عندي مشكلة مع القطع الدائرية اللي تبدأ بسلسلة طويلة ثم تقفليها وتبني عليها زي مثلا القبعات اللي تبدأ من تحت والبلايز .. كل القطع اللي نفذتها بيطلع مكان القفلة مايل يعني كل ما طلعت على فوق بيروح السطر على اليمين مسافة غرزة .. في القطع الصغيرة ما بيأثر كتير على الشكل لكن حاليا بأعمل بلوزة ومرة حيأثر على شكلها

ملاحظة : في السطور اللي أوسع فيها ما يميل السطر وكذلك في الغرز الامامية والخلفية ما يميل .. لكن في الغرز العادية العمود يميل وأنا متاكدة انه عدد الغرز ما بيزيد ولا ينقص .. لكن يمكن لأنه السنارة كبيرة والخيط ارفع منها .. بيطلع فراغ الغرزة اللي في قمتها كبير وجاي جنبها مو فوقها بالضبط .. أقصد المكان اللي تدخلي فيه السنارة .. ارجوكم قولولي اش أعمل حأنجن وحأبطل أكمل البلوزة

شوفوا الصور

[IMG][/IMG]

[IMG][/IMG]
شايفين كيف المربعات اللي عاملتها في النص بدأت تميل ؟؟
[IMG][/IMG]

لاحظوا انه الكم بغرزة المربعات وما مال فيه مكان القفلة ..

[IMG][/IMG]

وياريت كمان تقولولي اش رأيكم في الشكل النهائي .. يعني أعمل الرقبة خناقي ولا دائري ..

السلام عليكم اخت شفافيه
اظاهر كده انا اول وحده فى المنتدى ترد الاول هههههههههههه
ومع ذلك تسلم الايادى واضح انها هتكون بلوزه جميله وكمان الغرزه حلوه
وكمان اللون هادئ وبالنسبه لبقيه الطلبات ان شاء الله سلمى المصريه تفيدك والله الموفق

انا كان بيحصل معايل المشكله دى بس اتحايلت عليها بانى كل سطر اغير اتجاه الشغل فمره تكون مايله يمين السطر اللى بعده تميل شمال فيوزنوا بعض من غير ما تلف جامد كده و البلوزه لونها تحفه و غرزتها ما شاء الله جميله تسلم ايدك

الله عليكى البلوزة ماشاء الله لون وغرزة تحفة ممكن باترون الغرزة انتظرى ام قسمت اكيد هتفيدك ان شاء الله

ماشاء الله عليكي بلوزتك مرة حلوة

أحلى مصرية : هادا من زوقك تسلمي ..

مروة : ممكن تشرحيلي طريقتك في التحايل ؟؟ لأنه شكلها الحل الوحيد قدامي .. يعني مثلا لو زودت غرزة في آخر السطر ونقصت وحدة في اوله ممكن يتعدل ؟؟

سمسم : البلوزة سهلة جدا وما تحتاج باترون حتى فرت نعملها ورشة بعدين حسيت انب مش مؤهلة لسة اني أفتح ورشة ..
طريقة البلوزة الين ما وصلت هي انك تعملي سلسلة طويلة وتلفيها على خصرك عشان تاخدي المقاس وبعدين تشبكي الولى في الأخيرة .. أنا عملت 120 سلسلة .. بعدين تشتغلي نصف عمود سطر واحد بس .. ثم تغيري اللون وتشتغلي 3 سطور .. ثم ترجعي للون الأصلي وتشتغلي سطر واحد لكن توسعي فيه شوية .. أنا وسعت خمس غرز في اليمين وخمسة في اليسار بس مو متتالية .. يعني غرزة توسيع وغرزة عادية
السطر اللي بعده حتبدأي تشتغلي عمود عادي وتطلعي للطول المطلوب بدون توسيع .. بس في النص أنا عملت نفس شكل غرزة الكم 4 أمامية و4 خلفية .. السطر اللي بعده زيه والسطر الثالث تقلبي يعنيفوق الأمامية تعملي خلفي وفوق الخلفية تعملي أمامية ..

أما الكم فتعملي سلسلة على قد يدك .. أنا عملته حيران يعني أخدت المقاس في نص المرفق تقريبا .. ثم توصليها وتشتغلي سطرين نص عمود ثم توسعي في الثالث 8 غرز 4 عاليمين و4 عالشمال نفس طريقة البلوزة ثم تبدأي غرزة المربعات
تطلعي ب3 سلسلة ثم تشتغلي سطر عواميد عادي عشان تبني عليه المربعات السطر اللي بعده تطلعي ب3 سلسلة ثم تشتغلي 4 أمامية ثم 4 خلفية الى نهاية السطر .. وتطلعي سطر حتعمليه زي اللي قبلة وسطر حتبدلي فيه فوق الأمامية خلفية والعكس واضح ؟؟ لحد ما توصلي للكتف تبدأي تعملي الحردة أنا أخدت طريقتها من ورشة فنانة مصرية .. وفي مكان الحردة حيكون الشغل عواميد مو مربعات عشان يندمج مع البلوزة لمن توصليها ..

ديو موون : الله يحلي أيامك ..

أرجوكم عجلوا عليا ترى مرررررررة محبطة

حبيبة قلبى الغلطة موجودة من البداية المفروض تعملى السلسلة اللى من تحت على مقاس الطفلة وتقفلى السلسلة وبعدين تعملى 3 سلاسل كانهم اول عمود وتشتغلى اول سطر غرز فى السلسلة لحد السطر ما ينتهى تجدى البدايه 3 سلاسل تقفلى بمنزلقة تجدى السطر الاول مضبوط معاكى السطر التانى تعملى 3 سلاسل كانهم اول غرزو وتكملى السطر التانى وتقفلى بمنزلقة بين اخر غرزة فى السطر وال 3 سلاسل اللى بيكونوا اول غرزة السطر الثالث تبدائى 3 سلاسل كانهم اول غرزة بالسطر الثالث وهكذا الى الاخر تجدى الشغل مضبوط معاكى ارجوا ان اكون افدتك واى استفسار اقولك عليه يا اختى الغالية

انا وجهت نظرى انى لو عملت مثل ما تقول ام عمر فى اول سطر وخلاص هابدا التانى بنفس الشكل الغرزه هاتتشد ناحيه اليمين فاقوم انا بدل كده اقلب الشغل و اشتغل السطر التانى من الاتجاه المعاكس فيرجع الشغل يتشد شمال وهكذا كل سطر يتشد ناحيه بنفس المقدار فتكون المحصله انه مستوى

حححححححححححححححللللللللللللللللللللللللللللووووووو وووووووووه
الغرزه مشكوره

أختي أم عمر أنا باعمل زي ما قلت صدقيني .. بس زي ما قلت قبل الغرز بتطلع زي الطوب أو الهرم غرزتين فوقهم غرزة مش كل غرزة فوق غرزة

أختي مروة : أنا كان ممكن اعمل فكرتك أو فكرة مشابهة وهي اني أعمل قطعة مستطيلة وفي الآخر اقفلها من الجنب لكن حبيت انه تطلع الغرز ككلها من وجه واحد حتى ما تبان السطور شكلها يعجبني أكتر .. بس اذا ما كان في حل تاني فحأضطر أفرطها وأعيدها بالطريقة هادي ..

حنون : العفو والحلوة طلتك ..