أستاذي مشكلتي باختصار هي اخي بكرهه جدا وأصبح كل نفسي التخلص منه .. تسبب لي بأزمات نفسية كبيرة جدا ولولا خوفي من الله ورجوعي له بعد كل زلة لكنت ضعت دلوقت والسبب هو أخي بقت سميرة معقدة من الذكور أكره أن أسمع خبر انجاب طفل ذكر لعائلة والسبب أخي .. عندما أرى فرحة أم بطفلها الذكر أقول بنفسي متصربعة على ايه بكرة يكبر ويبقى متل أخي وماحدش حب ابنه متل امي وابي وماحدش فرح ببكره الذكر قد أمي وأبي .. .... كل مشاكلي حتى الشخصية لما ببصلها بلاقيها مرتبطة بأخي كل مشاكل سميرة هي أخوها ومش بس مشاكل سميرة مشاكل مامتها ومشاكل عيلتها كاملة .. أخ حقير بكل معنى الكلمة بعد أوي عن ربه وعن دينه وعن أخلاقه .. والدي توفى من 10 سنين ومشاكل أخي تفاقمت وتفاقمت كانت من قبل وفاة والدي لكن بعدها كبرت أوي بقى عامل نفسه المسؤول عن العيلة وكلمته لازم تتسمع صدق نفسه اوي انه هو المسؤول وافتكر نفسه هيقدر يمشي العيلة وبقى عايز ماما تسمع كلمته وكأنه هو الآب وهي بنته كل ده كان وكنا نقول مراهق وهي فترة وهتعدي وبكرة يعقل لكن مراهقة ايه دي اللي تستمر 15 سنة والمصيبة أنه ما خلاش معصية ولا كبيرة الا وعملها وأنا متأكدة من كدة ... زنا وأنا متأكدة حتى لو قال لأ ولو قالت ماما لأ .. أنا اقول لأ زنا ونص .. سكر وشرب الخمر وبقول شرب لو كل الدنيا قالتلي لأ المشكلة انه مامتي مفتكرة انها لما تنفي عنه الحاجات دي يعني هيكبر بعيني هي مش عايزاني أحتقره بس الكره موجود ومش هيختفي أبدا ... الكلام الوحش وبحكيه وما بيفرقش معاه حاجة .. المواقع الاباحية وبيدخلها ومش بدخلها بعقل ده بقى مدمن عليها أنا متأكدة دا بيعرفش يقعد عالنت من دون ما يفتح المواق دي حتى انه بيحفظ بعض الاشياء عالجهاز بملفه بمكان اللي ما نشوفهوش وعدة مرات اشوف حاجات كدة وأنا البنت أتوتر وأقول ايه المناظر دي وأحذفها بسرعة وهو طبعا مش هييجي يقول مين اللي حذف الملفات دي بس برضو مش بيزوق على دمه ويقول اكيد حد من خواتي اللي محاها ويعرف اننا اندلينا عليها لأ برجع بنزل غيرها وغيرها ......
هذه المشكلة بشكل عام لكن اللي خلاني أكتب الموضوع هو مشاكله المستمرة اللي حصل انه تجوز بنت اخلاقها وحشة اوي اوي اوي وماما رفضتها وهو تجوزها غصب عنها وماما رفضت انها تعترف فيها انها مرات ابنها وكانت دائما خايفة علينا منها بصراحة لأنه اخلاقها وحشة اووووووي واللي حصل انه اخي ما توفقش معاها وطلقها لاسبابه الخاصة وحط عليها شروط تعملها عشان يرجعلها لكن هي رفضت شروطه فأخذها حجة وقال انه طلقها لانه ماما مش موافقة عليها ونشر الخبر ده بين الكل وبقت ماما بصورة واحدة مش عايزة السعادة لابنها وانه البنت كويسة جدا لكن ماما هي اللي ماعرفش ليه مش عايزاها والمشكلة انه اخي جاب منها بنت وبيوم من الايام كانت ماما بتكلمه عادي وهو مش مستعد يسمع حد ولا مستعد يحترم حد ما اعرفش ايه اللي حصل لكن هو بيتنرفز اوي وما بحبش يسمع كلمة عن بنته مش عارفة ايه اللي حصل لكن هو تنرفز اوي وقام يبهدل ويصيح على أمي قال أمي دعت على بنته مع انها والله ما دعتش ولا حاجة أنا كنت نايمة ولما عليت أصواتهم صحيت واتجننت وطلع عقلي لما صحيت وسمعته بقول لأمي : ( ان شاء الله يارب انك تموتي ان شاء الله ما بيطلعش عليكي الصبح ) وامي قالتله ايه برايك بقى ؟؟؟؟؟ قالتله الموت علينا حق !!!!!!!!!!!
