السلام عليكم ورحمه الله وبركاته
اصدقائى اصدقاء المنتدى انتم وحشتونى جدا ومعلش على تاخيرى فى المشاركه معكم
المهم انا هدخل فى الموضوع على طول الكارثه الى احنا فيها دلوقتى انا المصادر الحكوميه بتاكد من خلو مدينه الاسكندريه من انفلونزا الخنازير وانها بعيده كل البعد عن هذا الخطر وانا مش عارفه هما جابوا الكلام ده منين احنا عندنا هنا كذا مدرسه ظهرت فيها هذه الحالات واخرها اليوم ظهرت حاله فى مدرسه الفيوتشر الخاصه الموجوده بشارع الملاحه بالمندره قبلى واليوم لتصلوا بأولياء امور الكى جى بغلق المبنى الخاص بالكى جى كاملا لمده اسبوع وهى بس اصابه بنت بالفلونزا الخنازير ولها ثلاث اخوات اخرين بالمدرسه وبيقولوا انهم بحاله جيده وقاموا بعذل البنت وفى حالات اخرى ولم يسرح بيها احد انا مش عارفه بصراحه احنا هنستنا لحد ايه ومحدش عايز ياخد موقف يا جماعه احنا اولادنا مش رخاص ياريت نفكر كلنا وناخد موقف فى مصلحه ابنائنا الموضوع خاطير جدا والاصابه وصلت للوفاه فى 3 حالات لحد الان ميقفلوا المدارس لحد ما يصيطروا على الموقف لكن كده مش نافع بصراحه والكارثه الاكبر بعد عوده الحجاج بالسلامه من موسم الحج هنستنا لحد ايه وسمعت بيقولوا هيقفلوا المدارس من شهر 12 طيب مهى الحالات بتظهر من دلوقتى الحل ايه يا جمااااااااااااااااااااعه ياريت نتشارك فى هذا الموضوع وانا عارفه ان الكل هيقول (كل ما يصيبانا الا ماكتبه الله لنا) ونعمه بالله بس برده دول ولادننننننننننننا انا بجد هموت من التفكير وربنا معانا ومع اولادانا جميعا وياريت لو حد يعرف حالات ظهرت هنا بدل الاشاعه الغريبه الى طلعه (عدم وجود اصابات بالاسكندريه)لا فى اصابات ارحمونا بقه.

انا معاك فقلقك حبيبتي

وربنا يحفظ ولادنا كلهم يارب

لكن الصراة الموقف ده كان لازم يتاخد من قب الدراسة بشكل جدي

الكل خايف يقعد ولاده عشان نسبة الغياب وأعمال السنة والكلام الفاضي ده

طيب ليه ميكونش في وقفه مع الوزير

طالما مش عايز يلغي الدراسة ويضيع السنة على الولاد

لا انا اضيع السنة احسن ما اضيع ولادي

والسن الكبير هنقول بيفهموا ويشوفوا لو في اي حالة برد ظهرت هيقولولنا لكن الأطفال الصغيرين اللي مش فاهمين غي انهم عايزين يروحوا يلعبوا ويشوفوا اصحابهم

لا حول ولا قوة الا بالله

خلاص مش عايز يلغي الدراسة يلغي نسبة الغياب ويسيب اللي عايز يروح يروح واللي مش عايز هو حر

وهو عارف كويس ان الاعتماد على الدروس

يبقى ليه بس العند ده

الله المستعان

والحافظ هو الله يا اختي ودايما حصني ولادك وعليك بالرقية الشرعية والبخور للبيت والمطهرات باستمرار هنعمل ايه بس

فالله خير حافظ وهو ارحم الراحمين

حامل لاول مره ربنا يخليليك عبد الرحمن ويبارك لكى فيه ويحفظه من كل رضى وانا معاكى ان الموضوع كان عايز وقفه قبل دخول المدارس بس الى حصل حصل والحصول على المال هو الهدف الاساسى لاستمرار المدارس وخصوصا الخاصه ميهمهمش عيال تموت ولا عيال تتصاب المهم الفلوس فيطلبوا بوقف المدارس ازاى ويخسروا ليه بس المفروض عالينا اننا نخسر ولادنا ولقدر الله ربنا يسترها اما نشوف اخرتها ايه

