انا بجد متشكرة جدا جدا marola على الرد بس هوة الكلام دة عن فرع ميامى؟
للبحث في شبكة لكِ النسائية:
|
انا بجد متشكرة جدا جدا marola على الرد بس هوة الكلام دة عن فرع ميامى؟
.... monydent انا فعلا ابنى كان فى فرع ميامى ... بس تفريبا هما الأتنين تبع بعض ونفس السيستم على ما اعتقد .. لانىلما ولدت بنتى قعدت عند ماما فترة وكان فرع ميامى بعيد عليا فاقترحوا عليا فى الادارة انى انقللة فرع سابا باشا بس انا كسلت وخوفت انة لو نقلتة يتأثر نفسيا فماودتهوش بس كانوا بيكلمونى من فترة للتانية عشان الرحلات مثلا وحفلة راس السنة وكدة يعنى ولما رجعت بيتى رجعتة تانى
بالعكس دانا باسمع ان فرع سابا باشا احسن من ميامى ... وبالمناسبة أغلى كمان فى المصروفات .. بس اعتقد دة نتيجة لفرق مستوى المناطق اصلا
وعلى العموم لما تودى ابنك لازم انتى برضة تلاحظى بنفسك كل حاجة وما تتكسفيش انك تعترضى على اى حاجة شايفة انها اوفر...لان دة حقك
وبعدين دايما روحى الحضانة على غفلة وتابعى هما بيعاملوا الاطفال ازاى
انا كنت دايما لما كنت اروح اخدة احيانا ( لانة اصلا كنت مشتركة فى الباص ) يقولولى استنى هانجيبة ... يلاقونى دخلت ورا النانى لغاية الكلاس او الجاردن عشان اشوفة عامل اية
مش مجرد استنى فى الريسبشن لحد مايجيبوة ويسرحللو شعرة ويغسللة وشة و كدة يعنى( مع انة دة طبعا ممنوع بس بصراحة كنت بستهبل )
ودايما كمان عودى طفللك انة يرجع يحكى ليك كل حاجة حصلت خلالل اليوم
وحاولى حتى انتى تفتحى الكلام معاة لو مكانش هو بطبيعتة بيحكى
بحيث تعرفى لو فى اى حاجة مش مضبوطة حصلت .. مدرسة زعقت .. ولد ضربة ... ما أكلش اكلة كلة او كدة يعنى
بس بصراحة هما كويسيين فى التعامل مع الاطفال
حتى مرة ولد صاحبة عضة كلمونى فى التليفون واعتذروا بشدة ووضوحوا الموقف وماستنوش لما يرجع واكتشف لوحدى او يقوللى عادى مثلا اطفال بتلعب
آخر مرة عدل بواسطة marolaa : 14-05-2009 في 12:47 AM
هاي مارولا يمكن الادراه هي اللي شالت الايميل حاجرب ابعتهولك على الخاص
وانا معاك ان المدرسه تحفه بصراحه في كل حاجه حتى الاداره بتاعتها تحسي انك قاعده مع ناس محترمين وبيتعاملوا مع الناس بذوق جدا مش زي مدرسه بايونيرز والقدس انا صراحه ماعجبنيش تعاملاتهم ابدا من حيث الذوق
المدرسه المصريه دي لو كملت كده حتبقى انجح مدرسه في اسكندريه والمهم مايجيش علينا سنه ونلاقي نفسنا بندفع 15000في الاعدادي مثلا
اللي مجنني بقه موضوع الIG انا كنت مدخله ابني فيه وهو KG1 ورايح السنه اللي جايه KG2
الولد مبسوط اوي ومستواه في اللغه ممتاز بس المشكله في المصروفات غلوها باقت 13000
مره واحده وانا كنت بدفع 10.5
مش كتير كده اوي وكمان في الجونيور حتبقى 16000 صراحه حاجه تغيظ اوي لان لما انا دخلته قالوا ان المصروفات راح تزيد عن العادي 4000 بس ورجع الكلام اتغير
انا عندي ثلاثه اولاد بالزمه مش كتير اوي كده انا مش عارفه اعمل ايه اطلعوا منها ولا اخليه ولا ايه مع العلم ان الواحد كان يادوب بيقدر يدفع المصروفات قبل ما تزيد كده صراحه هما المفروض تكون عندهم امانه في النقطه دي وده العيب الوحيد في المدرسه انا بتزود المصروفات على كيفها انا اصلا فكرت اطلعهم منها لما اتغاظت كده وبعدين بصراحه مش لاقيه مدرسه تانيه كويسه في نفس المستوى وارخص ماعدا LEADERS بس المشكله انها جديده واخاف اغامر واطلعهم من مدرستهم انا بافكر اجرب فيها بنتي اللي رايحه بلاي وخصوصا ان مافيهاش شير
