اللى عامله مفرش سفره تفيدنى000بليز

**ام حسين المصرية** · 23-04-2008, 07:30 PM

قررت اعمل مفرش سفره لبنتى واخترت خيط قطن شلل والكيلو منه ب20 جنيه
ولم استقر على الوحده اللى هعملها
وكمان مش عارفه اشترى كام كيلو منه حد من حبيباتى يفيدنى والاجر والثواب عندالله
وطبعا عارفه ان الموضوع سؤال من صديقه لكم ولكن الفايده للجميع
ما اتحرمش منكم يا غاليين

**لامار2008** · 23-04-2008, 07:37 PM

ياريت كان عندي خبرة كنت افدتك
بس ان شاء الله الاخوات مابيقصروا
اتمنى لك التوفيق

**farawlla07** · 24-04-2008, 12:50 AM

السلام عليكم يا ام حسين بصي انا ان شاء الله ابتديت ف مفرش سفره بس حدخل فيه قماش
وانا اشتريت خيط غزل الكيلو ب 70 بيقولو احسن شئ اشتريت كيلو وريحت نفسي وقلت الي يفضل اعمله مفرش ع البوفيه او اكمل فوط للسفره
ححطلك شكله وكذا واحد كمان

**ام حسين المصرية** · 24-04-2008, 02:28 AM

اشكرك لامارعلى مرورك ومشاركتك معى

وفى انتظار الصور يا فراوله وياريت يا بنات اللى عندها وحده مميزه تنزلها علشان هعمله وحدات

بسرعه ما تخلونيش انتظر كتير

**farawlla07** · 24-04-2008, 02:33 AM

طيب يا ام حسين ف الموسوعه بتاعتك وحدات كتير حلوه اختاري منها

**ام عمر 7** · 24-04-2008, 02:35 AM

بالتوفيق حبيبتى ام حسين وانتظرك يا فراوله

**أسكندرية** · 24-04-2008, 08:52 AM

ربنا يوفك اختي أم حسين بس أحسن تجيبي زيادة والباقي زي ما قالت فراولة اعملي بية مفارش أو اي شيءانا عملت مفرش بس مش بالكيلو بالبكرة

**dew moon** · 24-04-2008, 10:24 AM

ان شاء الله الاخوات يساعدوك

**ام حسين المصرية** · 24-04-2008, 12:08 PM

اشكركم جميعا على المشاركه وبالنسبه لاختيار المفرش مش مشكله عندى كذا وحده حلوة ممكن اختار منهم انا بس حبيت تشاركونى فى الاختيار وزى المثل ما قال 00ما خاب من استشار000اما بالنسبه للوزن هجيب بزياده زى مقالت فراوله واسكندريه 0000بس مش عارفه اجيب قد ايه
وبالنسبه لنوع الخيط انا اشتغلت بخيط عجبنى الكيلو منه ب20 جنيه فى تخانه خيط الكنفاه ولونه سكرى فاتح وفتلته فيها لمعه000وسبق وجبت خيط الكيلو ب60 جنيه اللوان لكن خايفه يبهت او لونه يتغير ومتهيئلى انه اللى بتقول عليه فراوله هو مكتوب عليه قطن مصرى محرر محروق واسمه(hel wan) لو حد استعمله يفيدنى00 معلش طولت عليكم اوعو تقولو رغايه واشكرك على احساسكم الطيب ومساعدتك لى

**farawlla07** · 24-04-2008, 03:00 PM

السلام عليكم يا ام حسين
الخيط الي بقول عليه اسمه خيط غزل مش حلوان ده بيتباع بالشله الشله ب جنيه او بالكيلو ب 70 ده عندنا ف اسكندريه لو دخلتي اي محل خيوط قلتي خيط غزل بتاع المفارش بيطلعهولك علي طول
خيط حلوان تحفه وانتظروني انهارده بحاول انزل صوره فستان لبنت اخويا شغالاه من خيط حلوان ال 100 جرام الساده ب 8 والجنجاه ب 10 فيه منه طري وفي منه منشي المنشي احلي طبعا ف المفارش ومش بيبهت
لو عاوزه تعمليليها مفرش ملون يبقي خدي بتاع حلوان كويس قوي والله
لو عاوزاه بيج عشان يمشي مع اي لون عفش يكون افضل وهي بقي بعد الجواز تبقي تعمل واحد تاني ملون زي ان شاء الله لما ربنا يرزقني بالزوج الصالح الي مامته داعيه عليه حعمل كده انا دلوقتي حعملهخ بيج فاتح بالنسبه للخيط ابو 20 قوليلنا اسمه ايه لان انا ملقتش حاجه عندنا كده
وححطلك كام وحده عجباني تختاري منهم وربنا يسعدلك بنتك ان شاء الله وجميع بنات المسلمين

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: اللى عامله مفرش سفره تفيدنى000بليز

أدوات الموضوع

العرض