انا ان شاء الله نويت استنى التنسيق ادعى لى يا زووزا ان تحصل المعجزه ويقبل فى زهران لانى انا ساكنه قصادها وصعبان على قوى ان ما اعرفش ادخله فيها واوديه مدرسه بعيده
انا لما سالت فيها قالو لى انهم السنه اللى فاتت اكبر واحد واخدينه كان 5 سنين و11 شهر وقالولى الافضل انك تستنى لما يعدى الخمس سنين وساعتها ابنى حيكون 5 سنين و9 شهور و17 يوم وده معناه انه حيتم 6 سنين وهو لسه فى الكجى وان
والتحويل الى زهران بالذات مافيش ما بيقبلوش اى تحويلات
انتى ايه رايك لو انتى مكانى تعملى ايه

لا يا هناء ماينفعش تقعدي تحت رحمه التنسيق
افرضي ما قبلش في زهران ابنك كده حيكون ضيعت عليه سنتين وبعدين انت طالما مش فارق معاك اي مدرسه من الخاص انا راي قدميله في اي مدرسه خاصه السنه دي وكمان قدمي في التنسيق عادي بحيث لو ماجاش التنسيق يبقى ممكن تحولي لاي مدرسه تانيه ومايكونش الولد ضاع وكمان انت ما تحسيش انك ضيعت عليه فرصه وتحسي باذنب اما لو جات زهران يبقى خير وبركه وكده كده انت مش راح تدفعي مصاريف المدرسه الخاصه الا لما تبان نتيجه التنسيق بتاع زهران فلو قبل خلاص لكن لو ماقبلش كملي السنه دي في المدرسه الخاصه واللي بعدها قدمي تاني اكيد راح يقبل لانه حيبقى كبير وانت ساكنه جنب المدرسه يعني ليكي الاولويه بس راي لا تضع البيض في سله واحده
ده راي
وشكرا

شكرا يا اشوش على رايك وجهه نظر سليمه جزاكى الله كل خير

السلام عليكم ورحمه الله
بصى يا هناء اللى انا فاهماه ان ابنك السنه دى فى اكتوبر حيكون ا ش الله 3 سنين و9 شهور صح كده
ومن ثم انت كده ولا كده داخله تنسيق السنه الجايه ا ش الله وفرصتك ا ش الله حلوه باذن الله ممكن يجيله الفراعنه او م كريم او الاقبال وفى التجريبى احتمال حاجات تانيه غير زهران يعنى الامل ا ش الله كبير
بس المشكله السنه دى فى مدارس خاصه بتاخد من 3 سنين ونص وفى اقرانه دخلو ا الكج عشان معاهم فلوس وانا صراحه بستخسر السنه اللى بتضيع على الطفل يعنى لو فى فرصه يدخ صغير خير وبركه
ومن ثم دلوقت ا احنا بندور على مدرسه خاصه تاخده السنه دىي كج1 وتكون مصاريفها معقوله عشان نكسب له سنه صح كده وبعدين يحول فى اى مرحله بعد كده حتى لو فى الابتدائى بشرط ان يكون فى بالى مدرسه حتقبل التحويل بعد كده يعنى مثلا م كريم او غيرها
ومن ثم انا لو مكانك كنت حدخله واحده من المدارس الخاصه العاديه خالص بس تكون قريبه منى لانها مش فارقه تبقى عاديه وبعيده كمان و انت لو استبعدنا سيدي جابر امامك جلال قريطم او الشمس المشرقه او دار الحكمه او غيرهم كلهم تقريبا زي بعض انا لو مكانك كنت نزلت لفيت عليهم وشفت على ارض الواقع ممكن استريح لايه وكنت حقدم كج السنه دى في اى واحده عشان السنه ما تضيعش
والسنه الجايه معايا التنسيق برضه ومعايا المدرسه الخاصه كج2 واشوف اكيد الصوره حتكون اوضح ا ش الله
بصى فى خيار تالت انك تدخليه السنه دى الفراعنه بلاي عشان تبقى ضامنه حاجه فى تنسيق السنه الجايه لو حكايه المدرسه الخاصه مش مريحاك ومش مستخسره سنه تضيع
ده راييى والله وحده الاعلم الخير فين
-- على فكره فيه اخوات حيضايقو من حكايه ان احنا مستعجلين فى السن بس انا حقولك ان انا دخلت المدرسه اولى ابتدائى عندى خمس سنين و4 شهور وطول عمري من الاوائل ومتعينه فى الكليه كمان يعنى استيعاب الطفل مش شرط يبقى هو كبير عشان يفهم فمش متخيله بنتى تدخل كج 5سنين و3شهور يعنى فرق سنتين حاسه انه كتير فاهمانى ربنا يهدينا للخير يا رب
والسلام عليكم ورحمه الله