أنا قلبي بقى نبضه مليون وعقلي طلع من راسي وتنرفزت ولأنني كنت ماخدة على نفسي عهد انني ما اتدخلش بمشاكلهم لأنني دائما كنت اتدخل بالمشاكل وتطلع على دماغي فبالنهاية بقيت انسحب للغرفة تانية لحتى ما اسمعش الكلام اللي بقوله وبالتالي ما اتنرفزش وأتدخل لأنني بتدخل بدون ما اشعر لما كنت اسمع كلامه لكن اللي حصل يومها انني سمعته غصب عني وقمت وانا نفسي اقتله ورحت وشتمته وزعقت وما بقيتش قادرة وهو طبعا مش بحطها واطية لحد حتى من قبل ما اشتمه شتمني وزعقلي فازاي بقى بعد ما شتمته ؟!!؟؟
كبرت بيناتنا وعليت أصواتنا وامي زادت نرفزتها وقامت وهي رامية عليه حاجة كانت جنبها قام وهو ضاربها عليها وأنا لو كان باقي عندي هدوء اتفقد وقمت وانا هاجمة عليه وضربنا بعض بس طبعا فرق شاسع بين ضرب بنت وضرب شاب قاسي متله .. ضربني بايده على عيني لدرجة انني حسيت انني انعميت لكنني استمريت بالضرب لأن أمي كانت هجمت معي وهو قعد يضربنا انا وهي ويشدلها بشعرها وانا فضلت اضرب مع انه عيني غبشت وما بقيتش شايفة فيها كويس والتيشيرت اللي كنت لابساها فتحت وأنا ما كنتش لابسة غيرها وماحسيتش انه ده حصل وهو ما فرقتش معه وفضلنا بالمقتلة وهو يضربني بالاخر قامني اخويا التاني وانا لما شفت نفسي كدة بسرعة رحت وغيرت هدومي ورجعت وقعدت وهو قعد بجهة تانية وامي بجهة وانا مش قادرة استحمل اللي بيحصل بعد كدة اخدت نفسي ورحت الحمام قعدت فيه وقعدت أعيط وأعيط وأعيط مع انني سمعته بعد كدة شتم امي اكتر من مرة لكن مش قادرة ومش عارفة اعمل ايه والكلام ده بنص الليل قريب الفجر .. بعد كدة راح اتخمد وانا ما جانيش نوم استغليت الثلث الاخير من الليل وقعدت ادعي وادعي واقول يارب خذه وريحنا منه بأقصى سرعة او اهديه باقصى سرعة لانه الحال ده ما بقاش ينطاق وانا كنت دائما ادعيله بالهدايه دعيتله كتير اوي لكن الظاهر طريق الهداية بعيدة اوي عن امثاله ما بقاش في حل غير موته فضلت ادعي ومش هتصدق لو قلتلك كنت ادعي وانا موقنة الاجابة لدرجة انني بعد ساعة تقريبا سمعت صوته اتقلب وهو نايم قلت بنفسي هو انت لسة ما متتش !! وكان عندي تاني يوم امتحان مصيري بالمدرسة وكنت عايزة انام علشان اقوم بعد كدة اذاكر لكن اخي عمل المشكلة وما نمتش ولما قمت بعد ما ناموا جيت اذاكر ما عرفتش ابدا وقلت بنفسي خلاص ما هو هيكون مات للصبح ومش هروح اقدم الامتحان !!!!
وفضلت صاحية للساعة 7 الصبح ما نمتش بعد كدة رحت أنام وصحي اخويا من نومه ما فهوش حاجة قلت بنفسي لو الله مااستجابش دعائي بانه يموت اكيد هيستجيب بهدايته بسرعة اكيد دلوقت بكون عرف حقارة اللي عمله وفكر كويس وندم لكن للاسف صحيت على صوته وهو بيجاكر بأمي وبنرفزها وكل ما يدخل الغرفة ويشوفها يقلها الله ياخدك كل ما يشوفها يقلها كدة ومش بس كدة كمان كان يمر يقلها ((بعيد عن الجميع )) كان يقلها تفو عليكي وحاجات زي كدة !!!!
