بسم الله الرحمن الرحيم

اخواتي احييكم بتحية الاسلام

السلام عليكم ورحمة الله
*******************************
من غيوم جدة وبرقها ورعدها
لاحت علينا في الافق البعيد
ماسة متوهجة تضيء ركننا الغالي
وتبعث بريقها الاخاذ بدون ملل او كلل
*********************************

هذه الماسة الغالية على قلوبنا جميعا
اشتهرت بحبها واصالتها وبمساعدة الغير
هي كالفراشة تنتقل من زهرة الى زهرة
تحييهم بالكلمة الطيبة وتفرش جناحيها
لتقديم المساعدة حين السؤال
******************************
هذه هي ماستنا الثانية
الاخت الحبيبة ام قسمت
تعالوا نتعرف عليها عن قرب
*****************************
نستضيفها لمدة اسبوع معنا

حين بدات بسؤالها لمعرفة سيرتها الذاتية

كانت اجابتها كالاتي

كتبت بواسطة لبنانية بجدة
السلام عليكم

1 - ما اسمك؟
اسمي قسمت
2- كم عمرك؟"اختياري"
مابلاش نتكلم في الماضي هههههه
3-من اي بلد انت ؟
من مصر يعني مصريه
4- ما هو المستوى الدراسي اللي وصلت له؟
خريجه جامعه كليه الهندسه
5- كيف بدات بشغل الكروشية؟
تعلمته في المدرسه ورجعت له بعد مااتجوزت
6- ما هي الصعوبات اللي واجهتك اثناء العمل؟
ههههه عد الغرز لاني باسرح كتير وماباحبش افك ابدااااا
وكنت باحاول اداري الخطا
الا لو كان كبير اضطر اسفه اني افك الشغل
7 - اذكري موقف طريف حصل معك اول تعليمك للكروشيه؟
ماافتكرش اني حصل
معايا موقف مع الكروشيه(ده طيب وابن حلال)
حصل لي موقف مع التريكو وكنت لسه ماعملتش اي بلوفرات وشجعتني مرات اخويا ربنا يمسيها بالخير وعلمتني غرزه المراوح والريش
وعملت بلوفر لجوزي
وكل سطر اقول له قوم واقيس عليه الاقي الشغل زي ماهو وكنت حااموت من الزهق والغرزه تكبر معايا وتضيق لاني مش ظابطه عدد الغرز
بس الغريب اني كملته وقفلته (شوفوا الاصرار)ههههه
وطبعا مااتلبسش خاااالص هههههه

هذه اسئلتي واجوبتها
جزاها الله كل خير لقبولها الدعوة

اذكر احبتي ان الاخت ام قسمت بارعة باعمال الكروشية والتريكو
فالاسئلة ممكن تحتوي على العملين معا

نراكم على خير

ماشاء الله ماسه والكل يشهد

موضوع رائع

هنا اعرف اسأل اما قبل في الموضوع الأسئله لي

ههههههههههههههههههههه

ماشاء الله انتي بارعه في الكروشية والتريكو

اكثر غرزة تحبي تعمليها ؟؟؟

اول اختراعات عملتيها عشان يطلع عمل مضبوط ؟

تفكري تفتحي دوره للتريكو ؟؟ وبكون من المسجلين فيها ؟ ماتوقع توافقي لاني ادخل المستوى الأول وبعدها اطلع هههههههههههههههه

اي شي تفضليه التريكو او الكروشية ؟؟

اكثر عمل مقرب الج وبتشوفيه كل وقت وماتملي منه ؟؟

موقف حصل الج ايام الدراسه ومستحيل تنسيه ؟؟؟

اكثر غرزة تكرهيها وماتفكري تعمليها ؟؟؟

لي عوده بتكملة الاسئلة

السلام عليكم ورحمه الله وبركاته

بجد يالبنانيه ياغاليه مش عارفه اشكرك ازاي

لان الموضوع ده عجبني جدا اول مافتحتيه وفرحت قوي لما اختارتني العسل جبال الثلج لاكون الماسه التاليه لها

انا مستعده للاجابه علي اسئله كل البنات حبيباتي

بس ارجو استعمال الرأفه ههههههه

[CENTER]

