السلام عليكم يا جماعه
صراحه الموضوع اللى فتحتوه مهم اوى وانا ماعتقدش انى سافيدكم عشان انا خارج مصر وبنتى ا ش الله حتكون السنه دى 4 سنين وشهرين وعمتها ستقدملها المدرسه فى مصر عشان انا مش حقدر انزل السنه دى عشان حامل يعنى البنت حتروح المدرسه على الكج 2 ا ش الله السنه الجايه وما كنتش احسب الموضوع صعب كده والحكايه عايزه بحث وسؤالى لكم ويارب تفيدونى انا كنت ساقدم فى التنسيق هو ايه الفرق بينه وبين التقديم من دلوقت وانا ساكنه فى محرم بك دلوقت وا ش الله سانقل سموحه بعد الشقه ما تتشطب ومش عارفه اختار مدرسه ايه انا كنت حكتب اي سى جى والمنار والفراعنه وسموحه الخاصه ومحمدكريم وروضه سيدى جابر بس مش عارفه صح كده ولا ممكن ما تتقبلش ولازم ادور من دلوقت زيكم وهل المدارس اللى قلتها دى كويسه انا صراحه ما عرفش غير اللااسماء ولااعرف الفروق بين المدارس خالص وكمان معرفش المصاريف اللى حدودي فيها 40000 برضه معلش انا طولت عليكم ياريت تفيدونى على فكره انا انصحكم ما تودوش مدارس بعيدهعن البيت اوى عشان الطرق بقت زحمه اوي والعربيات كترتوالطفل حيتعب اوي من المشوار اللى الكبير بيتعب منه بسهوله غير لما يبقى فى اعدادي وثانوي حيوصل مرهق اوي ومش حيركز فى المذاكره حلو وخصوصا انه المفروض يصحى بدري اوي صراحه يا جماعه استقربو هى فى الاخر مش فارقه انا دكتوره وجوزى دكتور ولحد دلوقت بنعمل فى الشقه بس وربنا يهدينا كلنا للخير

هاى زوووزا
شوفى التنسيق فيه المدارس التجريبيه والمدارس الخاصه اللى تبع الحكومه ودى مصاريفها بتكون فى حدود ال 2000 جنيه والتجريبى مصاريفه فى حدود الالف
وفيه مدارس خاصه بيكون التقديم فى داخل المدرسه ودى اللى بنتكلم عليها والتقديم ابتدى فيها
بالنسبه للمدارس اللى انتى قولتى عليها هى كالاتى
مدرسه اى سى جى والمنار والفراعنه ومحمد كريم دى تبع التنسيق فى شهر 6 ان شاء الله ولازم اللى يقدم فيها يكون سنه فى اول اكتوبر 4 سنين
مدرسه سيدى جابر لازم التقديم على البيبى كلاس فى الاول وبياخدو اللى عدى ال3 سنين والتقديم فى اول 3 وباب التقديم اتقفل خلاص وما ينفعش تقدمى على الكجى الا اذا كان عند واسطه
مدرسه سموحه بتاخ سن 3 ونص للكجى والتقديم شغال فيها حتى يوصلو للعدد المطلوب بس بالصراحه ما انصحكيش بها لانها قديمه ومافيهاش صيانه وضيقه جدا وما فيهاش حوش كمان
ولو قاريتى موضوعنا من الاول حتاخدى فكره عن باقى المدارس واى خدمه انتى بس اطلبى

