السلام عليكم
الحقيقة بحثت بالمنتدى عن مشاركات بخصوص الحياكة أو الكروشيه crochet
ما لقيت مشاركات فقلت خل ابدأ انا بهذه المواقع اللي فيها طرق مجانية لحياكة بعض الاشياء مثل

هذه طرقة لحياكة جاكيت وقبعة لطفلك
http://www.coatsandclark.com/body_lw1263.htm



وهذه محفظة حلوة وبسيطة
http://www.homestead.com/hookingit/roseleafpat.html

وانتظر اضافتكم

اختي الكريمة :
الرجاء عدم وضع مواقع تحتوي على صور نساء ..

يعني محد رد علي

الحقيقة انا منتظرة رد وحدة من الاخوات الخبيرات بالكروشيه وتدلني على موقع لعمل شنط كروشيه لاني ودي اسوي شنطة كروشيه حق الجوال

حياك الله اختي ...

ان شاء الله الاخوات يساعدونك ..

جربي اجري بحث في الركن يمكن تجدي ..مواضيع بهذا الخصوص.

اختي العزيزه اميره......
شوفي الموضوع هنا ......راح يفيدك كثير.......انشاء الله....

كود:

http://lakii.com/vb/showthread.php?threadid=40705&highlight=%DF%D1%E6%D4%ED%E5

اختي اميره ..
اجريت بحث لقيت مواقع كثيرة بخصوص الكورشيه ..يعني ممكن تختارين الموقع اللي يناسبك

شوفي الصورة هذي لشنط صغيرة تنفع حق الجوال :


-------

شكرا على مساعدتك يا أخت شمالية غربية وبالنسبة لمشرفات الموقع انا اللي وضعته صورة امرأة لابسة جاكيت وكان قصدي الجاكيت وليست المرأة ما أقصد جدا اللي فهمتوه

لاشكر على واجب اختي :

وقصدك مفهوم اختي اميره ..من وضع الصورة , لكن الافضل عدم وضع صور نساء الاان كان

بامكانك طمس الوجه ..كما نفعل دائما ..

حفظك الله ورعاك

حصل خيران شاء الله

السلام عليكم
الله يجزاك خير أختي أميرة على الموقع صراحة فادني كثير
بالنسبة لشنط الجوال سهلة وتصليحها بالكروشية مرة ممتع
أنا سويت كذا شنطة بدون اتباع باترون وطلعت مرة حلوة
الطريقة:
أولا اعملي سلسلة بالطول اللي تبين وحطي ببالك إنه طول هذه السلسلة
راح يكون هو قاعدة الشنطة
بعدين لفي واعملي سطر فوق السلسلة بالغرزة العادية على كل فراغ
الغرزة هذي هي اللي يسمونها بالإنجليزي
single crochet
أنا بصراحة ما أعرف أسماء الغرز بالعربي لأني ما لقيت موقع عربي يعلم الكروشية
المهم إذا وصلتي للنهاية لفي على تحت وسوي سطر ثاني على نفس السلسة الأولي اللي
سويتي بحيث تدورين ولا ترجعين على السطر الجديد لكن تكملين السطر اللي بديتيه من
الجهه الثانية للسلسة
وهكذا تدورين ومع كل سطر تلاحظين إن الشنطة تكبر ويطلع بالأخير شكلها
مستطيل مثل اللي بالصورة اللي حاطتها شمالية غربية
عاد أنتي ممكن تبدعين بالألوان والغرز
ما أدري إن كان شرحي واضح لكن ما عندي صور وأي سؤال أنا جاهزة