امي الحبيبه لازم تكون اجمل ماسه
شوفو انا اعرف ان مفيش عطاء اكبر ولا اجمل من عطاء الام لاولادها
لكن لما الام يفوق عطائها عطاء الابناء ويبقي عطاء لاي حد يطلبها او تحس انها تقدر تعمله حاجه
ده يبقي اكيد شخص غير عادي
الالماس هوه ارقي الاحجار ولكن امي قسومتي حبيبتي الماس يغير منها من قيمتها وغلوتها عندنا
الماسه ممكن تبعيها في يوم من الايام وممكن تستبدليها باحجار تانيه تقوكن قريبه لقلبك او حاسه انها احلي
لكن ماما قسمت مينفعش استبدلها باي حد او اي حاجه ف الدنيا
انا معنديش اسئله
بس دي فرصه اقول الست دي امي بعشقهااااااااااااااااا اتمني لو كنا من نفس المدينه
كنت لزقت فيها لازقه انجليزي وطبعا هيه كان زمنها زهقت مني ههههههه
بس حقيقي انا بحبط يا ماما حب خالي من اي شائبه وانا عارفه اني بنتك المتعبه الشقيه
الي ياما استحملتيني وبالرغم من كده محرمتنيش من عطفك ولا من تشجيعك ليه
مهما كتبت او قلت مش حوفيكي حقك
بس لو حسيت ان في حاجه ف معاميقي حبقي اجي اطلعها هنا

اجمل اختيار انا معنديش اسئلة ولكن دعواتى بالتوفيق يااغلى واعز اخت

كتبت بواسطة جبال الثلج

ماشاء الله ماسه والكل يشهد

موضوع رائع

هنا اعرف اسأل اما قبل في الموضوع الأسئله لي

ههههههههههههههههههههه

ماشاء الله انتي بارعه في الكروشية والتريكو

اكثر غرزة تحبي تعمليها ؟؟؟

1- اكتر غرزه باحب اعملها في التريكو الضفيره لانها سهله والشغل بيها ممتع وبيكبر بسرعه
في الكروشيه مش حاتصدقي لو قلت لك الاناناسه بكل اشكالها سهله وسريعه وبتدي شكل جميل لما تخلص (باقول مش حاتصدقي لانها صعبه علي بنات كتير او ثقيله حبتين)

اول اختراعات عملتيها عشان يطلع عمل مضبوط ؟

2-هههههه مش فاكره بس فاكره كنت باعمل تايير لاميره بنتي وهي صغيره وفكرت اعمل الجيبه تاي باس(يعني قصه نازله عن الوسط) وفكرت بقي اني اعمل التايباس ده درجات زي السلم من الناحيتين هههههه
وطلعت تحفه ومظبوطه جدا

تفكري تفتحي دوره للتريكو ؟؟ وبكون من المسجلين فيها ؟ ماتوقع توافقي لاني ادخل المستوى الأول وبعدها اطلع هههههههههههههههه

باذن الله وحااجدد فيها وانتي باذن الله حااقبض عليكي واحجزك فيها بالقوه هههههههه

اي شي تفضليه التريكو او الكروشية ؟؟

بصراحه وماحدش يزعل ------- انا باحب التريكو اكتر

اكثر عمل مقرب الج وبتشوفيه كل وقت وماتملي منه ؟؟

بصي هو بلوزه كنت باتحدي بيها نفسي واشتغلتها جاكار فيها ورد وكانت بابر رفيعه
بس طلعت حلوه قوي
هي طبعا في الدولاب بس كل ماافتحه اشوفها متعلقه فيه احس بالفخر

موقف حصل الج ايام الدراسه ومستحيل تنسيه ؟؟؟

موقف ايه يعني حددي اجتماعي ولا دراسي هههه

اكثر غرزة تكرهيها وماتفكري تعمليها ؟؟؟

لا مافيش
لاني باعتبر كل غرزه تحدي لقدراتي ههههه(مغروره ام قسمت )لا والله بس انا باحب احل الفوازير وباعتبر كل غرزه زي الفزوره واحب قوي اقعد افكر فيها لغايه مااعرف بتتعمل ازاي

لي عوده بتكملة الاسئلة

مستنيااااااكي

تسلمي لي ياجبولتي يااغلي الحبايب

شكرا جبال على الاسئلة الرائعة
والشكر موصول لام قسمت
بارك الله بكم

فراولة حبيبتي خليتيني اشعر انها ام قسمت مامتك بجد

كلامك زي العسل وانت عسل

شكرا لك