تويت
بعض الأفكار البسيطه لكل واحده بتبدأ ريجيم (عن تجربة.).......(تجربة قيمة )..
السلام عليكم ورحمة الله وبركاته
******
طبعا كلنا هنا في الركن ده عشان نستفيد بأكبر قدر ممكن حتي تصير صحتنا تمام ان شاء الله ونعمل كل اللي علينا عشان اجسامنا تكون في احسن شكل واحسن حال ان شاء الله
يابنات انا عندي بعض الأفكار البسيطه اللي ممكن تساعد اي واحده فينا وهي بتبدأ ريجيمها وانا الحمد لله جربتها كلها واكيد اعطتني دافعه وفرقت معايا ولو شويه بسيطه وعشان كده حبيت افيدكم بيها وممكن تكون أفكار بسيطه جداااااا بس ممكن تكون الباب لتظبيط اشياء اكبر في يومك ان شاء الله
(1)
بالنسبه للبنات اللي بيعانوا من الأكل بكميات كبيره ممكن نستخدم في وجباتنا أصغر ملعقه عندنا (ملعقة الشاي مثلا) هتفرق معانا ان شاء الله (عن تجربه)او ممكن تستخدمي اصغر شوكه عندك (شوكة الحلويات مثلا) يعني مثلا لو ليكي 8 ملاعق كبيره في اليوم تخيلي هتفتحي فمك 16 مره لو استخدمتي الملعقه الصغيره وهتمضغي الأكل 16 مره وده هيحسسك بالشبع وللعلم كل ما كانت اللقمه صغيره والمضغ اكتر كان الأكل أفيد للجسم ولعملية الهضم في المعده
(2)
للبنات اللي بيحبوا يعملوا سلطه ياريت تكبري قطع الخضروات في السلطه (عن تجربه )وكليها ايضا بالشوكه هتلاقي نفسك بتاخدي وقت اطول في المضغ واكل السلطه
وده هيخليكي تاكلي شئ بسيط بجانب السلطه وعلطول تحسي بالشبع
(3)
للبنات اللي بيحبوا يغمسوا كل شئ بالخبز ممكن نجرب طريقه تانيه (عن تجربه)
غمسي الأكلات بأوراق الخضروات مثل الكرنب (الملفوف) أو الخس أو ممكن تقسمي الخياره بالطول وتغمسي بيها اللي تحبيه
يعني مثلا لو يوم عملتي مسقعه (باذنجان وفلفل وبصل وطماطم) استغني عن العيش وكلي بورق الكرنب ياسلام علي الجمال
ولو حبيبتي تفطري او تتعشي او حتي تتغدي فول غمسيه بالخيار او اوراق الفجل او الجرجير او الخس
لو حبيتي تسلقي البيضه وتاكليها لفيها مع الفلفل الأخضر والخيار مثلا جوه ورقة الكرنب وتبليها وكليها مثل السندويتش
واي شئ يجي علي بالك حتي لو جبن ممكن تجربي نفس الطريقه وبكده تكوني اكلتي خضار واستغنيتي عن الخبز في وجبة الفطار والعشا وخلي الخبز والنشويات مره واحده في اليوم
(4)
في وجبه انا بحبها كتيييير ولما يكون مفيش بروتين حيواني بحب أكلها كتير وهي طبق سلطه كبير ومعاه من 4 :8 ملاعق فاصوليا مسلوقه واتبل طبق السلطه واخلط معاه الفاصوليا وشوية زيت زيتون وبالهنا والشفا
يارب اكون قدرت افيد لو حتي بنت واحده منكم حبيباتي ودي فعلا طرق وحيل انا استخدمتها عشان اقدر أأقلم نفسي مع الريجيم ومحسش انه اجبرني علي شئ بالعكس الواحد المفروض يكون مستمتع وهو بيعمل ريجيم عشان يقدر ينجح
يارب التوفيق يكون من حظنا ونصيبنا كلنا ان شاء الله
يارب يا بنات نقدر في يوم نكون اشخاص تانيين تفكيرهم غير واسلوبهم في الحياه غير
يعني يكون كل أكلنا صحي ثم صحي ثم صحي ونقدر نعلم أولادنا الأفكار دي عشان ميتعبوش في حياتهم مثلنا ويكونوا ديما في صحه وبالشكل اللي يحبوه ان شاء الله