انا كنت عايزه اسال الاخوات لو حد يعرف الفرق بين سيدى جابر اللى فى الدائري وسيدي جابر الشيخ
وبرضه لو حد يعرف اي حاجه عن مستوى المدرسه يعنى تنصحونى بيها ولا اوفر الفلوس احسن وادخل حاجه رخيصه مش فارقه
وجزاكم الله خيرا

كتبت بواسطة gege57

السلام عليكم اسم منهج مدرسة الاقبال القوميه للغات فرع الدائري poctes البوكتس ومصاريف المدرسه 2500+650 الباص بدون يونيفورم اي سوال عن الاقبال لان ابني فيها

السلام عليكم يا gege لو سمحتى انا كنت عايز اعرف مستوى مدرسة الاقبال عامل ايه
من ناحية المدرسين ومستوى التعليم و الانشطة الثقافية والرياضية ومعاملة الطلبة وهل فى اختلاف بين فرع الدائرى والفرع القديم
انا بافكر اقدم لابنى فى كى جى السنة دى فيها فى فرع الدائرى لانها قريبه من المكان اللى انا ساكن فيه بس حابب ان حد ينصحنى اقدمله فيها ولا لأ لان فى اكتر من رأى اللى بيقول انها كويسه واللى بيقول انها مش قوى
افيدونا افادكم الله
مع الشكر والتحية

السلام عليكم الاخت \gege 57
كنت عاوزة ادخل بنتى مدرسة الاقبال وكنت عاوزة اعرف الفرق بين فرع لوران و فرع الدائرى علما انى عاوزة ادخلها لغات مش عربى وكمان عاوزاكى تكلمينى عن التعليم فيها كويس ولا لا واسلوب المدرسين وشكرا ليكى

كتبت بواسطة زوووزا

انا كنت عايزه اسال الاخوات لو حد يعرف الفرق بين سيدى جابر اللى فى الدائري وسيدي جابر الشيخ
وبرضه لو حد يعرف اي حاجه عن مستوى المدرسه يعنى تنصحونى بيها ولا اوفر الفلوس احسن وادخل حاجه رخيصه مش فارقه
وجزاكم الله خيرا

ازيك يا زوووزا بصى انا حقوللك على اللى الرفة لان صاحبتى بتشتغل فيها مدرسة كى جى اولا مستواها حلو جدا انا كنت مقدمة لاينى فيها اللى على الدائرى بس ماحصلش نصيب لان السنة دى الدائرى اخدت الاولوية للاخواتهم فى المدرسةوصحبتى هى اللى قالت لى على الدائرى قالت لى الادارة اقوى واحسن بصى بقى سيدى جابر اللى فى سيدى جابر الشيخ حلوة جدا بردة زى ما قلت للك هى مدرسة كى جى لو انت عندك واسطة جامدة حيدخل على طول وياريت حد من الجمعية نفسها يعنى لوتعرفى حد بيعرف حد من الجمعيةحيدخل على طول مافيش مشكلة لكن لو مافيش انا مااعرفش اية التبرع اول مرة اسمع عنة بس صحبتى قالت لى اهم حاجة الواسطة ودلوقتى لما تقدمى بوسطتك مش حتعملى انترفيو الولد حيدخل على طول بالنسبة للمناهج انا شوفتها المنهج حلو حتى قالت لى لازم الطفل يتطلع من كى جى 2بيكتب latter يعنى بيطلع بيعرف يكتب جمل وبياخدوا عربى ودين وكل تقريبا 15يوم المدرسة بتبعتلك التقيم بتاع الولد قالت لى عايزة شغل جامد ومتابعة من البيت يومية مع الطفل فقالت لى بصراحة وبنفس اللفظ عايزة شغل من ناروربنا يوفقهم جميعا انا بدعيلك يارب يكون لابنك نصيب فى المدرسة دىبصى دى نصيحتى لو عندك واسطة والميزانية تسمح اتوكلى على الله وا تتردديش وربنا يوفقك يا رب يا رب

