انا بشتغل تريكو كويس بس مشكلتي في الكم مش بيتظبط معايا بيطلع بعد التركيب فيه كشكشة ياريت حد يساعدني ويقولي امتى انقص وكل قد ايه مسافة والتركيب ازاي جزاكم الله كل خير
للبحث في شبكة لكِ النسائية:
|
انا بشتغل تريكو كويس بس مشكلتي في الكم مش بيتظبط معايا بيطلع بعد التركيب فيه كشكشة ياريت حد يساعدني ويقولي امتى انقص وكل قد ايه مسافة والتركيب ازاي جزاكم الله كل خير
حبيبتي انا كنت شرحت الكم في الدوره بتاعتي شوفي كده
حرده الكم
حرده الكم هي درس النهارده اللي حانختم بيه الدوره
وهي حيرتني لان لها اشكال كتير وكل شكل حسب الباترون بس هي بتمشي دايما مع حرده الباط يعني لو حرده الباط روجلان بتحردي الكم بنفس الطريقه
علي العموم الطريقه العامه انك بتاخدي غرز الكم مساويه لنصف غرز الامام وتشتغلي بليسيه بالارتفاع اللي انتي عايزاه ولو عايزه الكم واسع بتزودي غرز عند اخر سطر بليسيه وبعدين تغيري للابر الاكبر وتشتغلي بحيث انك تزودي كل 4 سطور غرزه من كل جانب لغايه مايوصل الطول للكوع بتبتدي تزودي كل 6 سطور لغايه ماتوصلي للطول اللي انتي عايزاه وهنا بيختلف
لو الحرده روجلان بتحردي زي حرده الرقبه الروجلان لغايه ماتفضل عندك غرزه بتقفليها
لو حرده الباط مربعه بتنقصي من الناحيتين زي مانقصتي في حرده الباط وتطلعي بقيه الكم من غير تنقيص
لو الباط من غير حرده خالص بتقفلي الكم علي الطول ده من غير حرده
لو حرده الباط عاديه بتقفلي في الكم برضه 5 - 4 - 3 - 2 - 1 - زي ماحردتي الباط وبعدين تنقصي في كل سطر غرزه من بدايته وغرزه من النهايه لغايه ماتوصل الحرده تقيربا 20 سم من بعد التنقيص الاول
اقفلي من الناحيتين 5 غرز ثم 4 غرز وبعدين اقفلي بقيه الغرز وكده الكم خلص
ممكن تكون فيه طرق تانيه للتنقيص وطبعا برضه كله بيتوقف علي الباترون اللي انتي بتشتغلي عليه
وعلشان تركبي الكم اظبطيه مع الكتف الاول وبعدين اشبكيه بدبابيس في مكانه وخيطي
شكرا لكي ام قسمت على الشرح التفصيلي الواضح وانشاء الله هشتغل بيه بعد كده
جزاك الله خيرا
السلام عليكم ورحمة الله وبركاته .اشكرك اختى على المعلومة القيمة .
بشتغل بلوفر لزوجى وخلصته فعلا شكله جميل جدا لكن برضه المشكلة فى التقفيل بتاع الكم. على العموم هحاول اصلحه .شكرا جزيلا
يعطيك العافيه ام قسمت
الروابط المفضلة