ورشة لعمل مقلمة اولادى للمدراس

**حياتى كروشيه** · 03-09-2009, 02:36 PM

طلبت من ابنى يختار موديل مقلمة

اختار مقلمة بشكل دبدوب

و سميناه مع بعض "دبدوب النشيط "

قولتاقدم الشرح فى ورشة لكل من عندها اولاد بيدلعوا عليها زى كدة

الادوات المطلوبة :

ا بكرة قطن تركى متوسطة خيط سميك من لون شنطة الولد

و ممكن تستعملى بواقى الخيط الصوف كمان

عدة بواقى الوان لخيوط كانت عندك من قبل

بطانة ستان من لون القطن و سحاب ( سوستة ) بنفس اللون

عيون بلاستيك لصق

اصنعى مربع كروشيه كبير بلون كحلى و هو لون الشنطة بغرزة المنزلقة دون لفة

و كمل بعد اسطر الوان بنفس الغرزة الى ان تحصلى على شكل مستطيل طويل و هو جسم المقلمة

اصنعى دائرة بلون مناسب و ليكن ابيض و اصفر كريمى و قومى خيطى الدايرة فى وسط مركز المربع الكحلى و لتكن هى الانف

نعمل 3/4 دائرة كروشيه من نفس الوان المقلمة و هاتكون الاذن

زى الصورة دى

نعمل عدد 4 اذان بنفس الشكل

و نشبك كل زوج من الاذان معل بالخياطة او بالكروشيه ثم نرجع نشبكهم فى طرف المقلمة من اعلى تعطى شكل الاذن

لاحظوا العمل من الخلف لا يحتوى على خيوط متشابكة و ذلك لانى اشتغل الشغل و اسحب معى الخيط تحته

ز الصورة دى هتوضح قصدى و مفيدة لاسعمال عدة الوان فى الكروشيه

العمل بسيط

شرح واضح هه؟؟

نكمل الشرح...

**حياتى كروشيه** · 03-09-2009, 02:46 PM

ناتى لتفاصيل الوجه

بغرزة الفرع و بلون اسود مثلا قومى بالتحديد للفم و طرزى الفم فى نفس دوران دائرة الكروشيه كى ينضبط الفم معك

و حددى الانف برسم مثلث قاعدته اعلى و راس المثلث فى مركز دائرة الانف

قومى بالحشو فى مثلث الانف بطريقة بسيطة مثل ما بالصورة

اصنعى دائرتين للعينين

و بكدة تنتهى تفاصيل الوجه و نكمل مع التفنيش و البطانة

نكمل.....

**baky2010** · 03-09-2009, 02:55 PM

تسلم اديكى جميلة وكل سنة وانتى طيبة وبالنجاح

**baky2010** · 03-09-2009, 02:56 PM

انا مستانية الباقى بس قلت لازم اشكرك

**حياتى كروشيه** · 03-09-2009, 02:57 PM

الان مع اهم جزء و هو طريقة التبطين

احضرى بطانة من اللون الكحلى و هو اللون الغالب على المقلمة

و سحاب (سوستة ) كحلى و خذى المقاسات بالضبط الطول و العرض

و هييى البطانة و خيطيها بمفردها من دون العمل الكروشيه

و ركبى السوستة انا قملت بالخياطة بيدى من دون الماكينة حتى لا اخد وقت طويل

لاحظى فى تركيب السحاب حتى لا تنحشر البطانة فى السوستة اتركى مسافة و خيطيها جيدا بين السوستة و البطانة زى الشكل ده

بالخياطة ثبتى ركنى البطانة وع ركنى الكروشيه حتى لا تنزلق البطانة و تخرج من الكروشيه

و داخل المقلمة اصبح نظيفاو مبطن

و هكذا ينتهى الشرح

مع امنياتى بالتفوق لاولادنا فى مدارسهم

كل عام و انتم بخير

تحياتى

حياتى كروشيه