******
طبعا كلنا هنا في الركن ده عشان نستفيد بأكبر قدر ممكن حتي تصير صحتنا تمام ان شاء الله ونعمل كل اللي علينا عشان اجسامنا تكون في احسن شكل واحسن حال ان شاء الله
يابنات انا عندي بعض الأفكار البسيطه اللي ممكن تساعد اي واحده فينا وهي بتبدأ ريجيمها وانا الحمد لله جربتها كلها واكيد اعطتني دافعه وفرقت معايا ولو شويه بسيطه وعشان كده حبيت افيدكم بيها وممكن تكون أفكار بسيطه جداااااا بس ممكن تكون الباب لتظبيط اشياء اكبر في يومك ان شاء الله
(1)
بالنسبه للبنات اللي بيعانوا من الأكل بكميات كبيره ممكن نستخدم في وجباتنا أصغر ملعقه عندنا (ملعقة الشاي مثلا) هتفرق معانا ان شاء الله (عن تجربه)او ممكن تستخدمي اصغر شوكه عندك (شوكة الحلويات مثلا) يعني مثلا لو ليكي 8 ملاعق كبيره في اليوم تخيلي هتفتحي فمك 16 مره لو استخدمتي الملعقه الصغيره وهتمضغي الأكل 16 مره وده هيحسسك بالشبع وللعلم كل ما كانت اللقمه صغيره والمضغ اكتر كان الأكل أفيد للجسم ولعملية الهضم في المعده
(2)
للبنات اللي بيحبوا يعملوا سلطه ياريت تكبري قطع الخضروات في السلطه (عن تجربه )وكليها ايضا بالشوكه هتلاقي نفسك بتاخدي وقت اطول في المضغ واكل السلطه
وده هيخليكي تاكلي شئ بسيط بجانب السلطه وعلطول تحسي بالشبع
(3)
للبنات اللي بيحبوا يغمسوا كل شئ بالخبز ممكن نجرب طريقه تانيه (عن تجربه)
غمسي الأكلات بأوراق الخضروات مثل الكرنب (الملفوف) أو الخس أو ممكن تقسمي الخياره بالطول وتغمسي بيها اللي تحبيه
يعني مثلا لو يوم عملتي مسقعه (باذنجان وفلفل وبصل وطماطم) استغني عن العيش وكلي بورق الكرنب ياسلام علي الجمال
ولو حبيبتي تفطري او تتعشي او حتي تتغدي فول غمسيه بالخيار او اوراق الفجل او الجرجير او الخس
لو حبيتي تسلقي البيضه وتاكليها لفيها مع الفلفل الأخضر والخيار مثلا جوه ورقة الكرنب وتبليها وكليها مثل السندويتش
واي شئ يجي علي بالك حتي لو جبن ممكن تجربي نفس الطريقه وبكده تكوني اكلتي خضار واستغنيتي عن الخبز في وجبة الفطار والعشا وخلي الخبز والنشويات مره واحده في اليوم
(4)
في وجبه انا بحبها كتيييير ولما يكون مفيش بروتين حيواني بحب أكلها كتير وهي طبق سلطه كبير ومعاه من 4 :8 ملاعق فاصوليا مسلوقه واتبل طبق السلطه واخلط معاه الفاصوليا وشوية زيت زيتون وبالهنا والشفا
يارب اكون قدرت افيد لو حتي بنت واحده منكم حبيباتي ودي فعلا طرق وحيل انا استخدمتها عشان اقدر أأقلم نفسي مع الريجيم ومحسش انه اجبرني علي شئ بالعكس الواحد المفروض يكون مستمتع وهو بيعمل ريجيم عشان يقدر ينجح
يارب التوفيق يكون من حظنا ونصيبنا كلنا ان شاء الله
يارب يا بنات نقدر في يوم نكون اشخاص تانيين تفكيرهم غير واسلوبهم في الحياه غير
يعني يكون كل أكلنا صحي ثم صحي ثم صحي ونقدر نعلم أولادنا الأفكار دي عشان ميتعبوش في حياتهم مثلنا ويكونوا ديما في صحه وبالشكل اللي يحبوه ان شاء الله
تعليق