حبيباتى عضوات الرابطة الكرام انا هنا مستنياكم ما تتاخروش عليا
حبيباتى الغاليات
مساء الخير والورد والفل والياسمين
وكل الحاجات الحلوة اللى فى الدنيا
اولاً وقبل اى حاجة حابة انى ارحب بكل الاخوات الغاليات اللى شرفونى واستجابوا لدعوتى المتواضعة وانضموا للرابطة
واللى اتمنى من كل قلبى انها تحقق لكل واحدة فينا هدفها من الانضمام
وتكون مجال لتعاون مثمر بناء فى مجال التريكو
طبعا اسمحولى ارحب بيكم واحدة واحدة
بسم الله ما شاء الله احنا دلوقتى 24 زهرة جميلة فى عالم التريكو
(الترحيب باسبقية الانضمام هههههههههههههههه)
Kamba 2009 أم قسمت أم نونة وبودى
السيدة فاطمة Eman Abaza GIGI 2000
D HEBA Jewel جوهرة القصر1
نجمة 2 توتو 2005 جيكو
الجوراء الانسية hmedo mekkaouinana
بيسان فلسطين moly moly om mazin
الصدق منوالى روتانا مصر Nonna. Conan
Zobatafa مدام ايمان
بالاضافة الى شخصى المتواضع
طبعا انا قصدت من ذكر الاسماء بالاضافة الى الترحيب بيكم اننا كلنا نعرف بعض فى الرابطة
وطبعا الدعوة عامة ومفتوحة دائما لجميع عضوات المنتدى الحاليات واللاحقات
دلوقتى وبرضه وقبل الدخول فى برنامج العمل المقترح
الاخت لك قلبى وهى احدى مشرفات منتدانا الغالى قالت ان الحوارات بس مكانها مش فى الركن واننا الافضل يكون لنا مجموعة نتواصل من خلالها ويكون الركن مخصص لعرض الورش والحاجات اللى ليها علاقة بحتة بالتريكو
وانا عشان احنا مش عايزين حد يزعل مننا واحتراما مننا لقوانين منتدانا الغالى عملت مجموعة باسم
"تريكو وبس"
الرابط بتاعها هو
http://www.lakii.com/vb/group.php?groupid=308
عشان نتواصل من خلالها براحتنا
وفعلا بعض الحبيبات استجابوا وانضموا للعضوية وهن:
Hmedo (والحقيقة انها صاحبة اقتراح عمل المجموعة من قبل الاخت لك قلبى حتى ما تقولنا ان ده مخالف)
باوجه لها الشكر بالاضافة الى كل من:
السيدة/ فاطمة – jewel - - D HEBA الحوراء الانسية –
ام قسمت
آه وطبعا الاخت أمونة (لك قلبى) كمان شرفتنا بالانضمام للمجموعة بس الحقيقة انا مش عارفة هل انضمامها بحكم عملها كمشرفة لمتابعة المواضيع
ولاّ رغبة منها فى المشاركة معانا فى تعلم التريكو لانها زى ما هى قالت عن نفسها قبل كدة انها كروشيهاتية بحتة
عموما احنا بنرحب بيها بيننا بغض النظر عن الهدف من انضمامها للمجموعة
فانا عايزة من حضراتكم نتناقش من ضمن النقط اللى احنا هناقشها فى كيفية التنسيق بين المجوعة والركن
آسفة طولت عليكم بس حسيت ان دى مقدمة لا بد منها
دلوقت هاقولكم تصورى المتواضع للمحاور الرئيسية اللى ممكن نتناولها من خلال الرابطة والمجموعة
اول محور وهو: "من البداية الى الاحتراف"
وفيه هيكون التركيز على تعليم المهارات الاساسية لشغل التريكو من بداية مسك الابر ووضع الخيط على الابرة لغاية اصعب واعقد حاجة
واعتقد ان حجر الاساس فى المحور ده هيكون
دورة التريكو للغالية/ ام قسمت بمستوياتها الثلاثة.
والدورة المصغرة للاخت/ ايمان على
بالاضافة
الى ما تسفر عنه عملية التنقيب خلال المنتدى
…………..
المحور الثانى:
"سؤال وجواب"
وهنا هيكون مخصص للرد على اسئلة العضوات الجميلات بخصوص اى حاجة تخص التريكو
وطبعا هنجتهد كلنا فى الرد على كل الاسئلة بعون الله
................
المحور الثالث:
"من تجاربى"
وهنا هننقل لبعض خبراتنا المتميزة فى عالم التريكو
يعنى مثلا طريقة بداية مبتكرة، تقفيل شغل حلو ما يبانش ............ الخ
....................
المحور الرابع:
وانا باة سميته "طوف وشوف"
وهنا باة هيكون نافذتنا على المنتديات الاخرى وكل المواقع اللى ممكن تكون بتتكلم عن التريكو
عشان نجيب منه افكار، باترونات، غرز ........... الخ
وطبعا ان شاء الله هنراعى الامانة العلمية فى النقل
......................
المحور الخامس:
وده بأة خاص بـ "الموسوعة"
وفيه ان شاء الله هنكمل على الجزء اللى انا ابتديته بمعنى ان كل شغلنا ان شاء الله هنحط الروابط الخاصة بيه عشان يكون مرجع سهل للوصول الى موضوعات التريكو من خلال المنتدى.
وان شاء الله نقترح باسمنا كلنا ان الموضوع يتثبت زى الموضوع الخاص بكنوز الكروشيه
.....................
وطبعا المحور الاساسى والاخير
وهو اللى هيكون من خلاله الهدف الاساسى من الرابطة بتاعتنا – واللى هو الاساس فى عمل الرابطة
وهو هيكون خاص بالورش اللى انشاء الله هننفذها واللى اتوقع ان شاء الله انها هتكون كتييييييييييييييييييييير وممتعة ومثمرة لنا كلنا يا رب
واللى من خلالها هيكون الابداع كله
...................
دى المحاور اللى انا فكرت فيها
وطبعا مستنية اقتراحاتكم وتعديلاتكم
ومرحبا بيكم مرة ثانية
فى انتظار تعليقاتكم
رد مع الاستدلال
الروابط المفضلة