&&& تزين غطاء برطمان لحفظ اللولى &&&

**سما كايرو** · 21-02-2009, 10:10 AM

طريقة تزيين غطاء برطمان وحفظ اللولى بداخلة واشياء للمطبخ
واليكم الصور النهائية للبرطمان والاخر الشرح

نتابع

**سما كايرو** · 21-02-2009, 10:13 AM

بسم الله الرحمن الرحيم
المطلوب خيط قطن رفيع وابرة مناسبة وشريط ستان وخرز للزينة ولون اخر للحواف
انا هشرح على مقاس البرطمان الا عندى والا يناسبها المقاس للبرطمان تنفذه
البداية نشتغل 5 سلسلة ونغلق بمنزلقة

السطر الاول هنزود هنشتغل على كل عمود عمودين لنهاية السطر ثم نغلق

السطر الثانى هنذود على كل عمود عمودين لنهاية السطر ونغلق بمزلق
السطر الثالث بدون زيادة هنمشى عادى فوق كل عمود عمود لنهاية السطر ونغلق بمنزلقة
السطر االرابع هنشتغل سطر واحد بريد خلفى لكى يعطينا الحافة ونغلق بمنزلق

السطر الخامس اشتغل سطر واحد عمود بلفة ونغلق بمزلقة
السطر االسادس ادخل اللون الاخر وهشتغل بداية السطر عمودين ثم سلسلتين ثم عمودين كل دة على بداية اول عمود وبعدين نفوت عدد 2 عمود الا بجوارهم ونكرر مثل البداية لاخر السطر ونغلق بمنزلقة

السطر السابع ادخل اللون الاساسى تانى واشتغل زى ماعملتنا فى السطر الا قبله بالظبط وتقطعى الخيط

الزينة ندكك شريط الستان وتعملى فيونكة
ثم تعملى وردة بالخرز فوق او ممكن ورة بالكروشية بس انا قولت تغيير
ووضعت بداخل البرطمان اللولى بتاعى
وعملت برطمان اخر لتتزين فى المطبخ وضعت مكرونة للزينة وممكن تضعى بهارتك بلمسة ايديكى ويسلام لو كانت ملونه تكون افضل

وفى الاخر سلامتكوا

وبالتوفيق للجميع

**منار111** · 21-02-2009, 10:34 AM

الله يسلمك الله يعطك العافيه على الشرح الوافي المبسط

شكله سهل ان شاء الله اسويه

**جمانة خطاب** · 21-02-2009, 11:40 AM

تسلم ايدك شكلها شيك اوى وحاجة جديدة

**الام الرشيدة** · 21-02-2009, 12:11 PM

شكرا لج أختي سما حلوة الفكرة يعطيج العافية 0

**ساره الاعظمي** · 21-02-2009, 12:41 PM

ماشاءالله أبداع ياسما عاشت ايدك والله

**1974semsema** · 21-02-2009, 12:53 PM

ما شاء الله عليكي يا اخت سما دايما مبدعه انا نفسي ابقي زيك بس هو فيه سؤال هو انت متجوزه وعندك اولاد هههههههههههههه ما تزعليش مني انا بهزر اصل انا قبل ما اخلف كان اي حاجه امامي اطلع منها افكار دلوقتي معنتش لاقيه وقت حتي انفز افكار غيري ههههههههه