ام قسمت ممكن تحطي لي درجه اعمال السنه

**أم سعاد** · 03-04-2007, 01:16 AM

من موضوع اي استفسار عن الكروشيه واي حد عنده سؤال هنا - قريته امبارح بس واليوم قمت
بالتطبيق بسرعه - ياتري ايه الاخبار ياحبيبتي ام قسومه - ايه رايك في مفرش البجعات بتاعي بس لسه مخلصتوش لان جوزي كل شويه يزعق لي ويقول لي خليني انا اغسل المواعين في المطبخ وانت
قاعده تلعبي كده

**أم سعاد** · 03-04-2007, 01:19 AM

وكمان كنت عامله ده

بصوا

**أم قسمت** · 03-04-2007, 02:23 AM

برافو عليكي ياام سعاد والله شاطره الشغل جميل بس ياريت لوتثبتي البجعات علشان يبانوا احلي والرقبه تاخد الاستداره المميزه وكملي ياقمر

**عطرالليالي** · 03-04-2007, 02:42 AM

شغل حلو والى الامام......... وقولي الحمد للة زوجك على الاقل بيساعد

**دعوة للتفاؤل** · 03-04-2007, 02:43 AM

جميل

كان نفسي اعمل البجعات ده بس حاسه انه صعب

تسلم ايديكي

**bosy_md** · 03-04-2007, 02:51 AM

جميل جدا
تسلم ايديكى

**rose d'or** · 03-04-2007, 09:38 AM

جميل جدا

**أم سعاد** · 03-04-2007, 05:21 PM

اشكركم ياحبايبي اشكركم وحبيبتي دعوه انا طول عمري متخيله ان ده اصعب مفرش ولايمكن ح اعرف
اعمله تصوري يتضح انه اسهل مفرش ومش بياخد وقت ابدا وعمل البجعه نفسها مش بياخد اكثر من نصف ساعه وشرحها موجود جميل جدا في موضوع لاي استفسار عن الكروشيه وهي تبدا ب42 سلساله نحشيه بمنزلقه والسطور اللي بعد كده 10 سطور سطر ننقص منه اثنين ونكمله للاخر
السطر الثاني ننقص منه اثنين ونكمله للاخر وهكذا لغايه 10 سطور وسطر نكمله كله منزلقه برضه
والسطر الاخير عمود وسلساله والجناح 18 غرزه منزلقه كل اول سطر ننقص منه اثنين لغايه خمسه اسطر
الرقبه 22 غره نحشيه بشكل بيضاوي منزلقه بدون زياده لمده خمسه اسطر وفي الاخر بعدمنخلص 5ا

**أم سعاد** · 03-04-2007, 05:24 PM

بعد مننخلص الخمس اسطر نجيب فتله ملونه ونبدا نعمل خمس اسطر حنلاقي معانا شكل بيضاوي نقفله بحيث نترك حوالي سم من تحت يعني اول الرقبه وبعدين نقفل ظهر البجعه ونركب الرقبه ونركب الاجنحهوبعد كده نركب البجعه علي المفرش من الناحيه اللي فيها الاعمدهاللي كنا عاملينها وبس