انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 4 1234 الأخيرالأخير
عرض النتائج 1 الى 10 من 39

الموضوع: ماكينات التريكو الالى

  1. #1
    تاريخ التسجيل
    May 2009
    الردود
    173
    الجنس
    امرأة

    ماكينات التريكو الالى

    ارجو من ادارة المنتدى السماح باستكمال موضوعاتى والتى قد انسى بتسجيل خروج و يختلط الامر مع زوجى ( عادل ابو العلا )
    و الحقيقة انه عمل مجهود كبير بتنزيل الصور و الشرح و عرض موضوع كل شيئ عن ماكينة التريكو وانا موش شاطرة فى تنزيل الصور وعرض الانتاج
    وهذا ما يتعبنى ويجعلنى استعين به ولانه مشغول الان فيمكن استعين بما نزل من صور الماكينة او ان اشير اليه
    و حد يثى اليوم عن موعد بدء النشاط قد حل لمن ترغب فى الانتاج ومن هنا ابدء الكلام اول حاجه تعمليها تبحثى عن الموديلات التى ترغبين تنفيذها ويفضل الاطفال ووضع الاكسسوارات عليها
    و ابحثى عن الصوف الموهير وما يكونشى ليه وبرة عاليه عشان الفرشة فى الماكينة حتمسك فى الوبر و عشان كده لو عندك ماكينة تشميع الصوف يكون احسن وبلاش الجاكارد لانه غير مطلوب
    وانا موش عارفة المستويات الموجودة معاكم عشان ارد على اسئلتكم
    لكن ما اركز عليه هو عمل الصيانة للماكينة من الان ولازم تتعلمى صيانة الماكينة اليومية و الدورية وتغطى الماكينة بعد تنظيفها فور انتهاء اليوم
    ومعدل الانتاج على الماكينة للاطفال 12 قطعة فى اليوم لاننا نعمل الاكمام معا يعنى قطعة واحده ثم نقص كل كم لوحده
    واكمل معاكم بكرة ان شاء الله

  2. #2
    تاريخ التسجيل
    Apr 2007
    الردود
    169
    الجنس
    امرأة
    انا عند ماكينة تريكو باساب السويسرية وشغلها واسع استخدم 2 خيط فى المكوك بس اشتغل بالقطعة لأنى اعمل بالطلب وامل الشال المثلث على الماكينة بس نفسى اعرف اعمل الجاوند والجورب الذى به أصابع ولكى جزيل الشكر أختى

  3. #3
    تاريخ التسجيل
    May 2009
    الردود
    173
    الجنس
    امرأة
    اختى محبة فى الله
    صعب عمل الجوانتى بالاصابع على الباساب و هو له ماكينه خاصه دائريه و تعليم خاص بها و تختص بالشراب و الجوانتى منها الصغيرة و منها الكبيرة
    بس انا لاحظت حاجه غريبه ان الاسئله تكون كثيرة و لما اتابع فى الموضوع اجد فتور من صاحبه السؤال لانها بتاخذ فكرة فقط لكن تبدء فى التطبيق لا
    بس كويسه انها بتعرف حاجه بدل من عدم المعرفة خالص وبقول يمكن بكرة تبدء
    تستفيد من خبراتها وهى ده فايدة المنتدى

  4. #4
    تاريخ التسجيل
    Apr 2008
    الردود
    551
    الجنس
    امرأة
    والله يا مدام تريكو ....
    انتِ وزوجك اثريتو المنتدى بهذا الموضوع الذي يهم شريحه من الاخوات
    بارك الله بك وبزوجك وباولادكم
    الله يجعله بميزان حسناتكم
    ويرزقكم الخير من اوسع ابوابه
    انا اقرا مواضيعكم بالرغم من اني ما اعرف اشتغل التريكو ولا اعرف
    شكل مكينة التريكو .....لكن من باب الاضطلاع والمعرفه ....

    شكرا مره اخرى ......

  5. #5
    تاريخ التسجيل
    Feb 2007
    الموقع
    مصرية أعيش في أوروبا
    الردود
    241
    الجنس
    امرأة

    coffee شكرا ليكي مدام تريكو

    شكرا ليكي مدام تريكو

    فعلا موضوعك وموضوعك زوجك مفيد جدا .

    أمي أستاذة في التريكو خاصه الباساب والسنجر والبرازر .

    انا بعرف اشتغل علي الباساب الخضرا والفريو .

    للعلم الماكينه الفريو وتنطق بحرف v بالإنجليزية شغلها يشبه اليدوي وغرزة بتكون واسعه ممكن ابقي انزل صورتها لما انزل مصر واصورها إن شاء الله.

    دلوقتي ماما بتشتغل هي واختي لكن شغلهم متعب لانه بالقطعه بيأخد مجهود كبير في الشغل علي الماكينه والتشطيب اليدوي ولقط الرقبه او البندة او السوسته يدوي برضه .

