رابطة شعر بالخطوات يا ريت تشرفونى *********

**ميس فلة** · 03-10-2010, 11:42 AM

بسم الله الرحمن الرحيم

النهارده هنعمل رابطة شعر هنتعلم منها غرزتين جداد ايه رأيكم نبدأ
دية الصورة

ودية الغرزة من قريب
تابعوا الشرح معاى

**shoshw** · 03-10-2010, 11:49 AM

حلوة قوى ومستنين الشرح

**ميس فلة** · 03-10-2010, 11:51 AM

ده الخيط اللى استخدمته

البداية هنعمل الاساس
وهنا ليكى الحرية فى الاختيار انك تعمليه سلاسل وبعدين تعملى عليها نص عموايد
او تعملى عموايد بدون سلاسل ودية الطريقة

البداية تعملى 2س

وتاخدى لفة على الابرة وتدخلى فى السلسلة التانية من الابرة وتسحبى الخيط

وبعدين هتاخدى لفة كمان على الابرة وتسحبيها فى لفة و بعدين
تاخدى لفة كمان وتسحبيها فى اللفات الاخرى وهتبقى الغرزة بالشكل ده

هتلاحظى ان موجود لفتين على جانب الغرزة هتدخلى منهم الابرة وتسحبى الخيط مع ملاحظة انك كنتى واخدة لفة على الابرة قبل نا تدخلى فى اللفتين وتكملى

بانك تاخدى لفة على الابرة وتسحبيها من لفة واحدة على الابرة وكمان لفة وتسحبيها من اللفات الاخرى على الابرة

هتعملى عدد الغرز اللى يريحك ودية النتيجة

تابعى معاى الشرح

**ميس فلة** · 03-10-2010, 11:59 AM

لما نكمل السطر الاول هيكون شكلها من فوق عادى
زى العمود بيقى هنال 2 لوب زى كده
ولوب فى ضهر الشغل لما تقلبيه

وده اللى هنشتغل فيه علشان ندفع الاتنين لوب اللى فوق السطر لبره

هتاخدى لفة على الابرة وتدخلى بيها من اللوب ده وتسحبى الخيط هيبقى عندك على الابرة 3لفات هتاخدى لفة كمان وتسحبيها فيهم كلها يعنى نص عمود عازى وتكملى للاخر
بس الغرزة الاخيرة بيعمليها مختلفة شوية
بدل ما بتاخدى الخيط من ال3 لفات بتاخدى الخيط من لفة وبعدين تسحبيه من الباقى
وده الشكل

ولو شفنا الشغل من ورا هيكون شكل كده

لاحظى انه حصل تكوين لحافة من اندفاع اللوبين للامام
هتكملى للطول المناسب علشان يدينا شكل ده

تابعى

**ميس فلة** · 03-10-2010, 12:03 PM

هنبدا بعد ما خلصتى عدد السطر المناسب ليكى بتبدأى بالخياطة

هتحطى الطرفين قبال بعض
وهتدخلى الابرة من اللوب اللى ورا لجهة مع اللوبين اللى فوق من الجهة الاخرى
علشان يدينا الحافة

علشان لما نقلبها نشوف الشكل ده

وبعدين اما تسبيها كده او تكملى
بانك تعملى سطر حشو عليها بلون مخالف

وتبقى بالشكل ده

**ميس فلة** · 03-10-2010, 12:05 PM

ممكن تعملى وردة وتزيينيها بلولو وبعدين تلصقيها او تخيطيها على البندانة

وفى الاخر بتبقى كده

يا رب تعجبكم
مستنية النقد والاستفسارات بتاعتكم وان شاء الله لو فى سؤال ارد عليكم

**ميس فلة** · 03-10-2010, 12:07 PM

كتبت بواسطة shoshw

حلوة قوى ومستنين الشرح

شكرا يا قمر
يا رب تكونى شفتى الشرح وفهمتيه

**فطامي** · 03-10-2010, 12:39 PM

شكرا عزيزتي...

حاولت التطبيق ولكني لم أفهم الخطوات الأولى

ممكن توضحيها؟

**ميس فلة** · 03-10-2010, 12:43 PM

ممكن توضحى انه خطوة بالضبط
وان شاء الله لما ارجع من الكلية اشرحها ليكى

**ساره الاعظمي** · 03-10-2010, 12:45 PM

روووعه اموله الربطه عاشت ايديك ياارب

والورده والالوان حلوووين

بالعافيه عليك ياقمر

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: رابطة شعر بالخطوات يا ريت تشرفونى *********

أدوات الموضوع

العرض