[موضوع يستحق النقاش ] نوبات الشره العجيب... إيه حلها ؟؟ تعالي ندردش ونفضفض
مقتنعة من جواكي بهدفك ورغبتك في التغيير
بترسمي خطواتك وطريقك بكل أمل وإرادة وقوة وبتستمري فترة وفجأة .....
تلاقي نفسك واحدة تانية
إنسانة تانية
مش قادرة تتحكمي ولا تسيطري على الوضع
مش قادرة تتوقفي
إلا على إحساس مرير بالضعف وتأنيب الضمير
وبتسألي نفسك إيه اللي حصل ؟؟
وليه بيحصل كده ؟؟
نوبات الشره العجيب اللي بتيجي فجأة وبتحطم كل محاولات الألتزام وتعب الأيام والآمال اللي بترسميها لنفسك
دى حقيقة بيتعرضلها ناس كتير
وفيه اللي بيلجأ للإستفراغ بعد نوبة الشره عشان وزنه ما يزيدش
وفيه اللي بيستغرب من نفسه حتى انه أحيانا أثناء نوبة الشره ياكل حاجات مش بيحبها
بس ما بيقدرش يتوقف
نوبات الشره العجييييييييييب
هل بتتعرضيلها ؟؟
بتيجي امته وازاي ؟؟ وفي أي ظروف ؟؟
بتتصرفي إزاي ؟
بتقدري عليها وبتسيطري على الوضع ؟؟
إزاي ؟ بتعملي إيه ؟ وإيه الحل والبديل برأيك ؟؟
ولا بتستسلمي ومش بتحسي بنفسك إلا وانتى أسيرة تأنيب ضمير جامد ومزعج
تعالي نفضفض ونتناقش
ونلاقي الحلول
وما نستسلمش
تعليق