    واحيانا كمان بيطلع المقاس فيه مشكله لدفوهات احيانا في جسم بعض الناس .

    أسئلتي

    ان شاء الله نازله مصر شهر ديسمبر وعاوزة اطور الشغل فعايزة استفيد من خبرتك
    مثلا

    ايه افضل الماكينات اللي استعين بيها .
    للعلم عاوزة اشتري ماكينه تريكو جديدة و ماكينه شك ولفاف ايه تاني ؟
    ايه رأيك هأشتري ان شاء الله من تريدكو الصياد.

    وبعدين انا عاوزة اكبر المشروع علي مراحل مش كله مرة واحدة تنصحيني بأيه في النقطة دي .

    طريقة الشغل مثلا قلتي نشتغل الاكمام مع بعض وبعضين نقصها .

    عاوزة كمان ادخل اما القماش او الكروشية مع التريكو عشان يديه لمسه مع استخدام الاكسسورات ايه رأيك ؟

    انا عارفه ان اسئلتي كتير
    شكرا علي تعبك


  6. #6
    تاريخ التسجيل
    May 2009
    الردود
    173
    الجنس
    امرأة
    بصراحه انا بفرح كتيييييييير من كلامكم لما بلاقى تفاعل و بحس بروح الاسرة فى المنتدى
    و بزعل لما صاحبة السؤال تنصرف و لا تهتم حتى بالرد اللى بنكتبه ليها و كلمات الاخيرة
    منكم فرحتنى اوى فى العيد وكل سنه وانتم طيبين
    حقيقى لما بكون عاوزة اعمل بلوفر لزبونه و تاخذه منى حلو باكون انا فرحانه كتير موش بس لما تكون عاوزة بلوفر لا ده بتقولى عندى مشكله فى بلوفر جايباه غالى اوى بس عاوز ظبط ولما تلبسه و أشوفه عليها أعرف مشكلته انه وسع او طول او غرزة انفكت المهم تاخذه 100 \100 بكون فرحانه كتييييييير
    و الاخت اسكنرانيه قوليلى انتى فين فى اوروبا بالضبط وواضح انك غايبه كتيييير عن مصر بس عندك خلفيه كويسه قوى لانك موش عارفه ان تريدكو الصياد الغى التوكيل من 15 عام لماكينات التريكو الباساب بس كويس انك فاكرة
    انا بجيب قطع الغيار من ماكينات مستعمله و بعمل الصيانه منها بقطع أصليه او ابر صينى من الموسكى و طورت الشغل مع زوجى بماكينات ايطالى ناعم و خشن
    وعندنا ماكينه تشميع الصوف و هى اساسيه للتريكو و لا غنى عنها ابدا عندنا
    يكفى انها تمنع الوبرة وتمنه العته و لها منافع اخرى
    وهو ماكينات انتاجيه لتنفيذ الطلبيات
    بس اعرف انتى فين فى اوروبا عشان اقولك على ماكينات تشتريها بس ازاى تتعلمين عليه و فين اكسسواراتها ده فى خامات فى اوروبا حلوة كتير
    باحاول احصل عليها من المستوردين للماكينات لما بشتروا خطوط انتاج تريكو من برة
    بالنسنه للوالده هى بس محتاجه كام حصه لتظبيط الشغل للمقاسات و للتقفيل
    عشان ياخد الجوده وده حاجة بسيطه ان شاء الله

  7. #7
    تاريخ التسجيل
    Feb 2007
    الموقع
    مصرية أعيش في أوروبا
    الردود
    241
    الجنس
    امرأة
    تعقيب كتبت بواسطة مدام تريكو عرض الرد
    بصراحه انا بفرح كتيييييييير من كلامكم لما بلاقى تفاعل و بحس بروح الاسرة فى المنتدى
    و بزعل لما صاحبة السؤال تنصرف و لا تهتم حتى بالرد اللى بنكتبه ليها و كلمات الاخيرة
    منكم فرحتنى اوى فى العيد وكل سنه وانتم طيبين
    حقيقى لما بكون عاوزة اعمل بلوفر لزبونه و تاخذه منى حلو باكون انا فرحانه كتير موش بس لما تكون عاوزة بلوفر لا ده بتقولى عندى مشكله فى بلوفر جايباه غالى اوى بس عاوز ظبط ولما تلبسه و أشوفه عليها أعرف مشكلته انه وسع او طول او غرزة انفكت المهم تاخذه 100 \100 بكون فرحانه كتييييييير
    و الاخت اسكنرانيه قوليلى انتى فين فى اوروبا بالضبط وواضح انك غايبه كتيييير عن مصر بس عندك خلفيه كويسه قوى لانك موش عارفه ان تريدكو الصياد الغى التوكيل من 15 عام لماكينات التريكو الباساب بس كويس انك فاكرة
    انا بجيب قطع الغيار من ماكينات مستعمله و بعمل الصيانه منها بقطع أصليه او ابر صينى من الموسكى و طورت الشغل مع زوجى بماكينات ايطالى ناعم و خشن
    وعندنا ماكينه تشميع الصوف و هى اساسيه للتريكو و لا غنى عنها ابدا عندنا
    يكفى انها تمنع الوبرة وتمنه العته و لها منافع اخرى
    وهو ماكينات انتاجيه لتنفيذ الطلبيات
    بس اعرف انتى فين فى اوروبا عشان اقولك على ماكينات تشتريها بس ازاى تتعلمين عليه و فين اكسسواراتها ده فى خامات فى اوروبا حلوة كتير
    باحاول احصل عليها من المستوردين للماكينات لما بشتروا خطوط انتاج تريكو من برة
    بالنسنه للوالده هى بس محتاجه كام حصه لتظبيط الشغل للمقاسات و للتقفيل
    عشان ياخد الجوده وده حاجة بسيطه ان شاء الله
    انا فرحانه اني اسعدتك في العيد وكل سنه وانتي طيبه
    انا عايشة في أوسلو ودي عاصمه النرويج
    الحمد لله انا اقدر اسافر اي دوله و ان شاء الله رايحه ايطاليا قريب في2010
    وممكن استورد اي مكن ان عايزة عندي اصحابي عندهم شركات استيراد وتصدير
    بس اشتري ماكينات ايه يناسب السوق ومنين ايه الماركات وامكانياتها ..؟؟؟وفيه احتمال في المستقبل اصدر لأوربا بإذن الله.