شكراااا حبيبتى جدا على اهتمامك وردك
بصى انا مشكلتى انى الان فى سلطنه عمان جوزى بشتغل هنا وكنت ناويه انزل انا مع البنت مصر عشان المدرسه بس انا حامل فمش حينفع انزل السنه دى ومن ثم انا معنديش فرصه اللف على المدارس وسؤالى دلوقت انت رايك ايه استنى التنسيق وهل المدارس اللى قلتها دي كويسه انا بنتى حتكون ان ش الله4 سنين وشهرين وايه احسن من كده انا معرفهوش ولا ابعت لعمتها تقدم فى المدارس اللى انتم بتقولو عليها بس هى غاليه اوي وانا محتاره على فكره انا بعمل بحث على المدارس من زمان وصراحه ما لقيتش ناس مفيده زيكم
ربنا يارب يوفقكم للخير ويفرحكم باولادكم على فكره انا اقصد مدرسه سيدى جابر اللى تبع جمعيه سيدى جابر الشيخ مش اللى فى الدائري وياريت تقولى لى الترتيب الكويس للمدارس دى وجزاكم الله كل الخير يا رب

انا كمان عندى نفس المشكله لانى بادور على مدارس فى حدود ال 4000 ومش لاقيه غير المدارس الغاليه وعلشان كده انا لسه متردده فى اختياراتى
بالنسبه لسيدى جابر اللى فى الدائرى برضه تبع جمعيه سيدى جابر الشيخ والاتنين دلوقت نفس النظام تدفعى تامين 5000 والمصاريف 3000 وزى ما قولت لك الباب فيها اتقفل خلاص
المدارس اللى انتى قولتى عليها افضلهم الاى سى جى طبعا واسمع ان مدرسه المنار للبنات برضه كويسه وكمان محمد كريم اما الفراعنه بالصراحه ما اعرفش عنها حاجه ما اقدرش افيدك

اشكرك جدا يا شيماء على المعلومات واضح فعلا انك ما شاء الله لفيتي مدارس اسكندرية كلها.
على فكرة احنا ممكن نتقابل على غير ميعادلاني حاروح قريب البريليانس ان شاء الله اشوفها و غالبا لو ارتحنا انا و زوجي حننقل الولاد من السنة الجاية .

بس ممكن استفسار تاني و لو اني تعبتك معايا , ممكن توصفي لي مدرسة ليدرز؟ انتي قلتي انك استريحتيلها , ايه المميزات اللي شوفتيها عندهم بما انك زرتي معظم المدارس, ايه اللي يميزهم عن الباقي و يا ترى برضه اسلامية زي البريليانس؟ و مكانها فين بالضبط؟........

انا بأيد وجهة نظرك انتي و الاخت ام بيجاد قرب او بعد المدرسة ما بقاش مهم لسببين:
1- لان الطريق السريع قرب المسافات
2-لان اغلب مدارس اللغات الجديدة و المدارس الخاصة بقوا بياجروا اتوبيسات صغيرة (ميكرو باص) باعداد كبيرة و كل اتوبيس فيه بالكتير 15 طفل بس ,و بكدة بيجمعوا كل مجموعةالاطفال اللي ساكنين جنب بعض في اوتوبيس واحد فمش بيلفوا بالاولاد كتير زي زمان ,و حاقولك تجربتين دليل على ان المسافة دلوقتي ما بقتش تفرق:

اخويا الصغير كان في مدرسة ليسيه الحرية في اوائل التسعينات و كان اوتوبيس المدرسة كبير جدا فيه عدد كبير من الاطفال ساكنين في اماكن مختلفة ............. و كانت النتيجة ان الاوتوبيس كان بييجي ياخد اخويا اول واحد الساعة 6 صباحا و يفضل يلف ساعتين يجيب باقي الاطفال من الاحياء المختلفة و اخويا كان بيوصل المدرسة دايخ من كتر اللف مع اننا ساكنين في الابراهيمية و المدرسة في كامب شيزار يعني ما فيش اقرب من كده!!!!!!!!

