عاجل جدا جدا .............قراءة باترون تريكو

**فنانة مصرية** · 13-11-2006, 04:01 AM

حبايبى اخواتى عايزة منكم خدمة اللى تعرف تفرأ باترون التريكو انجليزى او فرنساوى ياريت تقولى وتكسب في ثواب وانا عارفة انكوا مش حتكسفونى

مع العلم ان فتحت موضوع الاخت هالة القمر بس الصور مش طالعة

**إيمان علي** · 13-11-2006, 04:13 AM

الباترون بالانجليزي قصدك مشروح والا صورة؟ لو مشروح أترجملك..

**rose d'or** · 13-11-2006, 04:58 PM

وين البا ترون خلينا نشوف الاول

**فنانة مصرية** · 13-11-2006, 05:18 PM

انا قصدى المصور وهو عبارة عن مربعات بها من الداخل خطوط مرة بالطول ومرة بالعرض ومرة فارغة
وساعات يوصلوا مربعين بخط مائل
ياريت اللى تعرف تقول لى عشان انا محتجاها قوى

**رضوانة** · 13-11-2006, 05:32 PM

كتبت بواسطة فنانة مصرية

انا قصدى المصور وهو عبارة عن مربعات بها من الداخل خطوط مرة بالطول ومرة بالعرض ومرة فارغة
وساعات يوصلوا مربعين بخط مائل
ياريت اللى تعرف تقول لى عشان انا محتجاها قوى

حبيبتى ابحثى فى المجلة او الموقع اللى فيه الباترون سوف تجدى صفحة او جزء خاص بترجمة
هذه الرموز الى كلمات وهو بمثابة قاموس الباترونات
نزلى هذا القاموس والاخوات هنا ما شاء الله لن يتأخروا عنك فى الترجمة
وبعدها تكونى فهمت كل الرموز الموجودة بالمجلة او الموقع

**دعوة للتفاؤل** · 13-11-2006, 05:46 PM

معنديش فكره ياريت كنت اقدر افيديك

**فنانة مصرية** · 16-11-2006, 04:14 AM

اخواتى الحبيبات اولا انا اسفة على الالحاح
ثانيا شكرا على ردودكم
ثالثا الحكاية انى اشتريت مجلة بالفرنساوى فيها بلوزات للاطفال بالتريكو وفيها باترون زى الكروشيه بس انا فى الكروشيه اعرف الرموز ومعناها ولكن فى التريكو انا مش متمكنة من المصطلحات اولا ومن الرموز حتى انى فى الكروشيه لما بشوف الباترون المرسوم بعرف انفذه على طول من غير ما اترجم لكن التريكو فيه رموز وكلمات حتى بالعربى مش فهماها واللى زاد وغطى انها فى المجلة بالفرنساوى وطبعا انا فى الفرنساوى ما اقولكوش لا افهم شيئا
وكل الحكاية انى عايزة اعرف الرموز دى معناها ايه بالعربى عشان اعرف انفذ الباترون من غير ما اترجم
مع انى اشتريت قاموس فرنساوى لكن الترجمة الحرفية ساعات بتبقى غلط او غير مفهومة
وثانى مرة اسفة على الازعاج وعلى التطويل
وشكرا لطولة بالكم عليا