إلى كل من عندها محل وتبيع خيوط وكلف

السلام عليكم ورحمة الله وبركاتة
أنا عندي خبرة في الكروشية وبحبة جدا وكل الأعمال اليدوية
وعندي رأس مال لابأس به
بس محتاجة اعمل تجارة
وطبعا من حبي للحاجات دي نفسي افتح محل فيه كل أنواع الخيوط والخرز والكلف وكل شء
بس للأسف أنا عندي مشكلة كبيرة
جوزي مخوفني جدا من الموضوع دا وقاللي مكسبة قليل وأنتي هتغامري مغامرة مش محسوبة
ياريت تفيدوني وانتم أهل الخبرة لكل واحدة فاتحة محل تقوللي الخطوات ايه اللي اعملها
وهل المكسب بتاعها حلو ولا مش حلو وأنا مش بدور على ربح كبير أوي ولكن كل تجارة لازمها تربح
والأسئلة كتير بس ساعدوني أرجوكم

معقول لحد دلوقتي 32 مشاهدة ومفيش ولا رد وا حتى تشجيع

انا زعلانة جدا جدا

من الصعب انك تلاقى رد يسرعة لان ناس كتير مش عايشين فى مصر

وممكن يكونوا خايفا من المسئولية فكرى جيدا واستخيرى الله

وان شاء اله ربنا يهديك لما لكى فية الخير

وانا فعلا ليس عندى علم عن هذا الموضوع ولكن الشغل اليدوى قل جدا

لكن ممكن لما تفتحى يكون فية اكتر من نشاط مثل التطريز وتصليح الملابس

شوفتة ولكن ليس لدى خبرة انشالله حديفيدك والله ماعرف حيقيى ان كان مكسب ولا لاء

بالتوفيق حبيبتي

والله انا كمان ما اعرف

حبيبتي انا ليست لدي خبره في فتح محل والتجاره الكبيره

لكني ان شاء الله سأبدا بالتجاره الصغيره وهي تصميم بعض الاعمال في البيت وبيعها على الاهل والاصحاب واشتري الخيوط من محلات الجمله بسعر رخيص واشتغل فيها وكل شي على حسب سعر الخيوط وشكله بزود عليه سعر اد ايه وان شاء الله ربنا يجيب الرزق

اتمنى اكون قدرت اساعدك ولو بشيء بسيط

موفقه حبيبتي

بالتوفيق للجميع

شكرا لكل اللي إهتم بالموضوع وأضاف رده متشكرة ليكم وتقريبا أنا سألت كتير وغيرت الفكرة لأن لاقيتة مش هيكون مربح في المكان اللي أنا فية

حبيبتي للاسف مش هيكون مربح فعلا لو فتحتي المحل للخيوط والخرز فقط انا معنديش محل بس بشوف المحلات اللي حواليه بيبقى شغلها بسيط جدا لأن معظم الناس بتروح الاماكن اللي بتبيع بالجملة علشان توفر في الفلوس

ومدام انتي بتحبي الكوروشيه ممكن تفتحي محل لبيع الخيوط وتعرضي المنتجات اللي بتعمليها من الكوروشيه جنبها وممكن كمان تعرضي منتجات الاخوات في المنتدى هتلاقي ان شاء الله اقبال من الناس وخصوصا لو حاجات جديدة زي اللانجري انا لقيت ناس كتير عجبتهم جدا الفكرة ان اللانجري يبقى من الكوروشيه وتعرضي كمان مع ملابس الاطفال هتبقى مميزة ومحدش هيبيع المنتجات ده غيرك بس المهم المحل يكون في شارع فيه ناس كتير بتمشي فيه يعني يكون شارع تجاري
وربنا يوفقك ويرزقك رزق حلال طيب