وانا مش قادرة حاسة كل عقد الدنيا بقت موجودة فيا بقيت بكره كل حاجة لانه حتى امي دي اللي بدافع عنها وبتحمل كل ده علشانها أخي بيعمل فيها كل ده وما بتعملوش حاجة وما بتتشاطرش الا علينا وانا عارفة هي ما بتحبش خلفة البنات طول عمرها بتحب الذكور لكن خلي الذكور ينفعوها بقى!!!! بيعمل فيها كل ده ومنتحمل كل ده علشانها وبالاخر تيجي هي كمان لتضييق علينا عيشتنا وتكون معاملتها معنا سيئة جدا والمشكلة الكبيرة بقى هي انه اخي حقير وانا بتوقع منه يعمل اي حاجة وبعد المشكلة بصلي وقاللي قسما بالله سأدفعك الثمن غالي جدا وراح تندمي وتاكلي صوابعك ندم قسما بالله وعادها وعادها وعادها مرات ومرات ومرات ويقلي انا بعرف اربيكي ازاي انتي مش هتتربي الا ع ايدي لما اربيكي بطريقتي الخاصة وحكاها بأسلوب ............!!!!!!!!!!!!!!!!!!!!!!!!
لدرجة انني شكيت انه ممكن يغتصبني لانني ما بقيتش بستبعد عنه اي حاجة
ازاي هيدفعني الثمن يعني ايه اللي يقدر يعمله معايا ليدفعني الثمن ايه اللي بطلع بايده اصلا غير كده فكرت وفكرت وفكرت وكل ماافتكر طريقة كلامه بقول ما فيش غير كدة ولا يمكن يكون غير كدة !!!!حتى انه كان يقول لأمي هتبكي دم بدال الدمع عاللي هيحصل وحاجات زي كدة ..!!!
واحد حقير بالشكل ده ايه اللي هيمنعه انه يعمل فيا كدة ؟؟!!!
والمشكلة انا تعبت حتى اخوتي بعد المشكلة قعدوا يلوموني ويقولولي تدخلك بالمشكلة كان حقارة وزارد المشكلة سوء لأنه لما قال لأمي الله ياخدك وقعد يدعي عليها هي ما قالتلوش حاجة قالتله الموت علينا حق بس بعد ما تنرفزت وتدخلت بلمشكلة زادت وهي كمان هجمت معي لكن والله مش بايدي أنا لما قالولي كدة قلت بنفسي صحيح كلامهم ومرة تانية لو تكرر موقف زي ده لازم اضبط نفسي واطنش وماليش دعوة حتى لو سمعته مش هتدخل بس كل ما افتكر الموقف مش بقدر أسكت ولو يتعاد هعيد نفس ردة الفعل !!! مشكلتي عصبية جدا مع انني برضو حنونة جدا لكن اللي عمله اخي معي من لما كنت صغيرة ما وعيت الا على ضربه وحقارته وكنت احبه بالرغم من كل ده لكن وصلت لمرحلة مش قادرة استحمله والمشكلة بسبب عصبيتي الكل بقول عني انني لئيمة ومش بحب حد وأنا بعد ما قالولي كدة تضايقت اوي وقعدت أعيط وقلتلهم بكرهه قالولي انتي مين بتحبي انتي ما بتعرفيش تحبي ده اخوكي ومش عارفة ايه مع انني والله سمعتهم بتكلموا وبقولوا عنه وانهم ما بقوش بحبوه من عمايله وأختي دعت عليه وكدة لكن انا وكأنني مش من العيلة وكأنني فرد غريب غير مرغوب فيه بالعيلة ما حدش براعيني وماحدش بحس فيا حتى امتحاني اللي ما قدمتوش يومها اتبهدلت عليه اوي وما حدش حس ولا حد راعى وبالنهاية أكون أنا الانانية اللي ما بحبش حد ومش براعي حد !!!!!!!!!!!!!!!!!!!

وقربناله كتير وياما قعدنا كلمناه بالحسنى وبالحب واعتبرناه بمثابة الاب وسايرناه اوي بس برضو ما نفعش وكنا منقرب وهو يستغل ده لصالحه بطريقته

حتى العيلة مش بيحترم حد فيها خوالي واعمامي لما اتجوز وقفوا معانا والنتيجة كانت انه هددهم وكان يبعتلهم ناس ومكالمات تهددهم باولادهم انهم هيتخطفوا وحاجات كتيرة اوي لدرجة انهم قالوا احنا مش هنتدخل فيه تاني احنا هنبعد عن الشر ونغنيله !!!
