هاى زووزا التقديم حيبتدى فى اول شهر 6 وتنسيق المدارس القوميه بيكون بملف بتاخديه من المدرسه نفسها وتكتبى الرغبات
والمدارس التجريبيه ملف تانى
ولازم تكتبى الاول المدارس اللى تبع الاداره التعليميه اللى انتى ساكنه فيها وبعد كده باقى الادارات
انا لسه ساله النهارده فى المدارس

ازيكم ياجماعه انا قرات اللى انتو كتبتوه عن المدارس من فتره وبرضه لسه محتره جدا انا ابنى عنده فى اول اكتوبر 4 سنوات وكام يوم وبفكر فى مدرسه الاقبال بسه خايفه جدا لا ميقبلش وبفكر برضه فى المدارس الاسلاميه بس يكون سعرها مش غالى وعايز اعرف هو الرغبات اللى حكتبها فى الملف اللى حسحبه من الاقبال ينفع برضه اكتب فى المدارس الاسلاميه

السلام عليكم
ياجماعه انا محتار جدا
ابنى حيكمل 4 سنين وشهرين فى اكتوبر الجاى
وانا ساكن قريب من مدرسه الاقبال ومن مدرسه سيدى جابر اللى على الدائرى
ومحتار ادخله اى واحده فيهم
الاقبال سعرها مناسب لامكانياتى
بس فى ناس بتقول انها كويسه وناس بتقول لا ومش عارف اصدق مي فيهم
وسيدى جابر مصروفاتها غاليه وكمان موضوع الخمس الاف جنيه التأمين دول صعب شويه
حد يقولى ويرسينى وينصحنى
ولو فى مدرسه تانية كويسه حد يقولى عليها وعلى عنوانها

يا جماعه لازم كلنا نقتنع بالمعادله دي :
مدرسه كويسه = تعليم كويس +فلوس كتير
مدرسه عاديه = تعليم عادي +فلوس معقوله +الفرق يدفع في الدروس الخصوصيه يعني في الاخر هي هي برضه ربنا يهدينا للخير

الاخت مارولا
شكرا على الرد انا برضه بقول كده يعني ماينفعش كل مليم يجيلنا نصرفه في التعليم ده يبقى حرام يعنىي الواحد علشان يعلم اولاده تعليم كويس لازم يتعذب !

الاخت اشاوش
انا معاكى ان التعليم المتميز غالى لكن التعليم اللى بسعر مقبول تعليم عادى لكن الدروس انا لى راى مختلف يعنى لو الام بتزاكر مع ابنها اول باول مش حيحتاج دروس غير فى اعدادى انا عندى جيرانى اولادهم فى اعدادى وثانوى وكلهم اجمعوا على ان الدروس بتتدى فى الاعدادى طالما الام عندها استعداد تتعب شويه وتزاكر لاولادها
وبكده حيكون فيه فرق لان المدارس الغاليه حندفع من اول الكجى مصاريف كتيير لكن على ما اولادنا يكبرو ويحتاجو دروس ان شاء الله حيكون ربنا رزقنا واتحسن الحال ودى وجهه نظرى

الاخت كيمو
المدارس الاسلاميه دى مدارس خاصه التقديم فيها لوحدها
اما المدارس اللى تبع التنسيق هى المدارس التجريبيه والمعاهد القوميه

السلام عليكم ورحمه الله
الاخت هناء شكرا جزيلا على المعلومه بس انا عايزه اتاكد منك ان الملف اللى بسحبه ان ش الله من المدرسه القوميه اللى ناويه عليها فيه برضه رغبات تانيه لمدارس قوميه اخري صح كده زي ما انا فاهمه بمعنى انى مش حلف على المدارس القوميه اقدم فى كل واحده ملف صح ولا ايه وجزاك الله خيرا
وكنت عايزه اسال لو عندك فكره مدرسه سيدى جابر بتقبل تحويل للكج 2 ول لا وشكرا جزيلا

السلام عليكم الاخت HANNA 2 ابني كان عمره 4 وشهرين وهم كانوا بياخدو السن لاكبير الاول ابتدا من الخمس سنوات ولحد 4 وثلاث شهور وفي اخرمرحله من التنسيق قبلوا سن ابني يعني بيقبلوا السن الاكبر اولا وبعدين الاصغر وعلي حسب المتقدمين معظمهم سنهم صغي ولا كبير
وعلي فكره انا كنت مقدمه لابني ولابن اختي بس مان عمره 4 وشهر لاسف مقبلش والحمد لله ابني قبل علشان فرق شهر لا تقلقي ان شاء الله يقبل وعلي حسب العرض الاولويه لسن الكبير

السلام عليكم
الاخ say hamad
انا اعتقد ان سيدى جابر قفلت باب التقديم من شهر2 ده اللى سمعته واتاكد برضه ربنا يهدينا للخير