وبالنسبة لمدرسة الزهراء ف جانكليس تانى شارع قبل محل btmاللى ف شارع ابو قير وهى عندهم بلاى من 3 س بس اخدت بنتى ورحتى المديرة سخيفة ف ردها لم ترضى تقابلنى حتى لانها قفلت ع فصول البلاى من ش مارس ومش حتاخد حد لا ف بلاى ولا كى جى وهى خاصة

مشتركة لحد اعدادى بيفصلوا البنات والاولاد منهج ماك ميلاون مصاريف 2700 طبعا غير يونى فورم وباص وهى مساحتها صغيرة شوية لحد ثانوى عندى صحبتى بانتها فيها بتقول كويسة

ويابنات اللى عايز حاجة يقول يمكن اقدر اساعد حد وادينا بنساعد بعضنا وشكرا لكل اللى ف المنتدى واسفة انى طوالت عليكم

اهلا بيكى معانا يا دودو نورتى المنتدى
ياترى عندك فكره كثافه الفصول كام فى مدرسه الفراعنه
ولو تعرفى كثافه الفصول فى اى مدرسه من اللى قولتى عليها
وجزاكى الله كل خير عننا

ياجماعة انا شفت اعلان مدرسة اسمها الامل الخاصة وهى على السريع عند سنترال العوايدوتقريبا لسة جديدة.

يادودو الزهراء ابتدى مستواها ينزل والفصول غير صحية تماما وجارتى نقلت ولادها السنادى منها
لمنار المعمورة.

ام بوسبوس
مدرسه الامل الخاصه مكتوبه فى الدليل خاص عربى

على فكره المدارس الخاصه اللى كتبتها فى المشاركه اللى فاتت خاص لغات يعنى فيه خاص عربى مدارس تانيه

الاخت دودو اهلا بيك فى المنتدى وجزاك الله كل خير يارب
انا لي سؤالين من فضلك
انا حسيت انك فاهمه منطقه وسط كويس فممكن تساعدينى فى ترتيب المدارس التجريبيه لو عندك فكره عنها طبعاعشان التنسيق ا ش الله يعنى المتميز العبور والجبرتى طب العادى لو تعرفى حاجه عن الرصافه التجريبيه-بلقيس--سمير التجريبيه--سليمان يسري--فهمى عبد المجيد--وابور المياه التجريبيه--المامون-- وفى الابراهيميه المشير احمد اسماعيل --حفنى ناصف-- بورسعيد التجريبيه يعنى بقول لو تعرفى او اى حد من اللى بيقرا الموضوع يعرف ياريت يقولنا

السوال التانى معلش: لو حصل ولم نتقبل فى تنسيق المعاهد القوميه او جات حاجه من التجريبى مش حلوه عايزه مدرسه خاصه احول لها فى الكج 2 تكون احتياطى للتنسيق ا ش الله فممكن المدارس الخاصه اللى فاتت لو عندك فكره ايه احسن
الشمس المشرقه-- النجاح --دار الحكمه-- محرم بك الخاصه-- خالد بن الوليد دول فى محرم بك وفى جلال قريطم فى كفر عبده وفى نهضه مصر فى بوكللى لو عندك فكره اختار ايه او اى حد عنده فكلره ياريت يقول لنا
وجزاك الله كل الخير يارب

يارب يوفقكم جميعا لكل خير ويارب اولادكم يدخلون المدارس التى تتمنوها لهم

ولكن أنصحكم نصيحة لله عند أختيار المدارس

أولا صلاة الاستخارة لأنك بذلك تأخذين رأى الله وتسألينة فأعلمى أن الله لن يوفقك الا لكل خير وستعلمين ذلك ولو بعد حين

ثانيا إياكم من مدارس الراهبات فلماذا نضع أبنائنا أماكن الفتن وفى النهاية نحزن على الافكار المسمومة التى تدخل عقول أبنا ئنا

ثالثا أحتسبى النية لله وأنت تقدمين لأبنائك أنك تتمنين أن يكونوا من علماء المسلمين الذين يخدمون دينهم وبالتلى سيكون لك أجر عظيم أن شاء الله

وفى الختام لكم منى كل الدعوات الصالحة لكم ولأبنائكم

اللهم اهدى قلب كل أم حائرة للمدرسة التى يكون فيها نفع لأبنائها

اللهم أجعل أولادنا من أشهر علماء المسلمين الذين يبتغون مرضاتك يارب

اللهم أصلح لنا أبنائنا وأجعلهم قرة عين لنا

اللهم إنا نسألك أن تجعل كل ألم وحزن وحيرة وشجن بسبب أبنائنا فى ميزان حسناتنا

اللهم يا أنت الكريم الذى لة مللك السموات والارض وسع لنا رزقنا ورزق أبنائنا

اللهم إن كان رزقنا و رزق أبنائنا بعيد فقربة لنا وإن كان قليل فكثرة لنا وإن كان كثير فبارك لنا فية

اللهم آمين اللهم آمين اللهم آمين

والسلام عليكم ورحمة الله تعالى وبركاته