والمشكلة بقى انه عارف انه عاصي لماما وانه ربنا غضبان عليه من غضب ماما لدرجة انه يوم المشكلة وهو بيزعق وبيشتم فيها قاللها انتي ما بتحسيش بابنك مش شايفة ربنا ساخطني ازاي والسبب هو غضبك ولسة بتغضبي !!!
لا هو عاوز يشتمها ويطول ايده عليها وتقله الله يرضى عليك !!!!! شر البرية ما يضحك مش كدة

والمشكلة انه دائما بحملنا جمايل انه اشتغل وكان يصرف عالبيت مع انها كانت فترة بسيطة وبس ودلوقت بياكل وبيشرب وبياخد مصروفه كمان مع انه بيشتغل بمرتب كويس أوي وما منشوفش حاجة من مرتبه بحجة انه عايز يصرف على بنته ويربيها ويشوف حياته ويشم الهوا وكفاية صرف علينا زمان وده وقت التمتع بفلوسه !!

وانا زي ما قلت بقيت معقدة نفسيا كتير فكرت انني اروح ع دكتور نفساني لانني تعبانة خاااااااااالص
ولما شفت انني بقدر اعرض مشكلتي هنا فرحت وحسيت انه دي فرصتي
مع انني والله تقربت من ربنا خالص والفترة دي هي اكتر فترة بتقرب فيها من ربنا بحياتي كلها والحمد لله
بقيت اتقرب بالنوافل والصيام والسنن والاستغفار وبدعي كتير وبدعي بالثلث الاخير من الليل لكن بشعر انه بدون فايدة !!

اما بالنسبة لتدخلي بمشاكل اخي فالمشكله هذه كنت كاتباها بالمنتدى حصلت من اشهر لكن كل اسبوع لينا مشكلة ونفس التفاصيل ضرب وشتايم وصراخ
قبل فترة رجع عمل مشكلة مع امي ونفس الشيء زعقلها وشتمها ودعى عليها وبرضو كنت نايمة وصحيت على صوته لكن المرة دي قعدت ابكي بمكاني وما قمتش وما تدخلتش وكأنني ما صحيتش أصلا ومن وقت اخر مشكلة وانا لساني ما يناطقش لسانه الا ناااااااادرا يا دوب السلام عليكم وعليكم السلام ده اذا حكى السلام عليكم اصلا لانه غالبا ما بشوفوش كتير برجع من شغله بالليل وانا بكون نايمة والصبح بخرج وهو نايم وبرجع وهو بالشغل
يعني الفترة اللي ممكن اشوفه فيها هي بالليل لما يروّح وانا مش نايمة وكنت بفتحله الباب يدخل ما يقولش السلام عليكم ولا ينطق بأي كلمة وانا كذلك ما اتكلمش ومقضيينها على كدة !!!!!!
ما اعرفش نهاية حياتنا والحكاية دي هتوصل لفين !!
وكل اسبوع يا اما بتدخل يا ما بتدخلش وبعد كل مشكلة بقعد شهر ما بكلمهوش ولما ارجع اكلمه بعد كدة بيومين يرجع يعمل مشكلة ونرجع نتخاصم

وبصراحة موضوعي ده حطيته من كثر الهم والقرف اللي عايشة بيه ولأنني ما بقيتش قادرة استحمل أبدااااا أخويا كل يوم والتاني مشكلة ويزعق ويشتم ويضرب أمي وهي بعد المشكلة بتتصل عليه تراضيه وكأنها هي اللي غلطت بحقه لا وبتقويه علينا اذا تخانقنا على اي شي وهو موجود بتقول ده لانكم مش لاقيين حد يضبكم ويربيكم الحق على اخوتكم ما يدعسوا عليكم ويضربوكم!!!!!!!!!!
