كتبت بواسطة
صافره
السلام عليكم ورحمه الله وبركاته
حبيباتي بعد غيبه طويله أقولكم كل عام وانتم بخير
وعند استفسار بسيط عن التريكو
هو لازم بيكون شكل الغرزه واحد من الامام والخلف أوبيكون مبين من ناحيه
والتانيه لابيكون شكلها عادي
ارجو منكم سعه البال وتحمل الاسئله لأني بقد مبتدئه ومش عارفه
محبه لكم تنتظر الرد
أهلا بيكى حبيبتى صافرة
يسعدنى ويشرفنى أكون أول واحدة ترد عليكى
والرد على سؤالك يا حبيبتى
مش بالضرورة يكون شكل الغرزة واحد من الجهتين
ده بيتوقف على نوع الغرزة نفسها
يعنى مثلاً غرزة زى العدلة والرزة
شكلها من الأمام زى من الخلف
أما غرزة زى الجيرسيه مثلاً (اللى هيا سطر كله عدل، والسطر التانى كله مقلوب) دى بيكون شكلها من الأمام مختلف عن الخلف
يعنى كل حسب نوع الغرزة
وإن شاء الله أبقى أنزل لك صور توضح الحكاية دى
بس أدينى فرصة أرفعها على النت
ان شاء الله أكون أفدتك
ولا تتحرجى أبداً من انك تسألى أى أسئلة
احنا كلنا تحت أمرك
الروابط المفضلة