طلب مساعدة من الأخوات الغاليات

**new_hanangalal** · 25-02-2009, 09:49 PM

أنا مازلت مبتدئة في الكروشية فاعذروني

أنا بحاول أعمل الوحدة دي

و هي دي النتيجة,

مش عارفة ليه مموجة
و سؤال تاني لما اشتغل عمود في راس العمود اللي قبلة أدخل الإبرة فين و لو كنت هاشتغل عمودين في راس نفس العمود اشتغلهم في نفس المكان معلش اعذروني لسه بتعلم

سؤال تاني هو أنا استعجلت لما حاولت أعمل الوحدة دي , طب أعمل ايه نفسي أعمل حاجة مفيدة, حاسة أن أنا يعني تعلمت شوية و نفسي الناس يشوفوا شغلي, شوية أقول أعمل شنطة و شوية أقول أعمل مفرش و بعدين أرجع أقول مفرش كتير أعمل وحدة صغيرة و لو طلعت حلوة أكملها شنطة , أنا احترت و حاسة أن أنا ممكن أسيب الكروشية بسبب التردد ده

أعمل ايه

سااااااااااااعدوني

**farawlla07** · 25-02-2009, 10:08 PM

بصي اهدي كده وروقي وقوليلي هو انتي عمرك ما عملتي حاجه كروشيه خالص والا عملتي ونفسك تعملي شئ مفيد

**new_hanangalal** · 25-02-2009, 10:12 PM

كتبت بواسطة farawlla07

بصي اهدي كده وروقي وقوليلي هو انتي عمرك ما عملتي حاجه كروشيه خالص والا عملتي ونفسك تعملي شئ مفيد

لأ يا فراولة أنا كنت عارفة غرزة السلسلة و العمود بس من زمان و تقريبا كده من شهر تعلمت باقي الغرز من الدورة التدريبية في المنتدى و عملت التطبيقات اللي في الدورة و عملت وردة كروشية من منتدى آخر و بس

**farawlla07** · 25-02-2009, 10:37 PM

كتبت بواسطة new_hanangalal

لأ يا فراولة أنا كنت عارفة غرزة السلسلة و العمود بس من زمان و تقريبا كده من شهر تعلمت باقي الغرز من الدورة التدريبية في المنتدى و عملت التطبيقات اللي في الدورة و عملت وردة كروشية من منتدى آخر و بس

طيب اقولك علي حاجه حلوه اعملي مساكات للمطبخ بس يكون فيها غرزه او وحده بحيث لو طلع فيها شئ متزعليش قوي
بالنسبه للوحده انتي بتعملي عمود فوق كل رايد عمود بتدخلي في فرعي السلسله حتلاقي كده العمود بتاع السطر السابق ليه فرعين بتدخلي فيهم ححاول اشوفلك صور انا مفهمتش السؤال التاني

**new_hanangalal** · 25-02-2009, 10:44 PM

كتبت بواسطة farawlla07

طيب اقولك علي حاجه حلوه اعملي مساكات للمطبخ بس يكون فيها غرزه او وحده بحيث لو طلع فيها شئ متزعليش قوي
بالنسبه للوحده انتي بتعملي عمود فوق كل رايد عمود بتدخلي في فرعي السلسله حتلاقي كده العمود بتاع السطر السابق ليه فرعين بتدخلي فيهم ححاول اشوفلك صور انا مفهمتش السؤال التاني

فراولة أنا شاكرة اهتمامك في باترون الوحدة دي في السطر الرلبع 2 عمود في راس العمود السابق هل يكون الاتنين في نفس المكان؟؟
هو شغلي أكيد فيه حاجة غلط علشان كده طلع مموج مش كده ؟؟

**farawlla07** · 25-02-2009, 11:04 PM

كتبت بواسطة new_hanangalal

فراولة أنا شاكرة اهتمامك في باترون الوحدة دي في السطر الرلبع 2 عمود في راس العمود السابق هل يكون الاتنين في نفس المكان؟؟
هو شغلي أكيد فيه حاجة غلط علشان كده طلع مموج مش كده ؟؟

ايوه طبعا الاتنين نفس المكان والا مكنوش رسموها كده ف الباترون شغلك مموج يمكن انتي بتشدي ايدك انا مش قادره احدد الخطأ اقولك اختاري وحده اخري اسهل جربي فيها

**OM ALAMORAH** · 25-02-2009, 11:54 PM

السلام عليكم ورحمة الله وبركاته
ربنا يوفقك ويهنيك يا فراوله يا عسل
وبالنسبه لك يا حنان زي ما فراوله قالت لك إهدي وإنشاء الله كل يبقى زي ما تحبي
أنا كمان مبتدئه
أقول لك أول حاجه عملتها وطلعت صح فى موضوع للأخت هنهن إسمه صور لورش صغيره كان موجود وحده زي النجمه بالصور م الأول للآخر واتبعت الخطوات بالظبط وعملتها وما كنت مصدقه نفسي
إختاري حاجه تكون مشروحه بالصور وبإذن الله تتوفقي فيها أهم شئ تصبري وتثقى إنك بإذن الله هتعمليها
وإن شاء الله تعملي حاجات جميله تفرحي بيها ولازم تخلينا نشوف
أنا عارفه إني رغايه كبيره بس دي تجربتي من الصفر ويا رب تفيدك
بالتوفيق يا عسل

**1974semsema** · 26-02-2009, 12:13 AM

السلام عليكم ورحمه الله وبركاته
بصي يا اخت حنان طبعا فراولتنا ما خلتش حاجه لحد يقولها وانا من رايها انك تجربي في حاجه سهله وبعدين لما تتمكني من الشغل ابقي فنني براحتك وما تياسيش هههههههه انا الاسبوع دا كنت اكبر يا ئسه في المنتدي لكن دلوقتي الحمد لله من تشجيع الاخوات واولهم فراولايه خفيت ههههههههههههه ربنا يوفقك يا حبيبتي

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: طلب مساعدة من الأخوات الغاليات

أدوات الموضوع

العرض