زووزا
شكرا لك على ردك بس انا لسه مكلمه واحده صحبتى دلوقت وقالت لى ما ينفعش اقدم فى مدرسه خاصه واحجز مكان وبعدين اقدم تانى السنه اللى جايه تنسيق لانه بيتسجل كده فى الاداره التعليميه على انه كجى وان ولو عايزه يبقى تحويل و مش كل المدارس بتقبل التحويلات وفيه مدارس ساعتها ممكن تقبله لكن تاخده كجى وان برصه علشان السن ونصحتينى انى استنى السنه الجايه واقدم تنسيق وقالت لى انه غالبا حيقبل فى مدرسه من المدارس القوميه لانه سنه مناسب
ياريت لوفيه واحده من الاخوات عندها فكره عن الموضوع ده تفيدنا هل ينفع التقديم فى الخاص والسنه اللى بعدها نقدم فى التنسييق ياريت اللى لها تجربه مشابهه تفيدنى

بالنسبه للتنسيق لى سؤال
انا عرفت من موقع وزاره التربيه والتعليم انى لازم اكتب الاول المدارس اللى تبع الاداره التعليميه اللى تبع سكنى بس عايزه اعرف هل ده معناه انى لازم اكتب كل المدارس اللى تبع سكنى ولا ممكن برضه اختار كام مدرسه وبعدين انقل على مدارس الادارات الاخرى وخصوصا بالنسبه للمدارس القوميه

السلام عليكم كنت عاوزة اسالكم اخواتى اللى عندها فكرة مدرسة ليسية افضل ولا مدرسة الاقبال اللى فى الدائرى واية الفرق ما بين الاقبال اللى فى الدائرى والاقبال فرع لوران وجزاكم اللة خيرا

السلام عليكم ورحمه الله
زعلتينى يا هناء يبقى كده الخيره فيما اختاره الله وانت عملت اللى عليك للاخر وا ش الله السنه الجايه ربنا يكتب له حاجه كويسه
امين يارب

الاخت جوجو لو قرات المنتدى من الاول الاخوات لم يشكروا فى الليسيه
والاقبال عليها كلام ربنا يهدينا للخير

يا بنات هى مدرسة الليسية غير ال egc

أنا أعرف أن egc ممتازة ودايما بشوف البانات فى الباص محترمين قوى

السلام عليكم ورحمة الله وبركاته متشكرة لتفاعلكم معايا
وبالنسبة للاخت هناء بشكرك انت عضو طيب جدا وانا رايى من راى زووزا وديه المدرسة ولا تحرميه فرص اكتساب لغة كويسة وخبرات لان انامشكلتى انى كنت خايفة على الاولاد لان الحضانات فى العجمى بش كويسة
وطبعا قعدتهم فى البيت ضيعت عليهم فرص بس رايى اسالى كويس على سموحة واستخيرى وما دمتى كده كده حتدفعى يكون فى حاجة معقولة.
وبالنسبة للاخت زووزا اشكرك بشدة انا فعلا بحاول دلوقتى ادور على مدارس كويسة زى ما الاخوات ذكروا كثير عنها وانا فعلا رحت قدمت فى بريليناس لكنى خايفةمايقبلوش لان اللغة عندهم بش قد كده انا بحاول معاهم دلوقتى وربنا يعيننى
انا بس عايزة لو حد يعرف اركز على ايه معاهم علشان المقابلة وايه الاسئلة وهل لازم يجاوبوا كله بالانجليزى.
معلش كمان لو حد يعرف حاجة عن مدرسة رويالتى لان مصاريفها تقريبا زى بريليناس او اقل.ولكم جزيل الشكر

اه معلش كمان يا هناء اسالى على موضوع ان انت تقدمى له تانى السنة اللى جاية ولا حيبقى تحويلوالله يعنيك ويوفقك.

معلش يا هناء هو ابنك عنده كام سنة بالضبط ومعلش انا لسه واخدة بالى من كلامك الاخير مع زووزا.