وهو بالأساس احنا لما نتخانق معاه منتخانق على شتايمه ومشاكله مع امي اما مشاكلنا معاها دائما سببها الشغل بالبيت أنا زهقت ما بقيتش قادرة استحمل العيشة المهببة دي
أمي ام غير مسؤولة وظالمة
دي امي ما فيها الا الكلام الفاضي والبهادل ولو اشتغلنا طول النهار والليل حنفضل مقصرين ومش منساعد وهي اللي حاملة كل شغل البيت فوق دماغها يا عيني !!مع انه والله بتمر أيام بتقضيها نوم وما بتمسكش حاجة بالبيت واللي بزيد الهم انني البنت الوحيدة بالبيت حاليا
وأنا حتى مذاكرة ما بقاش ليا نفس اذاكر نفسيتي تعبانة جدا جدا جدا جدا جداجدا والوضع بقى لاايطاق
أم ظالمة وأخ حقير وعائلة مفككة !!! لا وأزيدك من الشعر بيت بقى شك وتخوين وفكر بروح لبعييييييييد جداااااااا وبكل المواضيع كل حاجة بحللوها وبشكوا بأي حاجة وكل ما تشوفني قاعدة عالنت سميييييييييييييييرة انتي بتعملي ايه!! سمييييييييييرة قومي اشتغلي واتركي الهباب ده وحتى لو كنت مخلصة شغل البيت كله ومش فاضل عليا حاجة تقلي زر القميص ده ليه هنا والابرة دي مش هنا مكانها وحبة العدس دي بتعمل ايه بالمطبخ!! كل ما اقعد عليه نكد وبتيجي بتطفي الجهاز وبتعمل مشكلة وبتضربني والكلااااااااام ياااااااه عالكلام بتتكلم اي حاجة وما بتفرقش معاها !! طيب أخويا حقير وبتكلم كلام وسخ وبيشتم شتايم قبيحة وهي ليه بتتكلم زي كدة مش عارفة هو علمها ولا هي علمته ولا هم الاتنين ساعدوا بعض !!!!
ده حتى بالاوقات العادية كان بينزل حاجات ونكت على موبايله بيتكلموا فيها كلام زي الزفت كان ييجي يسمعهالها وهي كانت تضحكله ولما كنت أعاتبها واقلها ده بدل ما توبخيه وتقوليله ايه القرف اللي بتسمعه ده تقلي انا لو عملت كدة مش حيسّمعني تاني ويفضل ينزل حاجات زي كدة بدون ما أعرف ويروح يسمعها لاصحابه لأ يسمعني وأكون عارفة باللي بيعمله أحسن!! شوفوا وجهة النظر الغريبة بقى !!!
طيب ولما تتخانق معايا وطبعا زي ما قلت أكيد الخناقة حتكون عالشغل بتشتمني شتايم كبيرة ربنا عالم بيها والله لو حد من الشارع يقولهالي عمري ما اسامحه ازاي بقى لما تكون امي والله انا بنجرح ومش بقدر أتكلم ومشكلتي عصبية جداااا ولما نتخانق بيعلى صوتي وانا بكلمها لكن مش بغلط ولا بقول حاجة لكن لما تبدى تشتمني بكلام قبيح وتقذف ببنتها بفقد عقلي خاااالص وكل ما تشتمني بقلها انا مش حسامحك وحسبي الله ونعم الوكيل عليكي حاخد حقي منك يوم القيامة لأنني بجد ما بتحملش وبتفضل أمي وما بقدرش اعمل حاجة تانية مع انني والله بقعد افكر واقول تعمليش حاجة تندمي عليها بكرة يا سميرة لو ماتت ولا حصللها حاجة حتندمي عاللي قلتيه وتقولي ربنا يسامحها وبقول خلاص ياربي مسامحاها من دلوقت لكن ياربي كلامها كبير قوي وقذف للمحصنات وقذف المحصنات من السبع الموبقات وكل مرة اندم فيها ترجع تشتم طب انا خلاص ما بقيتش عايزة اكون مسامحة لما ما حدش بسامحني حسامح ليه؟؟!! وانا عالحال ده كل يوم حتى كنت أتركها واروح الحمام اقعد فيه أعيط وابعد عنها لانه بيتنا صغير أوي وماليش غرفة او مكان اروحله ولو فضلت بوشها حتفضل تشتم!! بس في اخت هنا بالمنتدى قالتلي ما ابقاش اروح الحمام لأنه مكان للشياطين فبقيت اروح عالروف
طيب انا حفضل عالحال ده لحد ايمتى ومستقبلي ازاي حيكون لا عيلة ولا ظهر اتسند عليه ولا شهادة بإيدي انا مش قادرة اذاكر ابداااا وطول النهار شك وتخوين!!
لا وايه كل ما اتخانق مع امي بقعد اسبوع اتحايل عليها عشان اصالحها وهي مش عايزة تصالحني وأخويا اللي بزعقلها بتروح تراضيه وتصالحه!!
