لبنات بورسعيداو المصريات

السلام عليكم لو سمحتم لو فيه واحده مصريه من بورسعيد لو سمحتوا تكلمنى

أنا مصرية بس مش من بور سعيد
أنفع؟؟؟؟؟؟؟

يعنى لو اسكندرانيه ما تنفعش ...بس انت اطلبى اللى انت عايزه وان شاء الله الكل يسعدك
اامرى انتى بس يا مرمر...واحنا تحت امرك

اهلا بيكي

انا مش من بور سعيد بس اسالي يمكن نعرف نساعدك ان شاء الله

انا لا من بورسعيد ولا مصريه ايه رايك ؟؟؟؟؟؟؟؟؟؟؟؟؟؟؟؟؟؟؟

أنا من بورسعيد يا مروة فى إيه قلقتينى محتاجة إيه أو عايزة تسألى عن إيه

السلام عليكم شكرا لاهتمامكم انا نفسى بس فى صديقه تتابع معى اعمالى لانى لسه متعلمه جديد الكوروشيه وباعمل حاجات لبنتىعمرها سنتين وكنت طالبه من بنات بورسعيد يقولولى بيجيبو الخيط منين

السلام عليكم يا مروه

شوفى الخيط فى بورسعيد موش متوافر زى القاهره مثلا

لكن شوفى عند محل حابك او فؤاد اللى جنب مسجد الرحمه

اوشوفى عن الدهشان اللى فى البازار

انا شايفه عندهم خيط قطن مصر البيضا

صحيح اللالوان محدوده لكن تلاقى الابيض والروز والاصفر والاورانج والتركواز

والاحمر والبنى

ولو انتى ساكنه فى بورفؤاد فى محل فى العبور اسمه الحسام بجوار استديو

محسن عنده انواع خيط مستورده وجميله جدا قطن

ومنها الوان باستيل رائعه للاطفال

ومنها الوان جنجاه


ولوعرفت اى محل تانى حاقولك

وياريت اى حد من بورسعيد يفيدنا عن اماكن شراء احتياجتنا

ونتبادل الاراء والافكار فى هذا الموضوع

,الله يا بورسعديات انا كنت حكتب اسال فين البورسعديات نتجمع وورده صغيرة بدات بها وكنت حرسل للباقيات ايه رايكم نجمع كل محبات الكروشية ونشوف حنعمل ايه وبورسعيد مش كبيره بس نقدر نتعرف بسهوله عموما انا قلت لزوجي انا حعمل جمعية لمحبي الكروشية ايه رايكم بالفكرة وممكن نشترك باعمالنا في المعارض بس هو بيقولي بطلي الهبل ده هههههههههههههههه عموما اهلا بيكي ووقت ما تحبي اي شيء انا حاضرة والخيط صحيح قليل بس حنعمل ايه بس اي سؤال احنا معاكي وكل الاخوات كمان

انا شرقاوية من العاشر من رمضان محتاجة ايه؟