طمنك ان شاء الله تطمنينا على ابنك
اهم شيء انه بيعرف يقعد ده المهم اي حاجة تانيه بالصبر
حتتفاجيء انه اعملها
انا مقدرة حالتك جدا لاني مريت بها
ان شاء الله تطمنينا قريب