السلام عليكم ورحمه الله
حبايبي الحمد لله ربنا انعم علي بحفيده جميله ولي فتره مشغوله باحضر لها جهازها
وطبعا صورته علشان اجيبه لاغلي الاحباب
بس معلش مصوراه بكاميرا موبايل فسامحوني علي التصوير الردئ
بس ايه هوووسه والله صاحباتها اتجننوا عليه ههههههه
نبدأ باسم الله
بس قولوا ماشاء الله
دي بطانيه تريكو وحدات ومتشبكه --هي سهله بس حيرتني شويه في التشبيك وكنت عايزه ابطنها بس طلعت كبيره وثقيله شويه
بخيط اليزا قطن ولونين واحد مموج وواحد ساده والحرف كروشيه بلون افتح شويه
لون حرف البطانيه عملت منه الطقم ده بس طلع تحفه في اللبس وله بانتي موصول بيه وعملت البانتي مفتوح من تحت بكباسين علشان سهوله تغيير البامبرز والذي منه ----هو تفصيله بارباتوز وعليه كورنيش
ودي برنسيس ليلي وهي لابساه
عملت جاكيت تريكو والجاكيت من الخيط المموج
هنا البرنسيسه مستعمله الطقم كله ههههه
وده فستان من اللون الساده في البطانيه بس طلع كبير شويه يعني 6شهور كده
ده بقي فستان تحفه --هو القصد يكون فستان بس طلع صغير ههههه
تصوروا فستان صغير علي بيبي لسه عمر ايام ---طبعا تيته كانت بتعمل لعروسه صغنونه00باربي يعني
لا هو حسب الخيط والخيط ده رفيع (مصر البيضا)يعني ممكن بتغيير سمك الخيط المقاس يتغير
ودي اميرتي الصغيره وهي لابساه --
الروابط المفضلة