سؤااااال عن شنطة أطفال

**قلب فوفو** · 13-08-2009, 04:57 AM

السلام عليكم ورحمة الله كيفكم ياحلوين؟ عاوزة طريقة الشنطة الجميلة دي؟وألف شكر لكم

[/IMG]

**شفيقة عزت محمود** · 13-08-2009, 04:59 AM

الشنطة جميلة جدا انشاء اللة الخبيرات يساعدوكى

**روتانا مصر** · 13-08-2009, 05:09 AM

فين الشنطه حببتي فوفو
مش ظهره

**روتانا مصر** · 13-08-2009, 05:10 AM

عيدي رفع الصوره مره تانيه

**Labeba** · 13-08-2009, 05:15 AM

جميلة جدا كانها مرت علي بس مو متاكدة اذا الها باترون ؟؟ يمكن شرح كتابي
اذا لقيتها ارجعلك

**روتانا مصر** · 13-08-2009, 05:41 AM

ظهرت الصوره
والشنطه جميله ذوقك حلو حببتي
بصي فوفو انا لو عملت الشنطه دي

هعملها ازاي ...
طبعا كلها هعملها بغرزه العمود بودن لفه او غرزه الحشو
طبعا غير غرزه جسم الفراشه نفسها او ايد الشنطه
طبعا هعمل الشنطه جهتين منفصلين
وكل جهه مقسومه اتنين

هبتدي اعمل النص الاول باللون الاحمر
بدايه السلسله 100 عين كفايه
وابتدي باحد الغرزتين عمود بدون لفه او الحشو

وبعد20 او 15 سطر ابتدي اعمل اللون التاني الاصفر
وبعد الانتهاء ابتدي اعمل النصف الاخر
اعمل اللون الابيض ثم اللون البرتقالي
وبعد كدا اعمل الجهه الاخري نفس الشكل طبعا
ثم اشبك كل الاجزاء بنفس شكل الشنطه كدا

ابتدي اعمل جسم الفراشه نفسها
نفس الوضع هتكون اكيد جزئين واحده لوش الشنطه والاخري لظهرها
هعمل الجسم بغرزه عمود بلفه زي ما هو موضح وحاولي تقيسي
علي الشنطه وانت مكشكشاها ممكن تعمل بتاع 16 سطر
وبعد كدا بتعملي راس الفراشه بوم بوم عارفه ازاي

طريقه البوم بوم
بتجيي كرتونتين صغيرين
وبعد كدا بتضعيهم علي بعض بتقطعيها علي شكل دائره
ويتقطعيها من الداخل ايضا دائره وتفضلي تلفي الخيط
لحد ما يكونش باين جزء من الكرتونه
وبعد كدا تيجي ما بين الكرتونتين بالمقص وتقصي الخيط
وبعد كدا تكوني محضره حته خيط بتاع 15 سم
وتربطيها كويس علشان الخيط ما يتفكش
وبعد كدا بتظبطيها بالمقص وهتكون راس الفراشه
وهتضعي عنتين او اي تحابيش علي الراس
علشان يبان شكل الفراشه

وبعد كدا هتعملي جزء تاني للخلف جسم فقط بدون راس
واشبكيها في الشنطه وهي مكشكشه

وبعد كدا اعملي اليد واضج انها بردوا بغرزه عمود بلفه
وبين كل عمود في عين سلسله
اعملي طول اليد حسب رغبتك

الدواير اللي علي الشنطه دي
بغرزه الحشو
لكن بخيط ارفع من اللي عملتي بيه الشنطه
وتعمليها كانك بتشتغلي طقيه وتحيطيها بنفس الخيط
اللي اشتغلتي بيه الدائره الرفيع
وتحطيه كما موضح كأنك بتسرجي

.....................................
يارب اكون افادتك
واكيد الخبيرات هيفيدوكي اكتر

**روتانا مصر** · 13-08-2009, 05:53 AM

واضح ان عدد الاسطر
11 سطر لكل لون
يعني ارتفاع الشنطه هيكون
22 سطر
وممكن ترفعيها علي حسب الرغبه

**لبنانية بجدة** · 13-08-2009, 06:05 AM

بارك الله بك روتانا
دمت بخير

**قلب فوفو** · 13-08-2009, 06:07 AM

وااااااو مش مصدقة الردود السريعة دي بس مش غريب على أعضاء منتدى لك الف شكر لكم جميعا وبارك الله فيكم واشكرك اختي روتانا على الشرح بس فيه حاجات مش فاهماها اولاهبتدي اعمل النص الاول باللون الاحمر
بدايه السلسله 100 عين كفايه
هو المقصود أعمل مربع بالون الأحمر بالأول بحيث أعمل كل لون لوحدة بمربع معزول عن الأخر والا أعمل نصف سطر بالون الأحمر والنصف التاني بالون ا لأصفر مش فاهمة حبيبتي وبعد20 او 15 سطر ابتدي اعمل اللون التاني الاصفر
وبعد الانتهاء ابتدي اعمل النصف الاخر؟!!هو المقصود كل لون يحتوي على عدد20سطر مثلاوالا ايه؟
والأنحناءة اللي على جوانب الشنطة هو تنقيص والا كيف؟

ابتدي اعمل جسم الفراشه نفسها
نفس الوضع هتكوناكيد جزئين واحده لوش الشنطه والاخري لظهرها
هعمل الجسم بغرزه عمود بلفه زي ما هو موضح وحاولي تقيسي
علي الشنطه وانت مكشكشاها ممكن تعمل بتاع 16 سطر
وبعد كدا بتعملي راس الفراشه بوم بوم عارفه ازاي؟
الكشكشة كيف تتعمل ؟؟؟ ومعليش حبيبتي استحمليني كثرت عليك الأسئلة

**روتانا مصر** · 13-08-2009, 06:22 AM

لا مش كل مربع لوحده
مش بقولك في الاول احنا نقسمها نصين بمعني

ان نعمل اللون الاحمر والاصفر الاول ادي نصف
تبتدي سلسله 100 عين بالون الاحمر
هتبتدي تشتغلي باللون الاحمر وبعد ما تخلصي 15 سطر
هتغيري اللون للون الاصفر وتعملي بردوا 15 سطر
هتقطعي الخيط الاحمر و تربطي الخيط الاصفر
وتكملي فوق الاحمر عادي
كدا خلصتي نصف الشنطه

تعملي 100 عين سلسله تاني باللون الابيض
اللون الابيض وبعد 15 سطر تقطعي الخيط
وتربطي الخيط البرتقالي وبردوا تعملي 15 سطر

وبعد كدا بتشبكي النصفين مع بعض

وبتبتدي تعملي الجها الاخر زي دي تمام
وتشبكي الجهاتين مع بعض
وبتعملي الفراشه

اي سؤال انا موجوده معاكي