    ماما شاطرة وبتعرف تضبط الشغل بس شغل القطاعي دا متعب جدا
    وهي معندهاش خبرة في شغل السوق !!!

    سؤالي بطريقة اوضح هي بتنزل حته حته و تشطبها والطريقة دي بطيئة ومرهقه ايه افضل الطرق للشغل ؟؟؟

    وبعدين ان شاء الله عندي خطه اعلم بنات في مكان ما في إسكندرية ويشتغلوا اشغال يدوية مش تريكو بس . عشان اضمن ان شاء الله ان بعد فترة مالقيش البنات سابوني وراحوا اشتغلوا بره او مع نفسهم والاقي الدنيا كلها بتلبس موديلاتي زي ما بأشوف بيحصل مع ناس كتير منهم ماما كانت بتصمم موديلات وتطلب من بنات يشتغلوا وبعد فترة تلاقي موديلاتها في كل حته ودا شيء مش ظريف نهائيا ودي فعلا مشكله كبيرة .




  8. #8
    تاريخ التسجيل
    May 2009
    الردود
    173
    الجنس
    امرأة
    تفكيرك حلو قوى بس موضوع ماكينات التريكو زوجى يفهم فيه اكتر لانه من يقوم بالصيانه
    وممكن تلاقى اجابه على سؤالك عند masrawy2525 لو كتبتيه فى google وبحثتى عنه عشان الاسعار هو بيعرفها برة و الاكسسوارات وكمان بيعلم
    بس انتى حتسافرى تانى

  9. #9
    تاريخ التسجيل
    Feb 2007
    الموقع
    مصرية أعيش في أوروبا
    الردود
    241
    الجنس
    امرأة
    تعقيب كتبت بواسطة مدام تريكو عرض الرد
    تفكيرك حلو قوى بس موضوع ماكينات التريكو زوجى يفهم فيه اكتر لانه من يقوم بالصيانه
    وممكن تلاقى اجابه على سؤالك عند masrawy2525 لو كتبتيه فى google وبحثتى عنه عشان الاسعار هو بيعرفها برة و الاكسسوارات وكمان بيعلم
    بس انتى حتسافرى تانى
    شكرا ليكي
    تقصدي اسافر فين ؟؟
    انا حاليا عايشة في اوسلو و نازله مصر اجازة

  10. #10
    تاريخ التسجيل
    May 2009
    الردود
    173
    الجنس
    امرأة
    حاتسافرى النرويج طيب مين حيتابع مشروعك هنا اسرتك يعنى طيب ومدة الاجازة كم
    و شوفى masrawy2525 وردى عليا

مواضيع مشابهه

  1. اسعار ماكينات التريكو الالى
    بواسطة عادل ابو العلا في ركن الكروشيه والتريكو
    الردود: 27
    اخر موضوع: 11-02-2016, 05:42 PM
  2. مركز تدريب وتعليم ماكينات التريكو الالى
    بواسطة عادل ابو العلا في ركن الكروشيه والتريكو
    الردود: 2
    اخر موضوع: 25-06-2009, 08:52 PM
  3. ماكينات التريكو الالى
    بواسطة عادل ابو العلا في ركن الكروشيه والتريكو
    الردود: 0
    اخر موضوع: 19-06-2009, 02:04 PM
  4. تعلمى التريكو الالى و التنطريز الالى فى منزلك
    بواسطة عادل ابو العلا في ركن الكروشيه والتريكو
    الردود: 6
    اخر موضوع: 05-05-2009, 07:12 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