احبتى فى الله كل رمضان وانتم فى حب وطاعة وقرب من المولى عز وجل طبعا الشتاء بدا يهل علينا واول هدية لبنوتى الحلوة فى الشتاء بلوزة صنع ايدية يارب تعجبكم واعرف رايكم ايه
بحبكم فى الله
الغرزة من قريب
للبحث في شبكة لكِ النسائية:
|
احبتى فى الله كل رمضان وانتم فى حب وطاعة وقرب من المولى عز وجل طبعا الشتاء بدا يهل علينا واول هدية لبنوتى الحلوة فى الشتاء بلوزة صنع ايدية يارب تعجبكم واعرف رايكم ايه
بحبكم فى الله
الغرزة من قريب
آخر مرة عدل بواسطة habebatarek : 12-09-2007 في 05:43 PM
السلام عليكم و رحمة الله و بركاته
حبيبتى الغالية وحشتينى مووووووووووت
ايه الجمال ده كله .. تسلم ايديكى و مبروك على حبوبتى
عقبال ما تلبسيها فستان الفرح بايديكى يارب
شغلك جميل جدا ويا ريت يكون فيه باترون
عاشت ايدك الحلوه البلوزه روعه
وبالعافيه على البنوته الحلوه
وثوب العافيه
بسبوستى يا طعمة وحشانى يا قلبى لو اعرف ان البلوزة هتخليكى تنورى المنتدى كنت عملتها من زمان وعقبال فستان فرحك يا قمر بس يكون كروشيه
حبيبتى تسلم عيونك الحلوة اللى شافت البلوزة وبالنسبة للبترون الجزء العلوى والاكمام ان عملت غرزة حرف x اما الجزء السفلى واطراف الاكمام واطراف الهاى كول ده البترون الخاص بالغرزة باترون رقم 1276 وعذرا لانى مقدرتش افصله عن باقى الباترونات مع مراعاة انى كل اربع صفوف كنت بزود غرزة فى الوحدة علشان يدى اتساع للبلوزة تدريجى واى استفسار انا ملك ايديكى
ذوقك هو الاروع حبيبتى وشكرا تشريفك موضوعى
ماشاء الله عليكى زوقك رائع
ممكن تشرحيلي ازاي بداتى فيها
وازاي بتتعمل الغرزة اللي من تحت وشكرا
تسلم ايدج حبيبتي على البلوزة الحلوة ملبوس العافية يا قلبي على البنوتة
تحياتي
سمورة الكويت
حبيباتى فى الله الطائعة وسمورة تسلم عيونكم الحلوة اللى شافت البلوزة
بالنسبة لطريقة عمل البداية اختى الطائعة انا عملت الجزء العلوى منفصل والسفلى منفصل وبعد كده بتشبكيهم فى بعض بالنسبة للجزء العلوى بتعملى سلسلة بالطول المناسب للمقاس اللى تحبيه بالنسبة لبنوتى عملت سلسلة من 70 غرزة بتشتغلى اول صف عواميد بلفة واحدة وبعد كده عملت 3 صفوف الغرزة على شكل حرف x وبعد كده بدات حردة الكم بانى تركت 6 غرز فى نهاية كل صف ابتداءا من الصف الخامس لغاية الاخر يعنى لغاية بداية البلوزة من فوق فى اخر صفين عملت حردة الرقبة وبتعملى الوش لوحده والظهر لوحده وبعد كده تشبكيهم فى بعض غرزة الكم هى حرف x وبالمثل الهاى كول اما الاطراف للكم والهاى كول بغرزة الجزة السفلى والباترون بتاعها موضح فى الصورة رقمه 1276 مكتوب تحت الباترون بالنسبة للجزء السفلى عملت سلسلة بطول 84 غرزة واول صف عواميد بلفة واحدة وبعد كده غرزة الباترون الجزء السفلى مكون من 16 صف كل اربع صفوف كنت بزود غرزتين فى الوحدة اللى بتدى شكل الغرزة المموج وده اللى بيدى اتساع تدريجى لغاية ذيل البلوزة وبعد الانتهاء بتشبكى الجزء العلوى بالسفلى بغرزة منزلقة والجزء السفلى بالمثل الوش لوحده والظهر لوحده وتشبكيهم فى بعض يارب يكون الشرح واضح وتحت امرك فى اى استفسار
آخر مرة عدل بواسطة habebatarek : 12-09-2007 في 10:46 PM
ايه الجمال ده كله .. تسلم ايديكى و مبروك على حبوبتى
عقبال ما تلبسيها فستان الفرح بايديكى يارب
شكرا علي اهتمامك يا عسل وان شاء الله هانزل اشتري الصوف
وكل عام وانتى بخير
الروابط المفضلة