السلام عليكم ورحمة الله
بسم الله الرحمن الرحيم
اخواتي
كثير مكنم طلبوا مني شرح الفستان هنا
http://www.lakii.com/vb/a-80/a-758602/
وبما انة ما في باترون
رح اشرحة قدر المستطاع,,لاني مش رح اقدر اعملة ورشة..واعيد الشغل
هو سهل جدااا ومو معقد
البدايه رح تكون بالفستان
نشتغل هالباترون هذا ,,نفس النمط
الا ان المقاس يختلف حسب العمر انا عملتة اصغر بشوي
نعمل قطعه الصدر والظهر ثم نشبكهم
بعد ما اشتغلنا قطعة الاعلى
رح نشتغل للاسفل
الغرزة عبارة عن غرزة المروحة او 4 اعمدة بنفس الغرزة بينهم سلستين ثم غرزة بريد امامية
(اي انك تسحبي الخيط من امام العمود) ثم مروحة وهكذا تكرار حتى نهاية دوران الفستان
ونكرر الادوار,,,حتى تشتغلي 6 او 7 ادوار نزيد المروحة فتصبح 6 اعمدة بدل 4....عشان يتوسع الفستان
ونشتغل كمان 6 او 7 ادوار ..
لما نوصل للطول المناسب
نشتغل غرزة المروحة كما هي اما عمود الغرزة الامامية رح نعمل علية غرزة الاناناسة او شبها تماما
لاحظو الخط الاصفر المروحة ضلت للاخر اما العمود الامامية عملنا عليها 3 اعمدة والدور التالي زودنا الاعمدة الى5
والدور ال بعدية 7 ,,والدور ال بعدية 9,,,
الدور التالي نشتغل سلاسل وحشو نفس الاناناسة ,,,لاحظو الصورة
رح نعمل بين الاناناسة وغرزة المروحة سلسة من 6 غرز,,لان الاناناسة رح تبلش تصغر فلازم يكون سلسة بينهم
بالادوار الاخيرة بس..
وهذا ما اقصد بالاناناسة للي ما تعرف
الان الجاكيت
رح نبتدي بسلسة عرضها ما بين اكتاف البنت,,والبداية من الخط بالفوشيا
نشتغل 4 اعمدة بنفس الغرزة بينهم سلستين ,,الجاكيت هنا لعمر سنتين ,,,صار عندي 10 اعمدة(عرض القطعه)
نشتغل ونكرر الادوار,,حتى تصبح قطعه مربعه زي المربع الاصفر
نتوقف,,,عند النقطة بالاصفر
نشتغل سلسة من جوانب المربع وبنفس العرض,لاحظو الصورة,هنا حتكون فتحة الاكمام,,نشتغل اعمدة للاكمام
على محيط السلسة وجانب قطعه الظهر,,
بعدها رح نرجع نكمل من عند ما توقفنا ..نكمل غرزة المروحة ..وهالمرة دوران القطعه المربعه كلها
وبعد كم دور نزيد بغرز المروحة بدل 4 ,,6
وبالادوار الاخيرة نعمل بين كل مروحة سلستين,,
عشان اوضح فكرة عمل الاكمام شوفوا هالجاكيت من النت كمثال
انك تشتغلي الوسط وتعملي فتحة الاكمام ثم تشتغلي المحيط كلة
انا حاولت اشرح واي نقطة ما فهمتوهاا احكولي بس الكيبورد بين اديكم هههههههههه
معلش يا بنات انا بالشرح مش كثييييييير شطورة,,,
وباترونات ما عندي
وبانتظااااااااااار اي سؤال
الروابط المفضلة