السلام عليكم يا رشيقات انا ساويت الشعار تبع الحملة
بس المشكلة اني ما عم اعرف حطه ع المنتدى لانو هو صورة متحركة يعني فلاش اذا حدا عندو معلومات يقللي
راية انتي وقت حطيتي الشعارات كيف نزلتيهون؟

يوم الاثنين
الفطور خبز نخالة مع جبنة ولبنة وبندورة وكم حبة زيتون
سناك تفاحة وموزة
غدا 4 م رز مقلوبة مع سلطة ولبن بخيار وتوم
سناك كاسة حليب مع بسكوت سادة
عشا شوكولا دارك حوالي 20 غ مع حبتين بندق ووربع رغيف خبز ولبنة وبندورة

رجعت وانا عم حط عشا لجوزي زادت أكلت ملعقة رز (أخر الطنجرة واكلتها غصب عني مشان ما ارميها )
ودراقة وكم حبة كرز

وقفت اكل الساعة عشرة

المي لتيرين
الرياضة نص ساعة مشي سريع

كيفك لارا

شو اخبار ريجيمك

يوم الاحد (حسب ماعم بتزكر )
الفطور خبز نخالة مع جبنة ولبنة وبيض وبصل
سناك حلو الاسبوع

غدا 4 م برغل بكوسا مع لحمة ولبن بخيار وتوم وملعقة فاصوليا خضرا وكبة صغييييييييييييييييرة (ضيافة )
سناك مشمش
عشا لبنة مع خيارة ولقمتين (من زبدية ابني )رز بحليب
المي ليتر ونص
والمشي اكتر من نص ساعة

يوميات الثلاثاء (قبل ماتنقطع الكهربا )
الفطور خبز نخالة مع لبنة وجبنة وبندورة وخيار
سناك موزة ونص دراقة وكاسة حليب صغيرة
غدا زبدية كبيييييييييييييييييرة فتوش مع قطعة وحدة سمك مقلي مو كبيرة
سناك حوالي 4 تمرات صغار (تقريبا أد تلت تمرات عادية )
عشا (بعد شوي رح أكلو
كاسة حليب بنسكافيه وشوية فتوش وصحن وسط فواكه
المي ليتيرين

الرياضة نص ساعة مشي

ليش الكل غاطط

وينكن يابنات


مروة

ميمي


حنين


راجو


مودة


ليزا


بشورة
وين تشجيعك اليومي

بس ماتكوني عم تخبصي من ورانا



























رح ورجيك العين الحمرة ساعتها



ومارح ارحمك ابدا





سمعانة





يلا بيني وهاتي يومياتك الحلوة

كتبت بواسطة اللولو المكنون

ليش الكل غاطط

وينكن يابنات

ليكو مين عم يحكي
كل العااااااااااااالم بيسألو عن الغططان الا انت
بتغيبي 4ايام وبتباني يوم وبتقولي ويك الكل غاطط
؟؟؟؟؟؟؟؟؟؟؟؟؟؟؟؟؟

لارا جربتي تحملي الصورة على مركز التحميل هون بالمنتدى ؟؟؟

مركز تحميل الصور - لكِ لتحميل الملفات

بتفوتي لهون وبتختاري تحميل بتحددي الصورة وبعد ما تتحمل بتفتحيها بعملي كوبي وبست هون
وبسسسسسسسس
وخبريني شو بصير معك

والله ياليزا عم حس حالي يامين تراني عم اشتغل اشتغل
مابيخلص الشغل ابدا
هههههههههههه
شو اخبارك
وشو الاخبار عندكم اليوم


بعدين تعي لإلك


ليش ماعم تسألي عني آ آ آ

هههههههههههههههههههههه
عنجد ما سألت عنك
؟؟؟؟؟؟؟؟؟؟؟؟؟؟؟؟؟؟
اضرب انا شو قليلة زوء

























اي لاني بعرف انك بنص الاسبوع بتكوني عند اهلك عادة
بس كأنو هالاسبوع ما كنت ما؟؟؟؟؟؟ظ


شو بدي احكيلك عن الاخبار يا لولو
اليوم عملو عنا مجزرة 13 واحد قصف طيران والجرحى كتااااااااار كتيييير وبحاجة دم
وضع مأساوي
الله يفرج يا رب