الغالية ام قسمت...ام عمرو وكل الخبيرات

اخواتي الحبيبات
استفدت كتير قوي من منتدانا الرائع لكن طمعانةشوية زيادة في مساعدتكم.....عندي مشكلة في تحديد المقاسات يعني ابدأ بكام غرزة للجواكت من تحت ؟ولو البداية من الرقبة ازود بمقدار كام غرزة وكل كام سطر؟
معلش رغيت كتير قوي بس الموضوع بالنسبة لي مهم جدااااااااااااااااااااااااااااااا وعلشان اكون اديتكم حقكم من الرغي عايزة اقولكم ان بنوتاتي 6,9 سنين ونفسي اعملهم حاجات كتيييييييييييييييييييير قوي..........ياريت تساعدوني وجزاكم الله خيرا

ان شاء الله يدخلوا
الاخوات ويساعدوك

الف شكر اختي dew moon علي مرورك بس فين الخبيرات والا مش هتساعوني..؟

فينكم ياجماعة بجد هااخذ علي خاطري......ردوا علي ارجوكم جزاكم الله كل خير

ياجماعة ردوا علي دي اول مرة اطلب طلب من اخواتي الغاليات في منتدانا العزيز

أختنا العزيزة ، الطلب ده لازم انتي تردي عليه بنفسك بالتجربة لان كل خيط و كل مقاس ابرة بيطلع مقاس مختلف لنفس عدد الغرز لذلك لازم تعملي عينة اولية قبل الشغل و بنفس نوع الخيط و نفس مقلس الابرة و منها حتعرفي تعملي كام غرزة = كام سم .
يا رب اكون افدتك و يكون الشرح واضح .

غاليتي الاميرة عاجزة عن الشكر وكفاية انك اهتمتي بالرد جزاك الله خيرا

حبيبتى بسبسة
شوفى يا عسل زى ما قالت لك هانم وكلامها مظبوط وعلى فكرة لو عايزة تعملى جواكت تبدايها من تحت لازم تاخدى مقس محيط الارداف والظهر ولو هاتبداى بلوزة من فوق يبقى تعملى سلسلة على مقاس فتحة الرقبة لكن مع مراعاة انها تكون واسعة شوية يعنى ميالة الى انها تبقى سابرينا لكن ماتعديش الكتاف
فهمتى حاجة؟
بعد كدة هاتوسعى كل صفين او ثلاثة على حسب مقاس البنوتة انا كل ما باعمل 3 صفوف اقيس واشوف هاكمل على كدة واللا هازود
شوفتى بقى انا رغاية اكتر منك
يارب اكون افدتك

كلك ذوق اختي الغالية ام ميار ويمني اعذريني لاني لم اقرأ ردك الواضح جدا قبل كدة لاني الحقيقة كنت يأست ان حد يرد علي جزاك الله كل خير وجعله في ميزان حسناتك.......اختك ام مريم ويمني

شكرااا للاخوات