أنا دلوقت لما تخانقت معاها قلتلها خليه ينفعك ما بتسأليش الا بالاولاد وما بتطبخيش الا ميعاد رجوعهم من الشغل وبتروحي تراضيه بعد كل خناقة قال ايه عايزة تكسبه وبتخاف لو ما راضتوش يروح يرجع لمراته اللي طلقها واحنا ما صدقنا انه يسيبها .. او بتخاف يتنصر ولا يغير دينه أصل صاحبه نصراني وكل ما بيتخانق معنا بروح لصاحبه ده .. ومرة من المرات صاحبه ده قله شو رأيك تيجي معايا عالكنيسة خليك تروّق !!
هي كدة بتقول وانا ما اعرفش هو صحيح الكلام ده ولا غلط فعشان كدة قال عايزة تكسبه وترجعه!!
طيب واحنا!! تستني لحد ما نضيع زي اخويا بعدين تكسبينا!! انا والله لولا خوفي من ربنا ورجوعي له بعد كل زلة كان زماني ضعت دلوقت وانا بقلك انا غلطت مرة وكلمت شاب هو من معارفنا كان بيحبني وطلب مني يقابل ماما ويطلب ايدي من اهلي لكني رفضت يعمل كدة لانني كنت عارفة انهم حيرفضوه وانا خفت يرفضوه ويضيع من ايدي وهو كان شعاع الامل اللي يشعلي بهالحياة المظلمة وفضلت على علاقة معاه وفضلت اكلمه من دون علم اهلي تقريبا5 شهور وصدقني كانوا أجمل 5 شهور بعيشهم بحياتي كلها وما كانش يعكر مزاجي أيامها الا انني بعصي ربنا حتى مشاكل أخويا ومشاكلي مع امي كنت انساها بمجرد انني اكلمه مع انني كنت بقمة سعادتي لكنني فضلت ارجع لربنا وقطعت علاقتي بيه ..أنا طول الخمس شهور دول كنت ارجع لربنا واقطع علاقتي بيه لكن في كل مرة كنت أحن للأيام الحلوة كل ما اشوف نفسي رجعت للغم والقرف من تاني من بعده ولما ترجع امي تعمل معايا خناقة واشوفه هو متمسك بيا ولسة بحبني كنت أقول بنفسي وحدة تلاقي واحد بحبها وبضحي علشانها من بين دنيا وعيشة قرف زي دي.. بضحي فيها وما حدش حاسس بيا ولما لقيت حد يحبني ويحس بيا ويضحي علشاني انا ما احسش فيه وبعد كل خناقة مع امي كنت بروح أكلمه وآآآآآآآآآه كل ما افتكر اليوم اللي سبته فيه آخر مرة دنا عيّطت عياط يومها وهو برضو عيطنا لقلنا كفاية كان يوم قاسي جدا وأفظع شيء بالموضوع انني يومها امي خانقتني خناقة جامدة اوي وبعد كل شتيمة وبهدلة امسك الموبايل عايزة اكلمه وارجع واقول ياربي ثبتني ويومها طول النهار وأنا اتحايل على امي واخبيلها حاجتها ولما تسأل عليها أقلها مش حديكي ياها الا لما تقوليلي انك صالحتيني وهي مش قابلة وقعدت ابوس خدودها و أتدلل عليها وأقلها يقبرني العصبي وربنا يخليكي لينا وهي ولا عندها ولا على بالها ويوميها جت بنت خالتي وقعدت تتكلم عن خطيبها وقعدت تكلمه وكانت فرحانة اوي وانا رحت على سريري وقعدت أعيط واقول حرام لو كنت خاطبيته وكان خطيبي دلوقت واكلمه وما اخافش من حد واكلمه قدام الكل وأعيط وارجع اروح لأمي اتحايل عليها وهي مافيش على لسانها غير الشتيمة والبهادل وهو فضل متمسك بيا وأصر انه عايز يقابل ماما ويجرب يطلب ايدي من اهلي لكن للأسف وكالعادة مش مكتوبلي أفرح أبدا وأهلي لما عرفوا انني كنت على علاقة بيه وبرضو زي ما توقعت رفضوه بحجج كتيرة وانني لازم اكمل تعليمي !! ليه هو انتو مهيئينلي نفسية كويسة للمذاكرة ولا انا حفلح واخد شهادة طول ما انا وسطكم وكدة أطلع من الدنيا لا شهادة ولا عيلة ولا اتجوز اللي بحبني وبحبه وكمان مع سمعة اخويا مش حتجوز خالص والنتيجة كانت انني لا كسبت حبيبي وخطبنا وكمان زاد الشك والتخوين كل ما امسك الكمبيوتر بتكلمي مين وبتعملي ايه وما قل حياكي وأدبك الا الهباب ده والموبايل اتاخد مني وانا بصراحة كل ما زاد شكها بيا وخونتني بزيد شوقي ليه واوقات بنبعت لبعض رسائل عالايميل نطمئن على بعض ونشوف اذا حصل شيء جديد مع اي حد فينا لكن ده قليل لما يحصل والله
وإذا تجوزت حتبقى حياتي جحيم مع جوزي لأنه أكيد حيعايرني بأخويا وأنا متأكدة ما هم كلهم الرجالة كدة ولأنني حكون تجوزته غصب عني وحكون تجوزته وانا بحب غيره لأنني والله بحب حبيبي ده ولو عليا أنا مش حتجوز غيره بس أنا عايزة أخلص من البيت ده والحل الوحيد انني اتجوز !!