على فكره انا روحت فيها مره تانيه ولقيت المدرسات بتوع البلاي بيتكلموا مع الولاد انجليزي حتى هما بيتكلموا مع بعض انجليزي مش عارفه اعمل ايه هي الفكره دي صح ولا لا اني اجرب في بنتي المدرسه دي انا حاسه انها ممتازه
وشكرا
بس ابقي شوفي الرساله اللي راح ابعتهالك
على فكره انا جربت ابعت رساله خاصه وما نفعش ياريت لو تبعتيلي انت على الخاص وشكرا
ازيكم يا بنات اخباركم ايه
لى سؤال للا خت جيجى عن مدرسه الاقبال هو ابنك لما قبل فيها كان سنه كام عايزه اعرف الحد الادنى لسن القبول وكمان عايزه اعرف كثافه الفصول كام
بوبوس ام يوسف اخبارك ايه طمنينا يا ترى اخدتى قرار فى موضوع المدرسه ولا لسه ياريت تطمنينا
اشاوش.... انا كمان حاولت ابعت على الخاص مانفعش لازم اعدى ال300 مشاركة
هانت قربت
بصى بالنسبة للمدرسة انا مش معاكى خالص انك تفرقى بين الاولاد فى التعليم
لازم كلهم يكونوا فى نفس المستوى سواء اقل او اكتر
وهو فعلا الانترناشيونال بيكلف فلوس كتير اوى
وكل مرحلة اغلى من اللى قبلها
لغاية الثانوى بيكون الحساب بالمادة
ولازم تاخدى فى اعتبارك حاجة مهمة اوى ودى اللى انا وقفت قدامها كتير ان نسبة القبول فى الجامعات المصرية العادية لحملة الشهادات النترناشيونال قليلة اوى اوى فلازم تعملى حسابك انك كمان ممكن تكملى فى جامعة خاصة بعد كل دة
وبعدين قانون التعليم بتاعنا دلوقتى مش مستقر وفى كتير بينادوا بأن التعليم الجامعى يبقى كلة بفلوس وخاص ... فياعالم كمان 15 سنة على ماولادنا دول يكبروا هيكون اية الوضع
فحاولى تحسيبها كويس عشان ماتتعبيش بعد كدة من المصاريف
اول ماعلنوا عن القسم الانترشيونال دة السنة اللى فاتت لفت نظرى وفكرت فية بجد وقابلت ميس منال سنبل كذا مرة بخصوصة بس بصراحة خوفت من موضع المصاريف دة ... وكتير نصحونى انة لو ناشيونال قى مدرسة قوية بيكون برضة كويس عشان ماتحرميش الاولاد من اى حاجة تانية فى مقابل انهم بس يتعلموا
يعنى تقدروا تلبسوا كويس ..تتفسحوا تسافروا يشتروكوا فى نشاطات ... مايبقاش كل هدفنا اننا نوفر الفلوس عشان التعليم
وربنا معاكى
شكرا ياhanaa على السؤال
بصى انا دلوقتى قدمتلة فى بيرلانس بس انا مش مقتنعة بيها اوى ..والاسبوع دة عندى انتر فيو فى اسكندرية وبايونيرز
بس مشكلتى مع الاتنين ان البلاى فى جليم ولسة مارحتش اشوفهم وسعات اقول اجرب السنادى واعرف مستوى بيرلانس والله مش عارفة لان واحدة صاحبتى بتقنعنى ان الكل بيتساوى لما بيكبروا شوية وبتقولى ان فرق المصروفات هو اولى بية فى حاجات تانية كتير انا كمان لما شوفت كلام اشاوش النهاردة خفت جدا من زيادة المصروفات امال لما يكون فى ثانوى حعمل اية وصح اننا لازم نعمل حساب اللبس والفسح مش الى جى كلة للمدرسة ....فكدة احتمال كبير بيرلانس على الاقل البلاى ويارب تكون كويسة .......ولو مش تبقى هيهى الحيرة للسنة الجاية ............وطمنينى انتى كمان بتفكرى فى اية....والله المستعان.
هاى بوبوس
انا من رايى ان التجربه هى خير برهان بس متهيالى ان البلاى مش حيبان قوى يعنى ما تستعجليش وتحكمى منها الافضل انك تستى للكجى الحاجه اللى حتبان فى السنه دى هى معامله الاداره معاكى وكمان معامله المدرسين لابنك لكن المستوى التعليمى مش حتعرفيه غير فى الكجى والله اعلم
اما انا حاستنى التنيق وانا ونصيبى لانى مش لاقيه حاجه مناسبه بسعر معقول وربنا يقدم اللى فيه الخير
السلام عليكم ورحمه الله
حد يعرف التقديم للمدارس القوميه حيبتدى امتى ا ش الله
وجزاكم الله خيرا
الروابط المفضلة