ازاى يقولو اسكندرية خالية لما اول حالة وفاة كانت من اسكندرية فى مدرسة نبوية موسى

وبعدين لسة وزارة الصحة معلنة عن حالة مدرسة الفيوتشر وبايونيرز

رانو النهاردة اتأكدت من حالة H1N1 مؤكدة في مدرسة اولادي المصرية الانجليزية للغات EELS في اسكندرية اللي ما فيهاش اصابات زي ما بيقولوا ..!!! انا كتبت الموضوع في المنتدى و ده رابط الموضوع لو حبيتي الاطلاع عليه:
http://www.lakii.com/vb/showthread.php?t=608581

كتبت بواسطة هوبة 79

وبعدين لسة وزارة الصحة معلنة عن حالة مدرسة الفيوتشر وبايونيرز

ميرسى يا هويه 79 على مشاركتك معانا بس للاسف ده فعلا الى بيتقال علشان يقللوا من خطوره الوقف وربنا يسترها معانا جميعا

كتبت بواسطة rania 9

رانو النهاردة اتأكدت من حالة H1N1 مؤكدة في مدرسة اولادي المصرية الانجليزية للغات EELS في اسكندرية اللي ما فيهاش اصابات زي ما بيقولوا ..!!! انا كتبت الموضوع في المنتدى و ده رابط الموضوع لو حبيتي الاطلاع عليه:
http://www.lakii.com/vb/showthread.php?t=608581

رانيا ربنا يسترها انشاء الله وياريت الاخبار ديه توصل للمسئولين الكبار علشان يعرفوا انا احنا مش نايمين وللاسف ان فى مدارس كتير بيظهر فيها الحالات ولم يبلغوا عانها علشان متتقفلش المدرسه ويخسروا اموالهم بس احنا نخسر اولادنا مش هتفرق معاهم وشوفى اصلا فى كذا حاله ظهرت وفى فصول كتير اغلقت فى مدارس كتير بالاسكندريه ويقولك مفيش اصابات بالاسكندريه ربنا يسامحهم ويهديهم ويضعوا حل للكارثه الى احنا فيها

هاى يا جماعة
فعلا فى مدارس كتير ة عندها حالات مؤكدة
المصرية الأنجليزية ( ودى مدرسة ولادى ) وواثقة 1000000000 % من كلامى
الفيوتشر - بايونير- الزهراء- جلال قريطم
وطبعا انا و كل الأمهات اللى اعلافهم فى المدرسة مقعدين ولادنا من النهاردة
والمدرسة اكدت الخبر ... وقالت ان اللى عايز يجى يجى واللى مش عايز مايجيش
وانهم رافعين الغياب وهيعيدوا الأمتحانات
ومن بكرة للعيد هيطلعوا الاولاد الساعة 11 ونص
الى ان يجد جديد او تزيد الأصلابات عن 5 فهتتقفل المدرسة رسمى
احنا لغاية دلوقتى 3 حالات اكيدة وكذا اشتباة
ومقفول فصلين رسمى
وربنا يستر ويحمى اولادنا
والحالات كلها فى الجونيور
الكىجى مفيش حالات لسة و نظامهم مستمر زى ماهما فى المواعيد
بس برضة اللى عايز اوك واللى مش عايز اوك

مساء الخير يا جماعه انا ابني في الفيوتشر بس الانترناشيونال
و فعلا في حاله ظهرت النهارده في الفيوتشر ناشيونال و قفلوا القسم كله اسبوع

بجد انا محتاره اوي اوديه ولا لا؟؟

طب ولو موديتوش هيفضل قاعد طوول السنه؟؟

بجد مبطلش تفكير هتجنن