حبيباتى اخيرا البرد زهق منى وبدأ يسيبنى وعشان كده روحت بسرعة جايبة الخيط وكل حاجة
وبدأت فى عمل البلوزة ............
متخافوش طبعا صورت الخطوات نبدأ ونقول
صورة البلوزة
وده الباترون
جبت لكم صورة الخيط اللى استخدمته
وهو مستورد المانى وقطن طبعا ورقم الابرة 2 معدن
- نعمل سلسلة تمثل عرض البلوزة
انا عملتها 125 غرزة ومقاسى فى البلوزات 42
وطبعا عدد الغرز حسب المقاس
- نعمل غرزة زيادة ونعمل غرزة حشو فى تانى غرزة
- نعمل سلسلة من 5 غرز وندخلها فى خامس غرزة
ونكرر العمل حتى اخر السطر حتى يكون كالتالى
- نقلب الشغل ونعمل 5 غرزة سلسلة وندخلها فى قلب الفوسطون
ونعمل غرزة حشو
- نكررالخطوة السابقة مرتين وبعدين نعمل 3 عواميد فى غرزة الحشو
- نكرر كل 3 فوسطونات نعمل 3 عواميد
- فى اخر السطر نعمل غرزتين سلسلة وعمود فوق غرزة الحشو اللى فى السطر السابق
- نقلب الشغل ونعمل غرزة سلسلة وبعدين غرزة حشو فوق العمود الاخير
- نعمل 5 غرز سلسلة فوسطون لغاية ما نيجى للاعمدة نعمل غرزة حشو فوق تانى عمود
وهكذا حتى نهاية السطر
- اخر السطر نضع الابرة فى الغرزة التالتة فى السلسلة اللى فى اخر السطر
- نقلب الشغل ونعمل سلسلة 5 غرز
وندخلها فى اول سلسلة
- نكرر السلسلة مرة واحدة وبعدين نعمل التلات عواميد
ونكمل 3 فوسطونات واعمدة
يارب يكون الشرح واضح لحد كده
اعملوا لحد كده وياريت اللى تخلص تنزل شغالها
واى اسئلة انا موجودة ان شاء الله
الروابط المفضلة