طيب واذا اهلي رافضين حبيبي ايه العمل بقى حخلص من البيت ازاي ويا ترى حيتصلح حالي بعد الجواز وانا معقدة من جنس ادم كلهم والله بكره كل جنس ادم حاليا غير حبيبي ازاي يبقى حتجوز غيره !! انا حتى ايام بقعد افكر واقول يا ترى حبيبي بيتكلم كلام قبيح زي كدة ما هو دلوقت كل شباب البلد بيتكلموا كدة وانا والله تعقدت من اخويا ونفسي يكون حبيبي غير عن كل الناس دي خليني اتجوز واخلص من البيت وما اتعرفش عليه ابدا ومش حادخل امي بعد كدة بحياتي خالص لاني شايفاها دائما بتحرض اخواتي المتزوجات على جيزانهم ومش مستعدة تعمل معي كدة !!
بس يا رب يغيروا رأيهم ويوافقوا عليه وإذا ما وافقوش حافضل بالبيت ده مع امي واخويا مشاكل وخناقات كل يوم لحد ما اموت ؟؟!!!
دنا حتى مصروف ما باخدش والله العظيم وكل ما اقول لامي عايزة اخد مصروف زي كل العالم والناس لما ييجي ع بالي حاجة ولا احتاج حاجة اقدر اعملها بتقلي احنا نجيبهالك ولما بطلب منهم حاجة بقولوا معناش وانتي شايفة حالنا وده مش ضروري وده مالوش لزوم دنا حتى الهدوم ما بشتريش الا بالاعياد وبرضو بتحمل جمايل عليهم بتقعد تحسب شريت بكام وتقلي تنسيش ده بدينار وده بنص وبتجمع سعر كل اللي شريته وبتقلي شفتي صرفتي قد ايه وافضلي قولي ما باخدش مصروف !!
طيب ده مش من حقي دي الناس كلها بتاخد مصروف وبتشتري عالعيد وبتشتري بغير العيد وما بتتحملش جمايل برضو وبلاش اقول الناس كلها ده أخويا أهو كل يوم والتاني بشتري هدوم جديدة وكل اللي بيطلبه بيتنفذ وبنجابله دنا حتى مرة طلبت من امي تبقى تديني راتب بتاخده كل شهر على اسمي من جمعيه لانني يتيمة وبابا الله يرحمه مات وانا صغيرة ومن وقتها وهم بيصرفولي راتب كل شهر باسمي وانا ما بشوفش منه حاجة هو صحيح المبلغ مش كبير لكن يعني انا موافقة اخده هو وبس كمصروف ليا طول الشهر وياريتني ما قلتها الكلمة دي فضلت شهر كامل انام على خناقة واقوم على خناقة ولو اشتريت اي حاجة تقلي اديكي بتشتري ومش حارمينك من حاجة ومش شاطرة الا بقول ما باخدش مصروف وانا زهقت والله انا محرومة من كل حاجة طيب ايه المانع بقى لو ما شريتوليش حبة الشكلاطة دي وما شريتوليش الحجاب ده واعطيتوني مصروف وخليتوني انا اشتريهم من مصروفي لما اكون انا عايزة اشتريهم !!!
