السلام عليكم
ممكن انضم ليكم
انا اسمي هبه معايا بنتي ندي سنتين و4 شهور
وكنت عايزه اسال ايه افضل حضانات في الهرم منطقه التعاون بس تكون حلوه وبتهمتم بالطفل كويسوخصوصا موضوع البوتي لاني بنتي لسه مش متمكنه من الموضوع اوي وعايزه اللي يلاحظها وياخدها التوليت كل شويه
وكمان مش عارفه ادخلها ببي كلاس ولا لا لان كلامها متاخر شويه وكمان برده لسه معتمدتش لي نفسها في البوتي ولاادخلها حضانه محترمه وبعدين علي كي جي
مش عارفه والله بجد تعب اوي من الموضع ده والتفكيرفيه
ياريت يا بنات تفيدوني انا طبعا مكنتش قادره اقرا كل الاجزاء كنت بقرا تخاطيف كده

معلش يا بنات انا بتعبكو معايا كنت عاوزة اسأل مدرسة كيمبردج في التجمع حد يعرف عنها حاجة

نشوي انتي كمان وحشاني اوي ...يارب تكوني انتي و مودي في احسن حال

ندي بالنسبة للحضانات ادخلي الموضوع ده : ملف شامل عن الحضانات في مصر
http://www.lakii.com/vb/showthread.php?t=552748

البيبي كلاس بيكون افضل من الحضانة لكن في الظروف اللي احنا فيها بسبب انفلونزا الخنازير شايفة ان الحضانة تبقي افضل ... لانك ممكن تقعديها في الوقت اللي انتي عايزاه لكن لو بيبي كلاس ممكن المدرسة نفسها تقفل اسبوعين او اكتر زي ما حصل معانا وانتي اللي هتبقي مسئولة برضه عن كل شيء في المذاكرة والفلوس هتروح عليكي

ده غير ان الحضانة بتبقي دلع اكتر وخصوصا الاطفال اللي لسه ما اعتمدوش علي نفسهم تماما في موضوع التويلت

أعلنت وزارة الصحة المصرية أن اجمالى عدد حالات الاصابة بفيروس "اتش1 ان1" المعروف عالميا بانفلوانزا الخنازير بلغ نحو 15135 حالة منذ ظهور المرض فى مصر وحتى الان، فيما قرر محافظا الجيزة والمنيا إغلاق 4 فصول دراسية لمدة 7 أيام.

وأوضح بيان للوزارة الاثنين أن عدد الحالات المؤكدة المصابة بالفيروس بلغ حتى اليوم 8887 حالة وبلغ اجمالى حالات الشفاء من المرض 14719 حالة ويوجد حاليا بالمستشفيات تحت العلاج 192 حالة, كما بلغ اجمالى عدد حالات الوفاة بالمرض منذ ظهوره فى مصر وحتى الان 224 حالة.

واشار البيان الى ان الموقف الوبائى للمرض حاليا داخل المدارس والجامعات يشير الى وجود نحو 5409 حالة مؤكدة فى المدارس ونحو 839 حالة مؤكدة بالجامعات وذلك بداية من بدء العام الدراسى وحتى الان.

أعلنت وزارة الصحة، مساء اليوم الإثنين، وفاة 4 حالات بمرض أنفلونزا الخنازير ليصبح إجمالى عدد الوفيات بالمرض بمصر حتى الآن 228 حالة.

ازيكم وحشنى اوىىىىىىىىى
سادينا اخبارك وحشانى كتير
نوشا حبيبتى اخبارك ايه؟
كوكى عامله ايه؟

ازيييييييييييييييكم
عاملين ايه؟
عاوزة افادددددددددددددددددددددددة
هقدم لبنتى السنة دى ف كى جى عاوزة اعرف احسن المدارس الاسلامية او المعاهد الازهرية (اللى سعرها معقول يا بنات)
وتكون قريبة من الحى العاشر مدينة نصر
وفى حد يعرف حاجة عن معهد محمد جلال الازهرى فين ومصاريفه ودراسته عاملة ازاى
ولكم مزيد من الشكرررررررررررررررررررررررررر

محدش ليه بيرد عليا ساعدونى بليييييييييييييز

بوسى
ما تقلقيش خالص انا ابنى لا راح عمره حضانه و لا بابى كلاس و لا اى حاجه
انا بس قعدت معاه شويه قبل الانترفيو يعنى الالوان بالعربى و بالانجليش ,دول كام؟ ,اسمك ايه ؟ عندك كام سنه مش لازم بالانجليش هما بيسألوه لو عارف بالانجليش ماشى لو مش عارف بالعربى شغال المهم انه يبقى متجاوب بأى لغه و بعدين بيدولوا البزل الخشب بتاع Edu fun ممكن تجبيلوه كام واحده عشان يتعود عليهم يعنى الحيوانات , الاشكال,الارقام....