حبيباتى الغاليات
اعضاء مجموعة "تريكو وبس" الغاليات
وكل محبات التريكو فى منتدانا الجميل
ازيكم كلكم
وحشتونى كتيييييييييييييييييييييير خالص
طبعا انتم عارفين أد إيه انا باحب التريكو
وان انا طول الوقت بالف وادور فى المنتدى على مواضيع تخص التريكو
عشان اضمها للموسوعة
وبعدين كدة وانا قاعدة امبارح
خير اللهم اجلعله خير
عبقرت كعادتى دائما
ههههههههههههه
حاجة كدة خلتنى على غير العادة
قلت لما ادخل ركن الكنوز
ادور فيه على موضوعات التريكو
يمكن يكون التدوير اسهل
المهم عشان ما اطولش عليكم
قولوا طولى
خخخخخخخخخخخخخخخخخ
قعدت اقلب كدة فى المواضيع
لقيت ان فيه مواضيع تخص التريكو
طبعا مش عايزة اقولكم اد ايه انا فرحت
وقلت حلو آخد منهم موضوعات اضمها للموسوعة بتاعتنا
وبعدين نزلت كدة شوية
لقيت فى جزء كدة خاص بعنوان "حصاد مجموعة زهرات الكروشيه"
قلت يا بختهم
وبعدين نزلت كمان كدة
لقيت المفاجأة !!!!!!!!!
لقيت حاجة مش هتصدقوا
انا شخصيا اتفاجأت لما شفتها
وبصراحة مش قادرة اقولكم أد ايه انا فرحت
بصراحة كلمة فرحت دى قليلة
الصراحة انا انشكحت
الغالية/ لك قلبى منزلة فى مشاركة كدة بعنوان ............
متهيألى انكم خمنتم صح
ايوة يا بنات صدقوا
اخيرا
"حصاد مجموعة تريكو وبس"
لكم ان تتخيلوا حجم السعادة اللى انا حسيت بيها
واللى انا متاكدة انها سرت بينكم كلكم دلوقتى
هو أينعم الحصاد ده بيضم 3 مواضيع بس وهى
دوره تريكو(3)--المستوي الاول
شرح الباترون المرسوم "تريكو وبس"
ورشة شراباتك ياتريكو(تريكو وبس)
مش عايزة اقولكم انا فرحت اد ايه اصبح لينا صدى يا بنات فى المنتدى الحمد لله والشكر لله دى البداية وان شاء الله مع الوقت الجزء ده هيزيد وهيزيد بفضل مجهودنا ومثابرتنا جميعا ان شاء الله
انا شكرت لك قلبى على الخاص وكمان كان ممكن اقولكم الخبر ده فى المجموعة بس الحقيقة انا حبيت انه يشاركونا كل اخواتنا فى المنتدى فرحتنا الكبيرة باول تواجد حقيقى لنا فى المنتدى وكمان عشان نعبر عن شكرنا لـ لك قلبى برضه على الملأ
يلا يا حلوات على بركة الله
ربنا يوفقنا وينولنا ما نتمنى باذن الله احبكم جميعا فى الله
الروابط المفضلة