نهلة البنات مثل البنين بالضبط والفصول فى الكجى كلها جنب بعض ولكن كل فصل على حدى وفى الكجى كلة مدرسات سواء بنين أم بنات ولكن مش عارفة فى الجنيور هل يدرسون لهم مدرسين رجال أم لا لكن الذى متأكدة منة أن حصة التربيةالرياضة مدرس للأولاد ومدرسة للبنات ودة من الكجى

السلام عليكم يا جماعه
حد سمع عن مدرسة الفراعنه اللى فى شارع فؤاد ومدرسة الشمس المشرقه اللى فى قناة السويس وجزاكم الله خيرا

هاى ام بيجاد هاى كل الاخوات
انا مش ناسياكم ولاحاجه ياام بيجاد انا كان عندى مشكله فى الكمبيوتر والحمد لله اتحلت
موضوع المدارس جاب لى اكتئاب واملى فى ربنا كبيير انى اوصل للمدرسه الكويسه وبالسعر المعقول ادعو لى

شكرا علي اهتمامك يا ام بيجاد بس من فضلكم فيدوني بخصوص مدرسة جناكليس للغات

كنت عايزه اسال رانيا
انا فهمت انك خريجه الليسيه كنت عايزه اعرف هى الجزء الانجليزي اللى فيها كويس ولا لا
وهل فيها مظاهر الكنيسه برضه ضروري لو تعرفى معلومات وشكرا

مين عندو معلومات عن تدريس مدرسه المنار الى فى محطه الرمل هى قوميه وانا سمعت انها قويه فى تدريسها

مش شايفه حد متحمسلها ايه السبب عشان رخيصه ومش خاصه ولا ايه

عزيزتي زوووزا:
انا ما كنتش في الليسيه انا كنت في جيرار و دي بنات بس... ده اخويا الصغير اللي كان في الليسيه القسم الفرنسي و لسه متخرج منها من 4 سنين و نصيحتي ليكي اوعي اوعي اوعي تفكري فيها خصوصا القسم الانجليزي اسوأ بكتير من الفرنسي... احنا حمدنا ربنا ان اخويا خلص على خير من المهازل اللي كان بيحكيها بس احنا كنا مضطرين ندخله لاننا كنا راجعيين من برة و هي الوحيدة اللي قبلته من غير ما يعيد السنة..
عزيزتي كيكو:
المنار جارتي وانا صغيرة كانت فيها هي مدرسة عريقة و سمعتها اظن كويسة و مستواها كويس ,بس اسألي عنها دلوقتي و عن كثافة الفصول

شكرا جزيلا يا رانيا على المعلومات المفيده وجزاك الله خيرا
بالنسبه لمدرسة المنار انا سمعت انها كويسه بس انا عايزه اسال عنها برده من ناحيه انها كانت زمان اول ما اتبنت مدرسه للراهبات تتبع الكنيسه حتى المبنى بتاعها على شكل صليب بس هى دلوقت تتبع المعاهد القوميه زي اي جي سى والفراعنه تبع الحكومه انا ناويه اكتبها ا ش الله فى التنسيق بس قلقانه من الناحيه الدينيه الايكون داخل المدرسه الصلبان فى كل مكان على الحوائط وكده اللى يعرف عنها حاجه يفيدن وجزاه الله خيرا

انا كنت عايزه اقول للاخوات ان في دليل لجميع مدارس اسكندريه الخاصه واللغات والتجريبي عمة الاولاد ارسلته لى عشان انا بره مصر الدليل ده حيفيدكو اوي عشان فيه كل المدارس والتلفونات والعناوين والمصاريف انا اللى عندى بتاع 2007-2008 لو عايزين مصاريف اى مدرسه او عنوانها انا ممكن افيد وانتم ممكن تجيبو بتاع السنه دى حيكون طبعا فيه المدارس الجديده بس المدارس طبعا اسماء بس طعرفش اى حاجه عن المستويات
انا كنت عايزه اقول لهناء ان في مدرسه اسمها تيمور فى رشدى مصاريفها مكتوبه4100 بس معرفش اى حاجه عن مستواها وربنا يهدى الجميع للخير

السلام عليكم يا بنات
كنت عايزة اسالكم على حاجه انا خليت سلفتى سالتلى فى البريلينس و قالت لى كلام غريب جدا سمعته من السكرتيرة اولا معندهومش قسم ثانوى ثانيا المدرسه مشتركه بس الفصول منفصله
ياريت حد راح المدرسه او ام بيجاد ربنا يكرمها تدلنى على الحقيقه لانى قلت لها بس انا سمعت غير كده قالت ان ده الكلام الى اتقال لها
و على فكرة يالنسبه للاخت الى بتسال على المنار فحابه اقول لها ان واحد صحبتلى كانت بناتها فيها فى الkgبس ما حسيتش انهم استفادوا اى حاجه فالبنسبه للمدارس القوميه افضلهم هى egc انا كانت بنتى فيها فى الkg و كانت ممتازة بصراحه و موضوع وجود المظاهر الديانه المسيحيه لا مش فيها ان شفت الى بتقصديه ده فى فصول مدرسه سان مارك
بالنسبه لمدرسه الشمس المشرقه وباقى مدارس شارع فؤاد فالمستوى واحد العادى لا اكتر ولا اقل