التجربة التانية لما رحت اقعدت عند ماما كام يوم (في منطقة الابراهيمية )وخليت الباص بتاع منطقة الابراهيمية يجي لابني اكتشفت ان الباص بياخده و يروحه في نفس الوقت تقريبا مع اختلاف بسيط في وقت المرواح حوالي ربع ساعة زيادة!!!!!!!!! مع اني ساكنة في سيدي بشر قريب اوي من المدرسة ,
وده علشان الاولاد اللي في الباص عددهم قليل و كلهم من منطقة واحدة فالباص ما بيلفش كتير

عشان كده انا باضم صوتي لصوتكم ان جودة المدرسة اهم من قربها

كان عندي سؤال لاختي ام بيجاد ,انا سمعت من ناس انه بالرغم من ان البريليانس بتدرس نفس منهج مدرسة ولادي :الماكميلن لكن مستوى الاولاد في البريليانس ضعيف في الانجليزي يعني لو قارنا ما بين طفلين في اولى مثلا واحد من البريليانس وواحد من مدرسة اسكندرية للغات او المصرية الانجليزية او الفيوتشر حنلاقي ان التاني بيتكلم و بينطق احسن من الاول؟؟ ده الكلام اللي سمعته من واحدة صاحبتي و بصراحه قلقني لكن رجعت قلت االتربية الدينية للولاد من صغرهم اهم من فرق بسيط في المستوى اللغوي و بيتهيألي لما يكبروا كلوا بيتساوى.
بس حبيت اعرف رايك و هل ولادك في البريليانس من كي جي 1 و لا كانوا في مدرسة تانية و نقلتيهم؟
و هل صحيح فيه اولاد من زهراء المدينة القسم العربي في سنه رابعة بينقلوا للبريليانس ؟ طب ازاي حيتاقلموا مع باقي الفصل اللي من صغرهم لغات؟

يا ريت تجاوبيني لاننا الايام دي حناخد القرار في نقلهم و عايزة الصورة تبقى واضحة قدامي.

الاخت hanaa2 حقيقى انا استفدت منك واشكرك جدا بس معلش سؤال كمان هل ممكن ما نتقبلش فى مدارس التنسيق ولا هما لازم ياخدو كل اللى اكبر من اربع سنين بمعنى هل ساضطر الى المدارس التجريبيه لو لم اتقبل فى الخاص عشان الاعداد خلصت عند سن اكبر وايه تانى مدارس كويسه خاصه وايه التجريبى الكويس وشكرااااااا ليكى ولكل الاخوات اللى بيتشاركو معانا وربنا يوفق الجميع يارب

انا اللى اعرفه ان فى التنسيق كل مدرسه بتاخد السن الكبير وبعدين الاصغر فالاصغر وده حسب اللى متقدمين لها
حاجه كده زى تنسيق الجامعه بس بالسن مش بالمجموع طبعا
وعلشان كده لازم بجانب التنسيق تقدمى فى مدارس تانيه من باب الاحتياط مش اكتر انا اسمع ان فيه مدارس بتاخد فوق الخمس سنين علشان الاقبال عليها كبيير
المدارس التجريبيه بتاخد سن كبيير وده لان الاقبال عليها بيزد لان مصاريفها قليله وافضل المدارس التجريبيه هى زهران ومصطفى النجار ودى على فكره بنات بس اما زهران مشتركحتى الابتدائى ويتم الفصل بينهم من المرحله الاعداديه والمدرستين دول فى سموحه وبالصراحه انا ما اعرفش غيرهم
يارب اكون افدتك

هاى رانيا
يا ترى مدرسه الفيوتشر دى ايه نظامها يعنى بتاخد سن كام ومصاريفها ايه
وبعدين انتى قولتى ان اولادك فى المصريه الانجليزيه وانها كويسه طب ليه عايزه تنقليهم

السلام عليكم لجميع الموجودين
واشكر كل من ساهم فى هذا المنتدى بمعلومات لان اى معلومه ولوبسيطه اكيد فى حد حيستفيد منها
عايزه اعرف حد يعرف حاجه عن مدرسه سن شاين اللى فى قناه السويس ومدرسه القوميه مصاريفها كام وجزاكم الله خيرا

وشكرا جزيلا يا hanaa2uعلى المعلومات المفيده