مرحبا حبايبي من فترة عملت جاكيت تريكو مع قبعة للاسف لما اشتريت الخيط وعجبني طلع رفيع والغرزة يلي كنت بدي اعتمدها للعمل بدها خيط سميك وما ناسبت الخيط يلي اشتريتوا
لذلك بحثت عن غرزة تكون مناسبة وصرت اختار من كل جاكيت غرزة ههههه حتى لقيت باترون تقريبا بناسب الغرز يلي اخترتها مع تغيير بسيط بالغرزة اني عملت بوسط المعين او بسموها غرزة اران حبة الفيشارة والحمد لله طلعت حلوة اكتر
اولا حشرح القسم الايمن عملتوا 44 غرزة لكل قسم ورسمة الصدر عبارة عن عش النحل والمعين وحبة الرزة
طبعا بالاول حنشتغل كمر الصدر 44 غرزة ونعملوا غرزة مقلوب وغرزة عدلة لنهاية الدور ونشتغل 10 ادوار
عند الانتهاء من الكمر منقسم الغرز كلاتي
8 غرز منشتغلهم 1 مقلوب و1 عدل ثم 7 غرز مقلوب و4 غرز عدلة ثم 7 غرز مقلوب ثم 12 غرزة عدلة ثم كمر الصدر 6 غرز منشتغلهم 1 مقلوب وواحدة عدلة
طبعا الادوار الخلفية حسب الغرز العدل عدل والمقلوب مقلوب
الدور الامامي 8 غرز نبدا بعدلة ثم مقلوب( منشتغل عكس الغرز يعني المقلوب عدل والعدل مقلوب )
ثم 7 غرز مقلوب هلا منعمل بالاربع غرز العدلة جدلة امامية حتى نفتح المعين نضع 2 غرزة على الدبوس امام الشغل ونشتغل 2 غرزة عدلة ونرجع
نشتغل الغرز التي على الدبوس غرزة عدلة ثم 7 غرز مقلوب ثم نعمل ال 12 غرزة العدلة الباقيين قرص النحل كلاتي
هي عبارة عن جدلات من 4 غرز لما بدنا نفتح الغرزة نبتدي بجدلة امامية ومرة جدلة خلفية ولما بدنا نغلقها منبتدي بجدلة خلفية ثم امامية
هلا بدنا نفتح الغرزة منعمل جدلة امامية شرحتها بالاول والجدلة الخلفية نضع 2 غرزة خلف الشغل ونشتغل 2 غرزة عدلة ثم منرجع ونشتغل الغرز التي على الدبوس غرزة عدلة
ونكمل نفس الشغل حتى تنتهر ال12 غرزة ثم نفتح عروة نشتغل اول غرزة ثم 2 غرزة مع بعض ثم لفة ونكمل الغرز بالدور الخلفي منشتغل اللفة غرزة مقلوب
وكل 10 ادوار منفتح عروة
وهيدي صور لطريقة الجدلة الامامية والخلفية
الدور التالي بهيدا الدور حنفتح المعين وذلك بادخال غرز مقلوب الى داخل المعين والشرح كلاتي
طبعا نبدا ب8 غرز حبة الرزة ثم 6 غرز مقلوب والغرزة السابعة المقلوبة نضعها على الدبوس خلف الشغل ونشتغل 2 غرزة عدلة ونرجع الخيط للامام ونشتغل الغرزة التي على
الدبوس غرزة مقلوبة ثم نضع على الدبوس 2 غرزة امام الشغل ونشتغل غرزة مقلوبة ونرجع الخيط للخلف وننرجع نشتغل الغرز التي هلى الدبوس غرزة عدلة ثم نرجع الخيط
للامام ونشتغل 6 غرز مقلوبة ثم 12 غرزة عدلة ثم 6 غرز كمر الصدر واحدة مقلوب وواحدة عدل
الدور التالي 8 غرز حبة الرزة ثم 5 غرز مقلوب والغرزة السادسة نضعها على الدبوس خلف الشغل ونشتغل 2 غرزة عدلة ثم منرجع ونشتغل الغرز التي على الدبوس غرزة مقلوب
ثم نضع على الدبوس 2 غرزة عدلة ومنشتغل غرزة مقلوب ومنرجع نشتغل الغرز التي على الدبوس غرزة عدلة ثم 5 غرز مقلوب ثم منقفل غرزة قرص النحل بعكس الجدلات
منبتدي بجدلة خلفية ثم امامية الى انتهاء ال12 غرزة ثم كمر الصدر ومنكرر نفس الشغل حتى يبقى معنا 2 غرزة مقلوب خارج المعين وداخل المعين بصير معنا 10 غرز مقلوب
الدور الامامي منشتغل حبة الرزة ثم 2 غرزة مقلوب ثم 2 غرزة عدلة ثم 5 مقلوب وبالغرزة السادسة وبنفس الغرزة منشتغل 5 غرز واحدة عدلة ثم لفة ثم عدلة ثم لفة ثم منلف الشغل
ومنشتغلهم مقلوب منلف الشغل منشتغل اول غرزة عدلة ثم 2 غرزة مع بعض عدلة ثم 2 غرزة مع بعض بيفضل 3 غرز منرفع الثانية فوق الثالثة والاولى فوق الثانية
بيفضل غرزة واحدة ثم 4 غرز مقلوب ثم 2 غرزة عدلة ثم 2 غرزة مقلوب ومنجدل قرص النحل بعكس الجدلات يلي قبلهم ثم كمر الصدر
يتبع
الروابط المفضلة