انا بصراحة بقيت انصب عليها بكم قرش حتى لو اعتزت حاجة ضرورية الاقي فلوس واقدر اعملها ..ايام بتعطيني فلوس اشتريلها حاجة برجعلها باقي الفلوس ناقصين شوية كم قرش بس حتى ما تحسش وبخبيهم لوقت العازة
وانا كل مرة بقول دي سرقة لا ما تعيديهاش يا سميرة لكن والله انا كتير اوقات بعتاز حاجة او بينطلب مننا حاجة بالمدرسة ما بلاقيش فلوس ادفعلها وبعاود برجع بعمل كدة وبقول بنفسي اسرق منها ولا اسرق من حد غريب ده واجب عليها تديني فلوس واذا ما ادتنيش يبقى مش حرام سرقتي منها
وهي مش بتنتبه انه الفلوس رجعولها ناقصين لانني انا اصلا مش باخد كتير اكتر من سعر الحاجة اللي كنت عايزة اشتريها فبتفتكر انه المبلغ الناقص كان من سعر الحاجة دي وكمان لانها مسرفة جدا وكل ما بيطلبوا اخواني الشباب بتعطيهم فما بتفتكرش المبلغ البسيط ده من بين المبلغ اللي بتصرفه او اللي بياخدوه اخواني !!
أنا بجد زهقت وقرفت العيشة دي وانا اسفة جداااااااااا طولت عليك لكن والله كنت لسة عايزة اكمل لكن قلت ايه ده يا سميرة دنتي كتبتي مجلدات وما تتعبيش الاستاذ معاكي كفاية كدة اديكي فضفضتي شوية
لكن والله صدقني بكتب من طفري ووالله انا حتى كنت بكتب الكلام ده وانا بعيط!!!
وحبيبي كمان طلبني من سنتين ومضوا السنتين وهو يقول انه مش هياخد غيري وحيستناني العمر كله لحد ما يوافقوا أهلي بس قبل كم يوم بعتلي ايميل بقلي انه مامته عايزاني اعيش عندها فوق بيتها وبيتهم بعيد أوي واهلي مش هيوافقوا على كدة خاصة انني من فلسطين وهو ساكن ببيت بالضفة واحنا ساكنين بالقدس ولو سكنت عنده مش هاقدر اشوف اهلي ولا اقدر ادخل القدس بسبب الحواجز
ولما قلي كدة قلتله انني مش هاقدر على كدة قاللي طب أعمل ايه قلتلوا خلاص اسمع كلام امك ده رضا الام اهم من الحب وقلتله خلاص انساني بس انا مش قادرة انساه ومش قادرة اتصور انني مش هاكون له وهو الامل اللي كان باقيلي بالدنيا دي وما بقيتش عارفة اعمل ايه ولا اتصرف ازاي انا تعباااااااااانة اوي كل الدنيا علي
لاحول ولا قوة الا بالله بس وربنا يصلح الحال!!
أعمل ايه يااااااربي

أختي الكريمة:
كلما رأيت طول رسالتك تجاوزتها ولكن يسر الله اليوم قراءتها.

أختي لا أزعم أن هناك حلاً يسيراً لمشكلتك.
صحيح أن أخاك سيئ الخلق ، وأن والدتك ظالمة في تعاملها معك ، وأن الرجل الذي تتمنينه ربما لن يأتي ، وأن الحال غير ميسورة لك....
ولكن...
ألا ترين أمراً يمكن أن تفعليه لصالحك؟

أختي الكريمة طالما أن الأمور بهذا السوء: فعليك أن تهتمي بنفسك:
1. دينك وصلاحك.
2. دراستك.
3 صحتك.

أعلم أنك ستقولين كيف الواحد يجي له نفس يدرس ولا يسوي حاجه حلوة وهو في هذا البيت ....الخ.
نعم هذا صحيح ، لكن لا مفر من ذلك وإلا فإنك ستحكمين على نفسك بالفشل والشقاء ، وستقومين بلوم الأحداث والحياة.

قومي بدورك في نفع نفسك وتجنب المشاكل مع أمك وأخيك قدر ما تستطيعين وستجدين أنك يوماً بعد يوم .. تقتربين من هدفك وهو النجاح والتخرج والوظيفة.
حينها سيأتي الراتب ، ولن تحتاجي لأحد .. حينها سيأتي العريس المناسب الذي يليق بك لأنك ناجحة وموظفة وعصامية .. خرجت من هذا البيت سليمة ومتفوقة.

أسأل الله أن يحفظ عليك دينك وعقلك وجسدك وأن يوفقك لما فيه الخير والسلام

طيب دكتور هذا حلي مع المشكلة
وحل أخويا مع امي ومع معاصيه؟؟
يعني ايه اللي اقدر اعمله اصل هذا الحال هو حال كل افراد اسرتي ابتداء من امي ثم أختي ثم أخي
انا فعلا نفسيتي تعبانة جدا حتى لدرجة انني بمجرد ما اشوفه بحس برغبة بالبكاء وما بحبش اشوفه خالص
مع العلم انني ما بكلموش نهائيا