السلام عليكم
تجربتي ...حبيت اشارككم بيها ..
من زمان و اني احب شغل الكروشيه و كنت اعرف اسوي فقط غرزة السلسلة اللي هية ابسط شي بشغل الكروشيه و كنت دائما ادخل على منتديات الاشغال اليدوية في الانترنت و حتى كنت انزل مواضيع صور مفارش و اشغال كروشيه و باتروناتها لبقية العضوات ..
المهم دورت بالانترنت على طرق لتعلم الكروشيه و لقيت صور بس ما استفاديت منها كلش يعني اعطتني فكرة بس ما تعلمت منها ...بعدين دورت على فيديو لتعلم الكروشيه و لقيت على اليوتيوب مجموعة فيديوات تعلم الشغل من الصفر نزلتها و بديت اتعلم الغرزات و اطبقها ...وسويت هذا.. مفرش طاولة بسيط في هذه الصورة اللي هوة تقريباً اول اعمالي و من دون باترون ..
.صحيح الشغل مو مضبوط في اماكن الخيط راخي واماكن الخيط مشدود و الخيط ما كان من النوع الجيد ...مو مهم... المهم ... اني تعلمت الاساسيات و الباقي يجي بالخبرة.. انا فرحانة جدا ...و فخورة بنفسي لأن تعلمت وحدي
و الخطوة القادمة ..اتعلم قراءة الباترونات و ان شاء الله اعمل شي على الباترون ..وانتو اكيد اول من يشوفه ...
قولولي ..شنو رأيكم بشغلي ؟....اريد تشجيعكم حتى استمر
تحياتي للجميع ...و اسفة اني طولت عليكم
الروابط المفضلة