كيف اعمل عراوى بغراز التريكو

كيف اعمل عراوى بغراز التريكو؟؟؟

مشكورين

اهلا بيكي يازهره
انتي قصدك عراوي في التريكو اصلي مش عارفه يعني ايه غراز
المهم شوفي ياستس لو عايزه عراوي افقيه يتحددي مكانها وبعدين تشتغلي عاددي لغايه المكان اللي حددتيه وتحردي غرزه اوغرزتين حسب اتساع العروه اللي عايزاها وتكملي السطر عادي
السطر التالي اشتغلي لغايه مكان العروه وزودي غرزه اوغرزتين يعني رجعي عدد الغرز زي ماكان واشتغلي عادي بعد كده واضح ؟ فيه بقي العراوي الراسيه حااحكيلك عليها بعدين واشوف كده يمكن القي صور توضح

تسلمي يا ام قسمت

تسلمى يا ام قسمت, انا عملت زى ما قلتى لى , اعزونى انى ما بعرف اكتب عربى جيدا, انا اتعلمت منكم و عملت جاكيت تريكو و اليوم انشاء الله راح اوريكم صوره له انشاء الله

شوفي يازهره فيه طريقه تانيه اسهل
تعملي لفه مكان العروه وفي السطر التالي تاخدي اللفه مع الغرزه حاتعمل فتحه صغيره ودي تنفع لشغل البيبيهات وفيه كمان طريقه العروه الراسيه لو عايزاها

مشكوره , انا عملت الطريق الاولى و سمعت ان ممكن اسويهم بالكروشيه بس انا ما اعرف كيف

بصي ياقمر بالكروشيه بتيجي علي الحرف بعد ماتخلصي وتعملي غرزه حشو علي طول المرد وبعدين السطر التالي بتعملي حشو برضه بس مكان العروه بتعملي 4-3 سلاسل او4 حسب وسع العروه اللي انتي عايزاها وتسيبي غرزه حشو او غرزتين حسب الوسع برضه وتكملي في اللي بعدهم وهكذا

بكل اسف انا مش عارفه شو هى غرزه الحشو , انا عملت الجاكيت و ما بعرف شو هو المرد , و هذا هو اول شىء بعملو بالتريكو

غرزه الحشو يازهره يعني مش تلفي الخيط علي الابره مجرد تدخليها في الغرزه وتطلعي تلفي الخيط حايكون عندك غرزتين علي الابره عدي الغرزه التانيه من خلال الاولي
والمرد هو الجزء الامامي من الجاكت اللي بيقفل علي بعضه انتي بقي بتسميه ايه؟؟؟

لا انا ما كنت اعرف ان هذا هو اسمه و عملت الجاكيت و انشاء الله راح اضع صوره له انشاء الله , والله ما بعرف كيف اشكريك على مسعدتيك لى .
مشكوره يا ام قسمت