حبيت بس طل بهالموضوع لأشكرك اختي لبنانيه بجده
يوم يلي سجلت بهالمنتدى بشهر اغسطس الماضي كان الهدف اني اتعلم كروشيه لاني بحبو بس ما عندي ولا خلفيه عن شغله
كان عندي وقت فراغ كبير وصعوبه بالنوم بسبب الحمل
بقيت سهرانه للصبح وكنت خلصت الثلاث مستويات من الدورات يلي نزلتوهم
ومن يومها صار عندي سوسه وماشاء الله طلع معي تحف بالشغل وهاد كلو بفضل هالركن ودوراتك اختي لبنانيه وكل مشاركه قرأتها هون
من يومها عم شارك معكم حتى لو ما كتبت ( يمكن لأن ما بيكون في اسئله)
عملت كتير اغراض لخلودي ابني الجديد قبل ما يجي
وهديت اختي وصاحباتي اعمال حلوه
وعملت لبنتي كمان اشياء حلوه وناعمه
وفي اشغال قيد التنفيذ كمان
والجاكيت الدائره كمان عم جرب فكرته بس على مقاس صغير لبنتي
وعم فكر اعمل من هلأ لعيد الأم شي مفرش سفره يكون تحفه هديه لامي
حتى زوجي غار وصار بدو اعملله اي شي حتى لو لفحه للبرد هههههههههههههههه بس ما عرفت بصراحه واحترت بأمر هاللفحه
وصار عندي مخزن من الموديلات وباتروناتها لهذا الفن الراقي واشياء نفسي اشتغلها كمان
وان شاء الله اتعلم التريكو كمان ولو انه لقيت صعوبه بالغرزه الاوليه له
...
رح شارك معكم خواتي بهالمنتدى من هلأ ورايح لأني خلص صرت عد نفسي محترفه جديده
اقبلوني
برجع بقول شكرا للجميع
الروابط المفضلة