بسم الله الرحمن الرحيم

اخواتي انا عايزه اعرف ايهم اسهل الكروشيه ولا التريكو
بصراحه لاني بشوف البنات بس كروشيه فحسيت ان التريكو صعب مش حاقول
كتير ولكن متوسط حتي ابقي في المنتصف وبعيده عن التعصب
فانا كل مابدور علي حاجه في التريكو بأجد صعوبه علي ما بال مأجده
ولكن ربنا يجزاء البنات في منتدي لك كل خير اللي بيساعدوني في الحاجه اللي انا عيزها

وين ريحن ماتنسوش سؤالي يااخواتي

اهلا بيكى اختى صافره
اولا اللى يتعلم الكروشيه الاول بيكون سهل
وايضا اللى يتعلم التريكو بيكون بالنسبه له سهل
انا الاول كنت بحب التريكو وبعد ذلك عندما تعمقت
فى الكروشيه اهملت التريكو
لكن الكروشيه فيه اشغال كتيره وسريعه
وعموما طالما بتحبى التريكو لما حتركزى عليه
حتلاقى نفسك بتحبيه اكتر من الكروشيه

عزيزتي صافرة
انا من محبي التريكو وشغلي ايضا تريكو
فقولي طلبكي ونحنو مستعدون لتلبيت طلباتكي
من الالف الى الياء انا ومجموعة ( التريكو وبس )

للعلم التريكو ارقى وانعم بالاخص للاطفال ولاكن يبيلة طولة بال نعم الكروشية اسرع واوسع كل هذا يرجع وما يهوا القلب انا اعشق التريكو واحب الكورشية

غالية والطلب رخيص

كلهم سهلين

لكن انا احس انه الكروشيه يبان معاك الشغل بسرعه

وكمان اشكاله حلوه

اهلا بيكى فى الركن والمنتدى كله

اولا مش موضوع ايهما الاسهل

لكن الموضوع ايهما احب الى قلبى والاسراع الى دخوله

حكلمك عن نفسى

انا اتعملت الكروشيه واتقنته والحمد لله رغم ان امى من محترفات التريكو

و بعد كده اتعلمت التريكو عن طريق النت وعرفت فيه حاجات كتير ولسه باتعلم

المهم بقى انتى بتنجزى فى اى واحد فيهم

انا لاقيت نفسى بانجز فى الكروشيه

حبيبتى اتعلمى وانتى من نفسك ومن غير حد ما يقولك حتروحى اللى ترتاحى فيه ومعاه

موفقه يارب

اهلا بيكى حبيبتى فى منتداكى وبين أهلك واخواتك
والحقيقة زى ما قالوا الاخوات
انه الاتينن تعليمهم سهل والاتنين تقدرى تعملى منهم حاجات كتير وحلوة
بس هى الفكرة فى الميول

وزى ما قالتلك حبيبة اتعلمى الاتنين وبعدين اتى قررى هتكملى أكتر فى ايه

وعلى فكرة مش بالضرورة انك تتخصصى فى حاجة منهم والتانية لأ
ما هو ممكن تكونى مبدعة فى الاتنين

يعنى مثلاً همس الأمانى خبيرة كروشيه من الطرراز الأول لكن برضه بتشتغل تريكو حلو أوى برضه بس هى مقلة

ومن ناحية تانية مثلاً السيدة فاطمة خبيرة تريكو ومتميزة جدا فيه وبرضه بتشتغل كروشيه حلو أوى

ومش عايزة أقولك باة ست الكل أم قسمت سوبر ستار فى الاتنين
على فكرة كل دول عضوات فى المنتدى

وبالنسبة للتريكو
زى ما قالتلك السيدة فاطمة المجموعة كلها تحت أمرك وعلى استعدادا للمساعدة فى أى حاجة

اهلا بيكى مرة تانية

بصي يا جميل
الاتنين سهلين جدا
بس انتي شوفي بتحبي ايه واتعليميه و اشتغليه
وبعدين بعد كلام السيدة فاطمة وحبيبة امها ورونا انا مقدرش اتكلم خااااااالص
ولو احتجتي اي مساعدة في التريكو او الكروشيه بنات المنتدي كله هيساعدوكي
بالتوفيق وان شاء الله نشوف من تحت ايديكي احلي شغل

ما شاء الله على بنات المنتدى ما قصروا بالتوفيق

انا حبيبتي ما عندي كلام اضيفه لك بعد كلام البنات مشاء الله عليهم كفوا ووفوا
هذا منتدانا الغالي علينا التي يجتمعون على الالفه و التعاون بينهم والحمد لله
كل العضوات الله يسعدهم لا يتاخرون للمساعدة الاخرين
ربي يجعله في ميزان حسناتهم

انا احب التريكو و عملت البسة كثيرة منهلزوجي و لولادي الذكور و اعشق الكروشي و عملت منه البسة كثيرة لي مثل الكولات و ولبنتي و اشياء خاصة بالاطفال لان الكروشي يستعمل اكثر للاطفال و للنساء عموما بعكس الثريكو نرام دائما او غالبا للذكور و كلاهما فن راقي
فعليك بالاثنين ان استطعتي
لا اله الا الله سيدنا محمد رسول الله