كتبت بواسطة بوبوس ام يوسف

شكرا يا ام اياد على الردوانا تقريبا استقريت على بيرلانس وفعلا صدفة انى كنت معجبة بتيمور بس لما رحت البلاى ماعجبتنيش لكن باباة عايز السنة الجاية يدخلة تيمور كيجى لانة نقل الشغل جنبة فيتبعة فى المدرسة وكمان يودية ويجيبة .
لكن ياام اياد بلاش تختارى مدرسة بعيدة لانة حيكون تعب علية ولو مفيش فى العجمى فى مدارس على الدولى بعد كارفور حتكون اقربلة شوية.وانا حكتبلك اسماء مدارس قريبة ودى من كتاب تقديم السنة الماضية.
1-الصحوة الخاصة ف 6اكتوبر
2-معالى السلام الهانوفيل
3-الراشدين الهانوفيل
4-اجياد ابويوسف
5-العجمى النموذجية الهانوفيل
6-شيرين ك 21
7-المصرية البريطانية الهانوفيل
8-الرشيد الهانوفيل
9-سان فنسان دى بول اللبان
دول لغات ممكن تكلمى الدليل وتخدى نمرهم وتسالى لانى راى ان المدرسة افضل من الحضانة.
1-م.شمس العلا الخاصة دى خاصة
وربنا معانا جميعا.

شكرا ليكىيا ام يوسف انا وباباه قررنا ان مش حندخله بلاى السنة دى حندخلة حضانة وليا صحبتى شغالة مدرسة حتقعد مع ابنى على شان يبقى ماضيعش السنة ويبقى متاهل ان شاء الله لانتر فيو بتاع الكى جى السنة الجاية اما بالنسبة لمداس العجمى انا عن نفسى معجبنيش اى مدرسة ملقتش اعى مدرسة فى العجمى مستواها زى المدارس اللى فى البلد يعنى بتدفعى ومش بتلاقى دة عن نفسى

اهلا بكم اخيرا بشارك معاكم انا مشكلتى كبيرة جدا انا كنت ساكنة فى العجمى وقدمت للولدين عتدى فى شهر يناير هناك فى مدرسة اجياد . السنة اللى فاتت ما كتش ظروفى تسمح انى ادخل خاصة فخلتهم على اساس ادخلهم تجريبى لكن السنة دى الامور اتحسنت وبعد ما قدمت نقلت اول الشهر السيوف فيكتوريا لظروف العمل ودلوقتى انا محتاسة قلت الحق الصغير فى اكتوبر عنده 3سنين و3شهور وقدمت له فى سيدى جابر الشيخ بلاى وجبت وسطه ولكن الظاهر ماكتش كفاية ومقبلش وانا دلوقتى محتارة كمان فى الكبير عنده فى اكتوبر 4و10شهور ولما شفت مشاركتكم بالصدفة رحت اليوم بريليناس وملأت طلبين بلاى وكجى ولكنى قلقة انى اصد على المصاريف وكنت بفكر فى النصر بنين ولكن الاخت سلمى قلقتنى منها ودلوقتى انا كمان نفسى حد يفيدنى بخصوص الاقبال اللى فى الدائرى بالتفصيل
وعايزة اخد رايكم ارجع تانى لسيدى جابر واشوف موضوع التبرع ده ولا اعمل ايه
وبخصوص مدرسة الفراعنة ناس قالت كويسة وناس قالت لا انا المعلومة اللى عندى بخصوص مدرسة المنار بنات صحبتى بتقول كويسة جدا
اسفة طولت عليكم ولكن محتاجة مساعدتكم.